(D1-D5)
http://chuchu-hung.blogspot.com/2023/05/32-d1-d5.html
(D6-D11)
http://chuchu-hung.blogspot.com/2023/05/32-d6-d10.html
(D12-D17)
http://chuchu-hung.blogspot.com/2023/05/32d12-d17.html
(D18-D22)
http://chuchu-hung.blogspot.com/2023/06/32-d18-d22.html
(D23-D25)
http://chuchu-hung.blogspot.com/2023/06/32-d23-d25.html
(D26-D29)
http://chuchu-hung.blogspot.com/2023/06/32-d26-d29.html
D30 普底(石牛鎮)→百里杜鵑旅遊集散中心→普底景區→金坡景區
今日全日玩百里杜鵑嘅普底及金坡，事先已知四月中先係盛放期，但行程要結束，黎行下啦！玩百里杜鵑住宿較便嘅有二：一係石牛鎮，二係五彩路遊客服務中心附近村內民宿，本想住五彩路附近，但搵唔到港人可入住嘅，只好選石牛鎮。
今早行去集散中心（2km），天空竟然有彩霞，睇左天氣，今日晴天，真好！
係有公交站，但尋無見到公車，亦唔見的士，馬路好少車，所以行下好過。
黎到集散中心，亦係花冠大酒店所在。
入大堂買車票（擺渡車及觀光車）及保險，因為係港人，要到特殊證件窗口辦理。
我地先喺度坐擺度車去普底景區
到景區再換乘觀光車，觀光車好多，唔使點等。
景區導覽圖
第一個係紅軍廣埸
路兩旁嘅玉蘭花開得正盛
跟住遊玩醉九牛
花況比想像中好，都有三、四乘。
除左賞花，厘度有極多百年杜鵑老樹，形態蒼勁，有觀賞價值。
苗裝美女、阿姨、婆婆都不缺。
遊客中當然以貴州人多，各省黎嘅亦不少，黎左貴州一個月，凡遇晴朗天，景區遊人就多，以百里杜鵑為例，除左跟團，相信九乘係自駕人仕（我地坐擺渡車無乜人）。
見到Ｄ人開心，心情都靚Ｄ。
似唔似韓國櫻花節？
山上有兩個觀景台
低位嘅係個玻璃觀景台
高位以花造型，叫數花峰。
先去玻璃觀景台
可見絕多山頭都有杜鵑
我以為杜鵑不外係顏色不同，原來高山杜鵑同香港所見係兩回事，高山杜鵑係小喬木，花朵集成球形，葉嘅形態都特別。
就算樹形都好靚
跟住梗係上數花峰啦！從外睇到觀景台分三層
低層全玻璃牆
中層都係玻璃牆，不過多左360度陽台配合花形裝飾。
搵個人做尺，睇個花飾有幾大。
頂層露天，360度無障礙任你拍，唔怪之得厘位靘女喺度跳舞自拍啦！聽佢地口音，應該係貴州人，我倆喜歡公交遊就係咁，貴州人之間都講貴州話，即使中小學生或父母子女一樣，所以老一輩或無入過學嘅就唔識普通話，不過通常會聽。
三層觀景台都係360度，只係頂層無密封玻璃牆，唔會反光。
遠山近景，盡收眼底。
厘個方向雖然無乜杜鵑，但遠山氣勢可觀。
落番山去奢香嶺，唔知乜原因，似村民同景區交涉，所有景區車停哂喺度。
我地繼續賞景
如果四月中應該好壯觀
遊玩百里杜鵑要有心理準備，肯行就睇到靚景，雖然有觀光車接駁，都要行幾百米至一公里先有車站。
雖然係咁，路邊不乏靚景，睇佢地就知啦！
無論上數花峰或奢香嶺。。。都要爬幾多樓梯，不過兩旁總有杜鵑陪伴。
厘種唔好睇佢頭耷耷，唔係謝，花形係咁咋！
總覺得馬纓杜鵑嘅花苞非常華麗，聯想到晚麗服，講開馬纓杜鵑，係因形態似戰馬頭頂嘅盔纓而名，可入藥，有止血功效。
現場介紹嘅花種好多，我只顧賞花、影花。
相信唔少民族嘅村莊都組團黎遊玩，好多長者，雖然佢地都著民族服，直覺係佢地平時嘅穿著。
一對冷面威武嘅族長伉儷，好玩！唔該借我影張啦！
有部份開得幾燦爛，如果四月中就正啦！搵一年黎過！
雖有觀光車送到五彩亭附近，上山都要靠自己。
途經棵好燦爛嘅應該係梨樹
油菜花
厘座唔係，山上果座先係，我地去左三個亭都可以俯瞰周圍。
五彩亭厘度有兩個觀景台，當然比數花峰矮好多啦！
俯瞰周圍景色，雖然幾乎千篇一律地靚，都上相俾大家睇下，其實我地行左好遠架啦！
走Lu！去出口搭擺渡車繼續遊玩金坡景區，本來老伴話行馬路，點知我聽工作人指示，行左入去錦秀集市區，結果足足兜左半個鐘，豬仔左！
我地先搭觀光車到普底景區出口
出口旁邊係去金坡嘅擺渡車站（13km）
到達金坡東門遊客服務中心，入去購觀光車票。
百花坪及凝香台
花神索瑪蔚塑像
金坡景區導覽圖
黎到金坡一樣咁多人
好明顯厘棵係一樹雙色花，據講有一樹達七色花，非常壯觀。
但花況不及普底，可能只有一兩乘花。
苗族風情園
索瑪花橋係網紅打卡點，可能無乜花，一般啫！
萬花樓係高位，俯瞰都無乜野睇，可能遊完普底，厘邊遜色好多。
錦雞箐，厘邊多Ｄ花。
厘度估係馬纓林，因馬纓杜鵑為大紅色。
雖然導覽圖標示有好多個觀光車站，但我地好似無搭咁多個站。
我地已經出到觀光車總站
睇見厘班婆婆，位位健壯，講野仲好大聲，真戥佢地開心。
時間尚早，結果我地再坐擺渡車返普底，再上數花峰玩多陣。
之後，出普底景區，再坐擺渡車返回石牛鎮，喺度要多謝工作人員，景區內雖然好多保安，咁啱我問著唔多識普通話，又唔多識周圍環境，好彩有位職員熱心幫忙，截左架擺渡車，仲叫師傅送我地去二號停車場添（石牛鎮）！好順利返到石牛鎮，今次唔經廣場入，由另一棧道落山入村。
村內表演廣場
今日天色少有咁靚
喺停車場發現有間十五元小菜自助，包湯同白飯，一般有12-15個餸，有一半啱食都好豐富，不過唔係處處有，喺貴州我地試過三次，次次都好合口味，一於買返酒店。
我地住厘條街尾
Ｄ３０ 完
百里杜鵑交通：
～往來百里杜鵑直達車最便捷，可先從各地乘高鐵到專線車站（若有），唯發車時間每年不盡相同，且有彈性，行前可致電查詢，今年直達景區有四處，分別是：
1. 大方高鐵站↹百里杜鵑（08:30-18:30）每兩小時一班 (¥30)
2. 黔西高鐵站↹百里杜鵑（08:30-18:30）每兩小時一班 (¥40)
3. 畢節高鐵站↹百里杜鵑（08:30-18:30）每兩小時一班 (¥40)
4. 畢節飛雄機場→百里杜鵑（08:50-18:50）每兩小時一班；返程 （08:30-18:30）每兩小時一班
注意 : 以上直達車皆以百里杜鵑正門旅遊集散中心為終點站(花冠大酒店)
～大方有兩個火車站，大方站為高鐵站，大方南是普鐵站。
～若無高鐵，也可乘火車到大方南站，再乘公交/打車到大方站（15km），轉乘景區直達車。
～同上到大方南，可乘公交/打車到大方汽車站（9km），轉乘往普底中巴（¥25）。
～乘客車到大方汽車站，再在大方汽車站轉乘普底中巴（¥25），中巴順序途經正門旅遊集散中心（花冠大酒店）、石牛旅遊小鎮（石牛鎮）、五彩路旅遊集散中心，總站是普底村，遊客可按需要下車，若在百里杜鵑範圍，則車費¥5，招手即可上車。
百里杜鵑遊玩方式及次序有點複雜：
～貴州人一般都以貴州話溝通，很多長者只會聽普通話，雖然他們說慢點仍聽懂，但遇上重要訊息，例如客車師傅致電要改發車時間，最好請對方以短訊通知，萬一錯過仍可追究。
～若住近正門（又稱一號門，即花冠酒店）如遊玩兩景區，需先買兩種車票，擺渡車(旅巴)往返普底及金坡兩景區（¥40）及普底觀光車(電瓶車)（¥35）＋保險（¥10），金坡觀光車在金坡遊客中心購買（¥35）。
～二景區玩法: 從正門乘擺渡車到普底景區後，再轉乘觀光車遊玩各景點，普底景區景點多而密集，玩畢，從五彩路出口離開，轉乘擺渡車到金坡（13km約半小時），抵金坡需再到遊客中心購買觀光車票（¥35），但無需買保險，進景區後與普底玩法相同。
～以上所有車票及保險均無收據，全以刷面通過（職員會替你拍照），抵金坡時，職員硬要我再買保險，慶幸早上我請職員用手機影下她的電腦屏幕為憑，經出示後，順利只買觀光車票。
～網上有不少觀光車站點次序，我倆發覺入口不同，停車站也有不同（我倆在普底景區兩個入口都試過），所以無需理會，按車站次序玩即可。
～景區很大，多留意路標，乘觀光車後才發覺錯過景點，回頭添煩且費時，尤其普底的醉九牛景點範圍大，數花峰最美，必去，勿錯過。
～無論是擺渡車或觀光車，都是一天內無限次乘搭，我同日二次遊普底，先向職員查詢，答案是：不可，但電腦刷面完全順利通過，信電腦啦！
～百里杜鵑門票三天有效（¥120），60歲以上免門票；觀光車（¥35）及保險（¥10）則當天有效，必需購買，若花期對上，可考慮多玩兩天。
～住宿選普底景區五彩路入口附近較方便，若只玩普底，則無需購擺渡車票，直接步行出入景區，玩罷回民宿；若兼玩金坡，可乘中巴到金坡¥12（我沒坐過），惜我找遍五彩路附近，都沒能招待港澳的，各位不妨試找，若有內地親友同行，應首選五彩路入口附近。
～預訂住宿也需注意，一月底至二月初普遍屬正常價，多不設退款；如我住的豪雙床房才¥106，但到二月中開始漲價，二月底所有民宿/酒店最平漲至3xx-1xxx，非常誇張，若堅決遊玩，趁早預訂。
～據職員說，正門是一號停車場，石牛鎮是二號停車場，似以數字區分地點，有可能五彩路是三號停車場，弄清楚有助乘擺渡車到目的地。
～附近還有其他景區，如杜鵑王景區及渡假村之類。
D31 普底(石牛鎮)→大方高鐵站→貴陽→南明河賞櫻(甲秀樓附近)
同厘個遊記搏鬥左兩個月, 終於黎到行程最後, 好野! 唔會爛尾啦!!
今早要返回貴陽準備返港啦! 我倆晨運到一號停車場。
俾個咨詢二維碼大家, 唔知明年仲有無用。
最方便係搭景區直達專線到大方高鐵站, 再轉高鐵返回貴陽北(貴陽北有地鐵, 貴陽東需轉乘巴士)。
直達車接駁點及班次
大方高鐵站
又返去貴陽錦江, 攞左房又出去囉! 
樓下成條街都係食肆, 醫左肚, 搭車去甲秀樓賞晚櫻; 其實好多公園都有晚櫻, 我地只求祈揀個地方。
果然盛放啦! 雖未達滿開, 都有八乘了!
沿南明河兩岸, 都係晚櫻。
好Q嘅警車
都要影番兩張甲秀樓架!
厘度嘅品種, 個人較喜愛。
感覺好嬌俏嘅品種
臨別秋波, 全部都係南明河兩岸嘅相, 一一送上。
紫藤花都盛放
臨走見兩位長者, 一玩陀螺, 轉到發聲, 好有氣勢; 另一位舞絲帶龍, 舞得好生動。
聽日返港, 又返酒店附近嘅吉布魯食自助。
D31 完
D32 貴陽(貴陽北站 08:24-14:28)→深圳北→香港
旅程完滿結束
沒有留言:
張貼留言