(D1-D5)
http://chuchu-hung.blogspot.com/2023/05/32-d1-d5.html
(D6-D11)
http://chuchu-hung.blogspot.com/2023/05/32-d6-d10.html
(D12-D17)
http://chuchu-hung.blogspot.com/2023/05/32d12-d17.html
(D18-D22)
http://chuchu-hung.blogspot.com/2023/06/32-d18-d22.html
(D23-D25)
http://chuchu-hung.blogspot.com/2023/06/32-d23-d25.html
D26 貴陽→織金→平遠古城
今早轉玩織金，雖然係行程尾聲，會離開貴陽五晚，我地都係選擇寄存大行理，輕身上路。
訂票經歷分享：之前想預訂往織金長途巴，職員多次都話唔使預訂，每小時有車，直情唔想出票咁，所以今早提前黎到，知點解唔預售啦！前台根本無人售票，只負責處理專線同團隊遊客，班車售票唔該自行入去集散中心通往停車場嘅途中櫃台，櫃面有張二維碼，唔該自己搞掂（當時櫃台無人，必要時可找師傅/乘客幫手），平台訂票可通過回鄉證果關，上車後點擊＜我已上車＞，若無點擊，師傅會打電話俾你查證（我就係上左車無再睇個App，又見識多Ｄ），到站點係宏洲國際酒店，唔理啦！反正去到織金縣城就得啦！
雖然放低大行理五日，我地都係每人一背囊啫！
我地坐到織金見差不多到民宿附近（習慣會睇住電子地圖），咪叫落車囉！點知師傅話到總站囉喎！諗住係客車站，點知係橫街，完全睇唔到客車站。（無影相）
輕鬆行去攞房，因為縣城去景區交通方便，於是選擇住三晚縣城，生活方便Ｄ，今次選擇住民宿，全自助，去到打電話俾店東，佢俾密碼，自助入住，三人房（有二人單位，百零蚊），非常抵！（¥220）都未試過住民宿會日日執房，第二日我叫店東唔使執房啦！
得半日時間，去平遠古城行下啦！睇百度搭公交，諗住求祈揀個入口啦！點知南門要行好遠，應該揀北門嘛！好彩平時晚晚散步行六公里，無所謂啦！
景區內嘅織金飯店，規模頗大。
厘度櫻花唔算多，不過燦爛。
古鎮應該係重建，面積好大，且佈局與規劃都好好，有時間就當遊公園都另有樂趣，何況免費添！
古鎮高位係厘座亭，左右有弧形樓梯可供上落。
一路上，一路俯瞰古鎮全景。
到頂係個觀景平台花園
織金飯店
小橋流水當然不缺
厘度有個櫻花園，係早櫻，已經出葉啦！
厘排晚櫻開得些少
古鎮當然以古式建築為主
亭內嘅係墓碑
亭內嘅係墓碑
繼績賞美景
九龍湖
厘Ｄ係黃槐卦？一樣燦爛。
厘Ｄ樓房建築得精緻，估佢用作民宿、食肆。。。等，可惜一場疫情打殘左，幾乎十室十１空。
園中不乏雕像
唯一見厘間營業
厘間展館門口完全無標示，見開左門，入去睇下，原來係奇石書畫展，水準唔錯。
鎮內仲有座孔廟，唔算大型，但應有嘅都有。
繼續遊湖兼向南門出去搭車
走Lu！
之前問過附近嘅人，最旺區係山禾源，近織金古城厘邊，於是黎厘邊搵食。
厘間本來係大型超市，執左Lu！我地上樓上食自助，地方同食品唔及貴陽果間，一樣包酒水，人均消費就貴20蚊。
Ｄ２６ 完
D27 織金→織金洞
織金洞原名叫打雞洞，屬貴州五個世遺之一，距縣城東北24公里，坐10路公車直達景區，好方便，亦係黎織金嘅戲肉。
來回程都係厘度搭車。
落車後即見指示路牌
入遊客服務中心買車票就可以上觀光車。
注意：門票包含織金洞及大峽谷兩景點，有效期一天，觀光車及電梯票則分開購買，若需買門票者（¥110），應一天遊兩景點，否則需再購票。（溫馨提示會再講）
廣場上嘅紀念碑及導覽圖
落觀光車後仲要行一段路
石刻廊道
終於到洞外入口啦！
第一個係雙獅迎賓，都幾似。
日月同輝，仲未見此洞有咩特色，但感覺非一般大。
此洞經常利用光影效果，反而彩燈用得少，咁先顯得洞內各式鐘乳石嘅本質非常細緻同形象。
大力神杯
隨隨便便你都可以想像出景象，中間偏右，似唔似兩位大仙隔山祝好。
洞內主要用黃白光，係我暫時見過溶洞中最靚嘅！
之前做功課都知厘個洞又大又靚，所以持住免門票，就將織金洞同大峽谷分兩日遊，黎到證實完全正確，因為一般人都一日兩景點，尤其團隊，無法停留太耐，我地就可以輕鬆Ｄ唔同人迫。
厘度有其中一個鎮洞之寶，搵到未？
厘個精品太大，太近睇都搵左陣，其實亦神似！
倒石筍
繼續發揮想像，難得我地有一日時間喺度，又唔會被人催，真係要讚景區嘅慷慨，朋友疫情一人包景區幾個鐘都得，當然大家要自律，唔好搞到後去者享唔到自由。
雪壓青松
渾圓天成係全場用燈色彩最誇張架啦！
厘個洞喺前行中，可說係絕無冷場。
婆媳情深
三星聚會
厘Ｄ大廳洞頂非常高，遊客可沿梯而上，高處景觀都唔會錯過。
雖然只用簡單燈光，大水池將洞內映照到寶石咁靚。
高位又唔同睇法
繼續前行
中流砥柱
未命名嘅都好靚
隨便舉起相機，入鏡嘅都係靚景。
厘座無人不識嘅鎮洞之寶～霸王盔
講到厘度，真係要讚下景區嘅管理，據當日見聞，未到霸王盔已不斷廣播，話前面有免費拍照，心想，又俾影相檔霸住個靚位啦！點知去到，最正位竟然無被佔，所有遊客（包括商業拍照）都可享最佳拍攝位置。
江山多嬌
無講大話，無需濃裝豔抹，已覺驚豔。
靈芝山
考考你嘅想像力啦！
厘座唔使講都估到，真係好神似佛祖，題為普渡眾生。
中間似採藥老人
景區棧道建得好好，高低角度都顧及，無乜人時，可以慢慢觀賞。
三級華蓋
厘度中間有枝叫銀雨樹，搵到未？
就係佢～銀雨樹
厘度又有姊妹玉樹
就係厘兩枝
你話密集程度係咪步步是景吖！剛好遇上一團，好快佢地就離開啦！
邊個敢話唔係鬼斧神工，厘座掌上明珠甚得遊客歡心。
遊各地溶洞Ｎ次，第一次咁自由自在，第一次有咁多度門，我地遊玩左五個幾鐘，應該接近出口啦！以為出左度自動門就到出口，錯！
第二度門，每度門除非等人出，否則唔可以走回頭，現場亦有監控。
第三度門
哈！竟然仲有景睇喎！
進入雷子洞廳
厘度上面有天窗
葡萄園？
估唔到過左三度門都仲有咁多野睇，厘次真係出洞口啦！總計漫遊左五個鐘，非常正！
一出洞就有洗手間，要啦！一般都玩三小時架！
出番黎再坐觀光車返去遊客中心
返回民宿休息下，出去醫肚，見間老店，試下羊肉粉，點知份量係一窩咁多，唔敢再叫其他野，太飽啦！要行下，去左織金古城，有Ｄ失望。
幾特別嘅燒陶
古城唔覺好古
財神廟
財神廟
文化商貿廣場
古鎮範圍唔大，由南門到北門，夜晚睇唔清楚，聽日再黎過。
Ｄ２７ 完
D28 織金→織金大峽谷
今日玩織金大峽谷，若無免票，應該一日玩哂織金洞同大峽谷（慳門票110+保險10）；玩完織金洞，可乘觀光車直接到大峽谷景區，據現場遊客表示，從織金洞坐觀光車到大峽谷係電梯果邊（後門），再向山下玩去。
我地免票，分兩日玩，尋日玩左織金洞，今日只玩大峽谷，路線同織金洞一樣，不過早一個站落車。
厘邊係正門
先入大堂買觀光車票同電梯票
搭觀光車黎到開始前行
第一景～犀牛望月天生橋，搵到犀牛未？我覺得唔太似囉！
沿棧道而行
見有張枱寫住賣船票，其實可以直行棧道，一樣入洞，不過一係水路，一係陸路，互相睇到。
我地選擇坐船遊綺結河
厘洞叫燕子洞，亦係入口。
從洞外可見洞棧道伸延入洞
峽谷另一邊
開始坐船
洞內較暗，無照明，因洞不深，又有棧道透光，影相還可以。
乘客得我倆，船夫送我地上岸就走啦！
從洞內看～水中撈月
我地上番棧道
棧道內照明充足
若有閒細賞，風景唔錯。
洞嘅出口，亦係綺結河流入地下河嘅出口，厘個叫萬燕歸巢。
天生橋及橋下風光
厘個係頭先睇嘅萬燕歸巢
遠睇係天生橋，其實係以天生橋為界形成兩個天坑。
喺厘度仲有個景觀非常神似～金谷大佛
厘座建築變左儲物室
厘塊三生石估佢係姻緣石之類，旺季人多時，旁邊樹上綁滿紅絲帶。
好似咁
從天生橋下看金谷大佛
可見其中一個完整天坑
天生橋底部，果Ｄ唔係網筋，應該係日子有功嘅污積。
另一個完整天坑可仰望大佛
厘個景觀一共有兩個天坑，叫大/小槽口天坑，非常完整，兩天坑中間就係天生橋，為左影厘張相，條頸非常受罪，若肯訓身喺地下會好Ｄ。
峽谷中另一景～白馬畫山
金谷天生橋另一面
點解反向遊客較多，一是多先玩織金洞，後玩大峽谷，觀光車安排玩法；二是正門入係從下而上，後門入係從上而下；我地而家要過橋再走之字梯上。
目的地係搭電梯返出去，厘度距電梯800米。
回望天生橋，其實兩個天坑都好大。
下望鐵橋
黎到金谷天梯(電梯)已走畢全程，比織金洞當然快好多。
整個織金洞景區仲係發展緊
出電梯啦！
上到去都係服務站，一樣有觀光車票同電梯票發售。
剛好有車，架車返去織金洞，即10路車總站。
返到市區先中午，食Ｄ野，返房休息，晏Ｄ再去出去；我地漫無目的，經過見有座建築幾靚，去睇下囉！
原來入口叫鳳西書院
入去問過接待處，可隨便參觀。
奎閣，估計厘度係受保護建築，整體建築群保養得好好。
有好幾個閱覽室，入去睇過，無咩！接近空嘅！
唯一有Ｄ野睇係丁寶楨陳列室
主要敘述佢嘅生平、家世及功績。
仲有係宮寶雞丁由來，都同丁寶楨有關，有興趣可見細讀。
尋日話會再遊織金古鎮，再去行下，嚴格黎講係條步行街，我地由北門入。
旁邊有註明點解叫古鎮，厘條街本名新華路，建於明初，係當時織金貫穿南北嘅主街，當然而家係另一回事。
尋晚影左南門，今日無影。
南北門間只有電瓶車行駛
同一般步行街無異，兩旁樓高兩三層，應該歷史唔耐。
財神廟
再行入去，有兩座歷史建築，屬清末民初民居。
厘座較精緻，但舖面門口已受破壞。
Ｄ２８ 完
織金交通：
～織金暫時還沒高鐵，來往各地火車班次不多（貴陽早午傍晚三班, 大方中午一班）
～貴陽、安順、大方等來往織金交通方便，客車班次頗多（貴陽金陽客車站較密, 老客車站方便），若到縣城，客車較便；織金火車站離縣城約四公里，打車或公交都方便，北火車站較遠，離縣城九公里。
～縣城往織金洞及大峽谷交通方便，10路公交直達景區，約一小時多，打車約40分鐘。
溫馨提示：
～織金景點不多，主要是織金洞及大峽谷，屬世遺（門票為一個景區）、平遠古鎮及織金古鎮，兩古鎮皆在縣城（免費），公交可達。前者屬近年重建/新建，規模頗大，景觀還可以；後者可觀性不高，古建築只餘極少，類同步行街的商業性質。
～織金洞門票成人¥110，包含織金洞及大峽谷二景點，一天有效，若在縣城住一晚，翌日早點出發，即使細遊，一天足夠。（旺季8:30-17:30, 淡季9:00-17:00）
～無論遊玩次序如何，景區觀光車都有接駁兩景區。
～若乘公交先玩畢織金洞，遊畢可乘觀光車直達大峽谷後門，到遊客中心購車票及電梯票（¥20+¥40），從山上向下遊玩，由正門出，門外就是公交站（較省時省力）。若乘公交先玩大峽谷，會從正門入，從下遊玩上山，然後從後門出，乘觀光車到織金洞繼續行程(如我)；建議一天遊還是前者計劃較優。
～建議織金洞遊玩時間3-5小時，大峽谷2小時足矣。
～長者雖免門票，保險、觀光車及電梯票仍需獨立購買，若長者分兩天遊玩，需多付10元保險。
～若乘公交到平遠古鎮，從北門進較方便，南門停車方便，適合自駕/包車人仕，但距公交站很遠。
～織金古鎮在市中心，形同步行街，時間緊迫者可不去。
D29 織金→大方→普底(石牛鎮)
今日離開織金去玩百里杜鵑景區，要先從織金到大方，再轉乘普底客車到景區；由於織金客車管理問題，厘次有少少中伏，從織金站到大方南站只有一班火車（10:33-11:38），又唔近市區，諗住坐客車接駁方便，客車從織金客運總站開10:30，88km，兩小時到啦卦！點知收到師傅電話要延時，佢講貴州話，聽到話要11:30發車，好在我倆習慣早好多，10:30前就到車站，見往大方車已有乘客，一問之下，11:00發車，好彩無錯過；點知有職員上車問：有無人可以坐下班車，我補十蚊俾你，原來客車超賣（當然無啦），又有三客遲到，結果搞到11:20發車；心諗，今日唔順暢多啦！仲未完，原來厘趟車行低速，仲要沿途拉貨，接貨人又遲到，結果坐左3.5小時，好彩今次行程鬆動，玩少半日都無影響。
到達大方汽車站
去普底客車都係厘個站搭，無需入站內買票，直接上車買票就得啦！厘架車會經花冠大酒店（正門旅遊集散中心）、石牛鎮及五彩路旅遊中心，總站係普底村。
都已經晏啦！唔想趕，一心去民宿攞房，再周圍行下，白玉蘭正盛放。
鎮上幾有旅遊小鎮氣氛
民族特色牛角
石牛鎮，因旅遊業發達，變左金牛鎮啦！
厘個係村內停車場，可泊百多架車，不過夜晚泊滿（可想內地車主多的是）。
整條村唔係民宿就係食肆
我地住後面
講到攞房又出問題，因為我喺平台一月尾預訂，店方未及改價（¥106），二月尾驚見，全景區房價漲至最平三、四百，甚至過千，結果店東唔肯俾房，要我補百零蚊，我叫佢同平台講，大家堅持左陣，佢問我可唔可以改大床房（原是豪華雙床）。
反正係夫婦，無謂阻人搵食（早講唔使搞咁耐嘛），結果改要大床房，見店東笑哂口。
行前Ｄ有座青木苗寨
村口有公交站
雖然條村全屬民居，無商業味道，從佢地嘅房屋可見生活得唔錯，仲有民族風情添！
石牛鎮內雖然泊滿車，除左停車場較熱鬧，街巷都好靜。
連村外大街都水靜鵝飛
Ｄ２９ 完
沒有留言:
張貼留言