(D1-D5) http://chuchu-hung.blogspot.com/2023/05/32-d1-d5.html
(D6-D11) http://chuchu-hung.blogspot.com/2023/05/32-d6-d10.html
(D12-D17) http://chuchu-hung.blogspot.com/2023/05/32d12-d17.html
(D18-D22) http://chuchu-hung.blogspot.com/2023/06/32-d18-d22.html
D23 貴陽→黃果樹→天星橋景區→夜遊黃果樹
今日係禮拜，較好彩係逢周六、日有直達專線去黃果樹（剛查過，目前每日一班07:50，回程17:00），早上七點已到達旅遊集散中心等車。
旅遊集散中心有好多本地團，個人較喜佢地嘅服務，踩雷機會少，且透過平台的，有不少實際是參這些團。（圖文在溫馨提示再講）
出發啦！全車坐滿，只有四位無買回程（單程¥60, 來回¥100），絕多係即日來回。
咦！可能經貴安喎！厘Ｄ櫻花林應該係平壩嘅！
仲有油菜花田，因車速快，又隔住玻璃窗，就住睇啦！
到達目的地，車停橫街，距遊客中心唔遠。
跟住先去攞房，我地住厘間。
對面都係民宿，尤其間人在旅途幾特別，可惜網上搵唔到，唔通又關左？
安頓好哂先十二點，去票務中心LU！雖然免門票，但觀光車票、保險等仍要買，搞掂先可以搭觀光車！
從票務中心望向停車場，寫住黃果樹中轉站果度就係客車站啦！我地先去訂回程車票，只能到貴陽嘅金陽客運站（¥60），仲要坐車返市中心架！所以有直達專線就最便捷啦！不過都有黑車喺度搵客，佢地係返到市中心嘅！應該差不多價錢，黃昏時較多。
其實Ｎ年前我地已黎過黃果樹，因係包團，無行哂，今次重點喺天星橋景區＆夜遊，所以今日只玩天星橋一個景區，入口處大把飲食提供，無準備都可以喺度買。
先玩嘅景點係數生步，人人必經，厘Ｄ水上石墩時而開闊，時而幽深，唔止小朋友鐘意，大人亦覺景色怡人。
行行下，石墩上仲有日期，遊客可以跟住搵出自己嘅生日日期；厘個玩意與我當年黎時有少少改變，以前好多日期旁邊刻有世界名人嘅生日，而家無左。
厘個亭叫做願望亭，有故講架！請自己睇啦！
不過佢講嘅兩塊巨石，我無留意囉！黎貴州，當然離唔開山、水、石、樹等景色。
遊黃果樹一定唔會迷路，路標非常清晰，連洗手間距離都列明。
繼續行，仍然係數生步嘅佈局，厘舊石好似好驚險咁喎！
側身岩又有故仔，請自行閱讀。
黃果樹對林木保護得好好，咁多年，我對厘Ｄ藤蔓仲好有印像，不過唔知係咪太老呢，唔係大好多咋喎！（人地係長長唔長肥呢！學你咩！）
尋根岩，我地咁爛玩，實揾到啦！
厘度係珍珠潭，流出嘅水自動起泡，似足粒粒珍珠。
佢係厘度無人不識嘅裸體美女，梗要幫佢影番張啦！
好感人嘅故仔，配美景更添趣味！
我地仲要向前行，睇以前未睇嘅！
終於黎到高老莊，所有團隊都到此就返程，我地今次行程，厘度先係開始咋！
按指示走
經過座浮橋
邊行邊賞景，山洞前有串細絲瀑布。
厘度都有隻鷹，似展翅保護幼鳥咁喎！
經過索橋，山上似有排企鵝。
橋上橋上橋？感覺有人工成份。
離遠睇，山峽頗深，可能下面仲布天生橋之類。
繼續前進及俯瞰景色。
終於黎到天星洞，雖然無小七孔嘅天鐘洞咁大，都幾精緻。
天星洞入口
入口走廊感覺有加工
厘度直望深處有個天窗，顏色與氣氛令我想起梵高作品。
厘度嘅石鐘乳、石筍、石幔、石柱等都好精緻，的確可觀。
天星洞出口，今日係禮拜，我諗平日可以包場啦！
之後向下個景點去，沿途仲可以眺望橋上橋上橋。
繼續前行厘度叫水上石林區
Ｄ石有唔同，我嘅想像係水石夫妻，石水相依；坊間話：日子耐左，夫妻會似樣；你睇Ｄ石同水嘅形態，係咪相互似樣！亦證明柔可克剛！
厘條藤蔓我估算係厘度嘅老大哥啦！
原來剛才嘅係前奏，厘個銀錬墜瀑先係表表者，佢呈現嘅唔係銀河直瀉嘅氣勢同力量，Ｄ石紋形態完全由水刻劃出黎，咁仲唔係巧奪天工、鬼斧神工，哎呀！總之辭窮啦！相信多Ｄ水時會更靚。
走啦！算還左心願，遊埋當年錯過嘅！我地仲要行一段帶景嘅路。
不過你都可以坐索道返出去
邊行邊享受，一Ｄ都唔攰，離開天星橋後，我地買外賣返酒店沖涼食飯休息，等夠鐘又去夜遊黃果樹囉！
差不多夠鐘，遊客越黎越多，我地檢票入場後，先坐觀光車到景區，條路同日間完全唔同。
繼續前行中，四周燈光不斷變化。
無論地上或石上，都有光影圖案。
扶手電梯嘅燈光同樣會變色
厘Ｄ燈光，現場睇好似螢火蟲。
終於行到大瀑布，途中有激光字幕
亦有激光花朵打喺樹林
四周燈光、激光齊亮，就係大瀑布無燈。
等到萬眾期待嘅時刻，大瀑布終於亮燈啦！
因為係壓軸燈光show，當然耐Ｄ、多Ｄ花式啦！
大瀑布一熄燈，導遊就催促走啦！
就算到廣場出左閘，仍然睇到埸內變幻嘅燈光。
Ｄ２３ 完
D24 黃果樹→大瀑布→陡坡塘→貴陽
今日又係由遠而近，先玩大瀑布，厘個係尋晚夜遊時嘅入口，我地可以話重遊大瀑布，睇下日夜景有咩分別，又睇下同Ｎ年前有乜唔同。
大堂內都有宣傳畫布
先經過奇石盤景園，厘Ｄ當然日景勝啦！
尋晚睇擊鼓表演嘅場地
而家尚早，銅鼓吊橋仲未開（之後有開放）。
四周景色
俯瞰周圍美景
已經可以遠眺大瀑布
沿棧道可一路欣賞大瀑布嘅千姿百態
跟住入水簾洞
較高嘅天窗
低處亦有天窗，全都可以外望瀑布。
洞內濕滑，長者要小心，去貴州最好著對防滑鞋。
從內外望，勁過滂沱大雨，行近會濕身。
上上落落，間中有天窗，透光又洒水，想唔濕身影相都有Ｄ難度。
水簾洞係觀賞大瀑布必去嘅，Ｄ天窗幾靚架！咪錯過呀！
最後一個洞外望
我地已經從瀑布後穿過啦！
厘Ｄ係夜遊景嘅燈光設備
沿路下行，有多級小瀑布相伴。
我地要去搭扶手電梯
銅鼓吊橋開左啦！過橋離開，見厘兩位長者好Ｑ，佢地已經八十幾，仍玩心不變，值得學習。
搭扶手電梯上返去，又再坐車到陡坡塘。
Ｎ年前陡坡塘好多放養嘅孔雀，連白孔雀都唔少，感覺有廿卅隻；而家孔雀無哂，換黎嘅係西遊記人物塑像。
陡坡塘好細，一小時輕鬆搞掂。
進入遊覽通道
沿指示前行即可，今日係周一，仍有唔少遊客，不過團隊較趕，一般停留一陣就走，以下係短時間內嘅三張相，證明散客想影張無人相都唔難。
厘度嘅觀景位置變化較大，以前可以行得好近，而家只能到厘個觀景台啦！
雖然有石墩橋，但唔可以落去嘅！
沿路返出去，補番幾位西遊記人物&景，據講西遊記曾經喺陡坡塘拍過劇，所以擺設劇中人物囉！（另一說話個景係黃龍嘅洗身洞附近）
路過美景
經過霞客亭，哈！佢都算係自由行鼻祖啦卦！
途經對面兩架車都係直達專線/團隊車
然後慢慢去客車站搭車返貴陽，唔知係咪好多人搵唔到客車站，我見街道牆上都有指示牌。
經過停車場，有唔少房車（內地係咁叫）停泊，就知內地個人旅遊有幾發達啦！提外話，我國地大物博景美而多，的確好適合房車旅遊；早廿卅年只有去歐美先見到嘅房車，而家各地都有好多專為房車而設嘅停車場啦！
回程亦見貴安車外美景
返貴陽，食野好多選擇，之前去過嘅吉布X自助餐廳，我地行過，職員已認得我地，又話唔收押金，鬼咁熱情，我地貪佢選擇多，咪入去囉！今次影多Ｄ相俾大家參考。
～從貴陽出發，金陽客車站目前每日四班（0900;1040;1200;1245）¥60，唯回程需看站方安排，我們當日回覆是一定有車，15:00左右。
～金陽客車站位於貴陽市中心西面十二公里，從黃果樹返回金陽客車站後，還需轉車往市中心，但客車站外有很多線路公交可供選擇。
～老客車站目前已有直達專線，每日一班0750，回程1700，單程¥60，來回¥100，最符合即日來回打卡人仕，單程也是首選。
～按經驗，乘專線到達已十一點，預半小時返回專線車，最多只有五小時遊玩三大景區，包括景區間乘搭觀光車，因此天星橋景區只能玩上半段。
～黃果樹景區從遠至近分為：天星橋、大瀑布及陡坡塘，景區間必需乘坐觀光車，若即日來回，一般自遠而近，先乘觀光車玩天星橋（只玩到高老莊段），再玩大瀑布，即日來回因時間緊迫，買扶手電梯票較穩妥(¥50)，最後玩陡坡塘然後出閘。
溫馨提示：
～景區內飲食無憂
～天星橋景區很大，打卡遊只能玩三分一段，若想玩畢全線，必需留宿一晚，景區附近民宿、酒店甚多。
～細遊者把三大景區分兩組遊玩，首日遊天星橋，預計四小時，翌日遊大瀑布及陡坡塘，然後離開景區，或把兩天行程對掉亦可。
～留宿黃果樹，可參與夜遊活動，票價¥200，長者優惠¥150，夜遊時間1.5小時，包門票、觀光車及扶手電梯。
～夜遊黃果樹每日都有，售票處同入口與日場完全不同，夜場售票處與入口在啤酒廣場對面（從日間票務中心沿迎賓大道北行900米）。
～若決定參與夜遊，首場(19:30)時間較佳(早點到售票處)，20:00遊畢更夜更靜。
～據我所見，荔波來往黃果樹每日已有一班直達車¥180，安順往返車更多，因行程走向各異，請詳見汽車網。
油菜花依然盛放
雖然不及滿開，仍算有睇頭。
旅拍仍有生意可做
厘檔較僻，已收工。
因為三日前有熱氣球墜湖（只濕身，無受傷），停左服務。
厘邊唔係觀景台，而係音關。（圖中Ｅ點）
茶場當然景色依舊，櫻花因掉得多，遠觀反而深色左。
喺度難得一見嘅晚櫻
若滿開又未落花，比較淺色。
又見一晚櫻，喺茶場附近一共見過五棵晚櫻，景區範圍我只見早櫻(繁櫻廣場我無時間去,唔知有無)。
厘個油菜花田好型，成條龍咁。
再遊平壩結論：我首遊係17/3，接近滿開（九乘），再遊係28/3，落四、五乘，所以三月底後，雖仍有專線及團隊，但好大機會撲個空。
甲秀樓係貴陽團必到景點，我地雖然N年前黎過，反正樓下就有巴士到，地鐵反而行得遠，我地唔趕，搭巴士好啦！
南明河岸靚左，新建築多左。
厘座係省民族博物館
黎厘度沿南明河岸都係晚櫻，主要睇下花況，都係一兩乘。
厘間小學好具規模，環境優美。
走Lu！
沒有留言:
張貼留言