http://chuchu-hung.blogspot.com/2021/07/14.html
忠武路站(423/331)＞宗廟종묘＞昌德宮창덕궁＞
昌德宮秘苑창덕궁비원＞昌慶宮창경궁＞無牛무쏘 (任食烤牛)＞
南山谷韓屋村남산골한옥마을夜景＞酒店
今日已到行程尾聲，且真係全部係<行>程，卅年前遊過宮殿，今次既然係漫遊，不妨細遊D。計劃先由宗廟開始，我地從忠武路站(423)乘4號線，搭三個站到惠化站(420)下車，4號出口沿大路西行約15分鐘即到。
先到售票處買份綜合門劵궁궐통합관람권(右邊兩小窗口)，₩10,000，包括四宮(景福宮、昌德宮、昌慶宮、德壽宮)一秘苑及宗廟，門票有效期三個月。
講開參觀宗廟，此景非經常性開放，有定期免費導遊，最好行前睇清開放時間，但我地求便捷，只好放棄專人導覽啦！
宗廟意義等同平民嘅祠堂，只是佢地嘅祖先係帝后王族啫！最矚目係厘Ｄ步道，每個區域都由厘種步道連貫，應仿自中國，中路只帝后才能走，百官只能走兩側。
又係包場
厘度展覽皇家文檔印璽。
御用嘅玉璽、金印，收藏嘅箱當然唔可以馬虎啦！
玉冊及竹冊
香大廳展示祭器、供品、神位及有關用品！
之後進入齋宮，王帝祭祀前先在此沐浴更衣。
宗廟源自中國，朝鮮王嘅十二章服，王太子、親王等九章服，都係源於中國，可見朝鮮王嘅冕服同中國古代極相似。
宗廟佔地頗大，主要步道都舖設成三行，亦與中國同。
你可以想像自己為官/王帝，沿步道行就無錯啦 !
佢地嘅門墩簡單，似係木製，繪上太極圖國徽。
佢地分兩座祭殿，供奉人物有別。
正殿係祭祀君主嘅場所
遠處係樂師坐席，應是祭祀時奏樂嘅地方。
地上方型舖設可能與祭祀有關
之後參觀永寧殿，係祭祀王朝先祖/在位短/死於非命/死後被追封廟號嘅君主，仍係門窗緊閉。
在此供奉嘅帝后廟號
區內所有建築都緊閉門窗，裏面係點，只能透過圖片及視聽室嘅介紹祭祀進程及內容。
唔通後設嘅飲水機都講求乾坤八卦 ?
仲有幾個宮要訪，走lu！途經所見。
既然買左套票，當然唔會嘥，在走向昌德宮路上，立有韓服為出租韓服作招徠，厘套又配搭得幾靚喎！
步行15分鐘即到入口敦化門
為求行程暢順，本在出發前已上網預約秘苑進場時間，可惜多次做到最後一步就無反應。秘苑預約網站：http://eng.cdg.go.kr/main/main.htm
因為每日只有12:00一場中文，且有人數限制，唯有早Ｄ親到售票處預約啦！
職員在票上蓋上入場時間
我地先邊遊邊搵左秘苑入口位置，免得錯過入場時間，好喜歡佢地宮內嘅樹木。
好可愛嘅畫面
秘苑嘅集合點近誠政閣，花十分鐘就搵到。
韓國較少深粉紅嘅複瓣櫻花，喺秘苑入口前就有一棵。
搵左秘苑入口，可以放心漫遊啦！
黎到樂善齋，百花盛放，厘度係後宮同女官們渡餘生嘅地方。
厘度嘅建築設計細緻
例如佢地供暖嘅放柴口設計在室內，房內兼放柴枝用，美觀之餘，既不受天氣影響，又免頻繁搬運。
可能有朋友感到遊宮殿頗悶，亦有人玩得不易樂乎，在宮廷玩韓服拍照，有排玩啦！何況幾宮都喺附近，著韓服仲免費入場添！
厘度多陽台建築，可以步上，當然禁進室內啦！
離開樂善齋係個花園，桃李正爭艷。
誠政閣
誠政閣嘅供暖更見豪華，開放兩個。
右邊將門全開
穿過宣平門就係大造殿
厘度係帝王及王妃起居嘅地方
若要黎防火用，個銅海好似細左Ｄ卦！
厘個陽台又長又精緻。
喜雨樓予人浪漫之感
厘個畫面有時光倒流感
熙政堂都係王帝與后妃嘅生活空間，門前地上弧形路壆同屬西式設計。
過左宣政門就係宣政殿，係王帝處理日常政務嘅地方。
與中國宮殿比較，朝鮮宮殿較多綠色空間。
夠鐘到秘苑入口集合啦！若單獨遊秘苑，除昌德宮門票外，秘苑門票要₩5000架！所以都係買套票抵D ; 因為係中文導覽，所以全是中國人。
沿路進入
秘苑最初屬昌德宮嘅後花園，又稱北苑/禁苑，後來與昌慶宮共用，秘苑除殿閣外，仲有唔少亭台樓閣及芙蓉池，環境優美，且盡量保持原有小丘嘅地貌，遊秘苑嘅最佳季節係秋天，將係滿園紅葉，有如以下幅圖(來自博物館)。
魚水門、奎章閣及宙合樓雖然可以上去，但只供外觀，門窗緊閉。
宙合樓一樓係國王直屬嘅圖書館<奎章閣>，二樓供奉御真(王帝畫像)、御制、御筆及王室家譜<宙合樓>。
從奎章閣下望
現場所見，全團幾十人(不多於100人)，全屬散客，估計旅團一般不遊秘苑，團友不能隨便走動，隊尾有保安壓陣，想影張少人嘅相唔易。
聽講解要同人迫，我地寧選擇行最尾影相。
穿過不老門後嘅建築偏向樸實清新，講到不老，似乎自古帝皇都追求長生不老。
脩仁門
我地從長樂門進入
穿韓服可免費參觀，但仍需預約。
演慶堂嘅建築清雅，係依士族房屋設計，曾作招待使節及宴會用途。
厘座涼亭可以變身封閉式空間
我地繼續遊花園，經玉流川。
跟住原路返回，厘位保安全程<護送>團友，直至全數步出秘苑入口。
因為之前要搵秘苑入口，中途又進入秘苑，出黎再遊其餘部份，路線會頗亂，再從進善門進入。
午後遊客更多
肅章門
穿過仁政門到仁政殿
仁政殿係登基儀式、早朝和接見外國使節嘅地方。
進殿內需預約並必需由導遊陪同參觀，仲需穿上鞋套。
宣政殿、大造殿都參觀左，我地向出口前行，穿過萬福門。
經養志堂、憶惜樓、內醫院、冊庫、檢察廳及章奎閣等，返回進善門離開。
從地圖看，宗廟、昌慶宮與昌德宮係相連嘅，但不相通，只能從出口再步行15分鐘到昌慶宮。昌慶宮前身係壽康宮，始建於1418年，倭寇時期曾被燒，日佔時期曾改作動物園，1989年才重修復原貌。
昌慶宮入口弘化門
進門即見滿院春色
明政殿前列滿百官品階嘅石碑，就知係正殿，王帝處理國事嘅地方，亦係朝鮮期正殿中最具歷史嘅建築。
殿前嘅韓服美女們，哈哈！仲以為後宮們殺到，為場景生色不少，謝啦！
景區位於鬧市，背景無可避免係高樓大廈。
歡慶殿及景春殿
方形磚塔又唔知係第幾號國寶。
兩位少年穿嘅韓服，感覺清新，女穿男服，無違和感，讚！
通明殿內無乜設置，門窗大開，只註明入內需脫鞋，可隨便影相。
通仁橋
高處俯瞰昌慶宮
風旗台及仰釜日晷
胎室，內埋有王世子胎盤，碑上詳記主人生日及藏胎盤日。
春塘池
八角七層石塔係1470由中國製造，日佔時期曾被盜，後從商人手中購回。
首爾嘅宮殿中，似乎厘個咁洋化嘅大溫室，唯昌慶宮獨有，雖然唔算好多姿，仍討人喜愛。
唔止遊客愛穿韓服遊宮，連本國人都一樣，厘幾位似學生嘅俊男就非常興奮，主動撩我幫佢地影相，可說是主客同樂。
雖然未過五點，真係行到好攰，老伴話無牛嘅牛肉抵食喎！咪又再去囉！
食得太飽，返酒店前，去南山谷韓屋村影下夜景消消食(行十分鐘就到)。
諗住21:00關門，先19:00多，估唔到完全無人。
搭哂台，聽日梗係有節目啦!
因為日間遊過，知道景區非常大，又黑又靜，為免生意外，都係喺入口附近影下算啦！
早抖 !
Ｄ１２ 完
D13 8/4
忠武路站(423/331)＞景福宮(327)경복궁＞光化門把守儀式表演＞
國立故宮博物館국립고궁박물관＞遠眺青瓦台청와대＞
德壽宮換崗儀式表演＞德壽宮덕수궁＞善良的豬(240)착한돼지
早上從酒店坐四站地鐵，幾分鐘就到景福宮站(327)，5號出口即是國立故宮博物館。
首先當然先參觀入口光化門啦！門前大街寬闊，喺對面最方便拍照。
門前石獅樣子可愛卻欠威猛。
光化門前廣場
用成門後係國立故宮博物館，我地最後先參觀，暫時過門不入。
剛過光化門，即見全穿韓服嘅旅團(有D團包借穿韓服，可免門票嘛)，亦可為景區帶來氣氛。
我地戥人開心完就直入穿過永濟橋、勤政門。
勤政殿前列左官員品階石碑，方便官員列隊，當然係正殿啦！
殿前石獸樣貌有Ｄ怪
勤政殿內
企喺度，可想像下百官朝聖嘅場面。
附近嘅修政殿
荷花池上嘅係會慶樓，可繞池邊走，記得Ｎ年前，會慶樓可隨意進入。
而家必需提早網上預約方可進入
跟住我地入番中軸線參觀千秋殿
思政殿、萬春殿
響午門通向後宮，我地一陣先再去。
繼續橫向經美成門到東宮，分別有重光門、資善堂。
再經貽謨門深入丞顯閣
景福宮諮詢室
厘度係內燒廚房、外燒廚房同生果房區，地上嘅井係復修厘區時被發現，2015年才修復。
咁偏嘅地方，竟然有間仿朝鮮時期點心食肆～生物房，地方都幾大，惜無客呢！
續遊東宮嘅慈慶殿、清讌樓。
出黎之後，被座塔吸引，去lu！
12支神像
厘個景好受歡迎。
厘座塔旁係景福宮民族博物館嘅入口
民族博物館內展品
之後途經緝敬堂
厘個人工池塘正在維修，但仍窺見一二嘅！圍板上繪原來嘅景色。
圍板上設有透明膠窗供欣賞池景
池中心嘅香遠亭
進入乾清宮
後園厘座屬資善堂(之前參觀過)原有嘅基石，點解放喺度？說來話長，請自己睇啦！
乾清宮內包括好幾座樓閣，陽台欄杆的設計含西方元素。
遇上老師帶學生參觀景福宮，也有家長陪同。
離開乾清宮到集玉齋，原本係高宗嘅書齋，特別處係將八友亭(涼亭)設計納入室內。
厘部份就係八友亭內部
經過神武門前，有一閘口，可出，返回需查票，神武門後屬景福宮外嘅公眾街道，因為厘個位可清楚睇到南韓總統府～青瓦台。
單車隊都黎湊熱鬧
好在走得快，有團殺到。
之前我地未完成嘅中軸線後宮部份，而家補番。
佢地後宮主要殿閣嘅稱號同中國非常相近，作用亦相同。
從交泰殿看後院，有Ｄ好靚嘅建築喎！
屋簷上嘅雙喜同萬字
景福宮內目前共有七口井，王后寢宮厘口井連接小型供水系統，睇黎做王后嘅宮女，打水都舒服Ｄ。
厘座花園稱峨嵋山庭園，頭先穿過交泰殿睇到嘅就係厘Ｄ煙囪。
通花園嘅門叫咸亨門
樓閣建築式樣大致與乾清宮相同
厘三位韓服少女為影相都算交足戲啦卦！
厘Ｄ畫面十足宮廷宴會，多謝哂！
突然聽到鼓聲喧天，應該有表演啦！
離開景福宮前剛好趕上光化門把守儀式表演
表演完畢，可與站崗演員合照，老伴用手機自拍我倆與演員合照後，有趣嘅係我幫老伴影相，竟被阻止，原來只可用手機或傻瓜機，哈哈哈哈。。。。又長見識。
出宮梗要經過守門將廳啦！
最後我地進入國立故宮博物館
對歷史短淺嘅國家不能期望太多，厘度算豐富啦！
今日天晴，光化廣場嘅世宗銅像睇得清楚Ｄ。
仲有最後一個景點～德壽宮，因為我地從景福宮行去，最近嘅入口係德壽宮嘅後門，守門職員叫我地去正門(大漢門)，我地表示好攰，俾本套票佢睇，終於放行。
有趣嘅係最終都急步趕去大漢門，哈哈！撞正樂聲震響，梗係有表演啦！
德壽宮換崗儀式表演剛開始
無等表演結束，就繼續我地嘅參觀。
中和門後梗係中和殿啦！
規模雖較小，正殿應有嘅都有。
俯視百官(呢度無咁多人，發下夢都得卦)
浚明堂及即昨堂
左至右分別係大韓帝國歷史館(石造殿)、國立現代美術館，兩館前係噴泉。
大韓帝國歷史館(石造殿)經過重建，每個預約時段只有５名額，從網照看，裏面從裝修至王室照片都徹底西化。
國立現代美術館(德壽宮部)在1998年才落成，當日所見，似乎亦需預約。
途經路旁嘅煙囪及宮牆
厘座西式嘅亭台～靜觀軒，係由俄國建築師設計，用作休閒，同時可俯瞰宮殿，高宗曾在此飲咖啡招待外國使節。
之後到德弘殿及咸寧殿
經過蓮池就到大漢門離開
首爾兩天宮廷之旅就此結束，的確，韓國宮廷可觀性唔算高，如果對宮廷興趣不大嘅，參觀昌德宮同景福宮都夠，至於歷史背景，有興趣嘅可到官網瞭解；(咁你又睇咁多?) 一來我地對自然、人文景觀都喜歡，所以遊記中不止四宮一苑一宗廟囉！二來各宮位置集中，既然黎到，就睇埋囉！反正我倆對逛街濕平同食野都好一般。
對面係首爾圖書館及首爾市廳
此行已到尾聲，今日行得幾攰，其實先三點幾，聽日回港啦！我地非常滿意釜山嘅善良的豬烤肉，首爾嘅未去過，於是到市廳站(201)搭四個站地鐵到新村站(240)店，品質不及釜山，但飲品價平左₩1000。
Ｄ１３ 完
D14 9/4
首爾서울＞香港
我地坐12:55機，可以訓晏Ｄ，從酒店過對面馬路就係機場專線巴士。
記得到網站下載優惠券，可減₩1000/人。
韓國雙城14天之旅到此完滿結束，雖然我倆完全唔識韓語，因出發前做足功課，即使酒店方面遇上小問題，仍能輕易解決，此次公交遊非常順利便捷，大感恩 !
並感謝到訪此遊記嘅朋友們 !
沒有留言:
張貼留言