以為疫情好快過去，點知被新冠偷走年多時光，好無奈！計劃好嘅韓國賞秋之旅，又唔知要等到幾時啦！趁機整理相片後，做咩好呢？不如舊遊新記啦！為自己加深記憶之餘，又可同朋友分享！(雖然有Ｄ過時，食肆同酒店可能都不在囉！)
首先，這遊記性質，美食、購物同高級酒店。。。全無，但對公交漫遊有興趣嘅朋友，不妨作交流賜教。
話說上次去韓國，已經係卅年前跟團遊，當時嘅首爾叫漢城，D招牌多數係中文，於是2018年黎個14天漫遊釜山同首爾。
一向窮遊嘅我倆，今次亦然，無詳細記數，連機票應該＜10K/人，講開機票，相信幾年內都難有平機票lu！厘次坐港航釜山入，首爾出先$1725/人(連行理坐位)，真係抵！
其實好多港人年年去韓國，已非常熟識，唔似我咁大鄉里，希望前輩們萬勿見笑，只想與初作公交行嘅朋友們分享下心得，其實網上厘類資料多不勝數，甚至有唔少圖文並茂嘅教程，大家好易喺網上搵到，所以之前無打算寫遊記囉！喺度分享些少資料。
首先係行，坐公交必需有交通資訊，我用以下三軟件，分別係：
～ 韓巢，可提供地鐵及步行路線(沒巴士資訊)。
Gloogle map，可提供巴士及地鐵資訊，無步行路線。
Naver map，屬本國地圖，我去時只有韓版，可全面提供地鐵、巴士及步行路線，且準確度高，用法大致與百度相似，但需預備中韓對照嘅地點/景點名稱，方便使用(我完全唔識韓文嘛)；目前已有中文版(我無用過)，應更方便。
～ 地鐵，即使有中文站名，但線路及車站數量繁多，計劃時最好註站名及其代碼，如南浦站(111)、掛法站(502)等等，方便出行轉車、捜尋線路，遊記中地鐵站名後也會附註該站代碼。
～ 計劃景點名稱時，盡量附註韓文，方便搜尋地圖(試過gloole打中英文都唔得，貼韓文搞掂)或問路。
其次係住，若如我屬韓文文盲，最好將預訂酒店/民宿的確認書中韓文各備份，尤其韓文最好打印備用，此行經驗發覺極有需要，有助順利入住，且無需為房價爭拗(鎮海及花開還是出事)，佢地喺厘方面嘅系統較差。
跟住講下行程，今次主要係衝住賞櫻而去(咪鬧我悶親大家喎)，所以三月尾出發。
D1 27/3/2018
HK(UO673 09:40-14:00)＞金海國際機場김해국제공항→漫遊市區＞
鄉村飯桌시골밥상＞酒店
D2 28/3
影島영도＞絕影海岸步道절영해안산책로＞天空步道영도하늘전망대＞
太宗台 태종대 ＞國立海洋博物館국립해양박물관＞
樂天百貨公司光復店(夜景) 롯데 백화점 ＞豆田里콩밭에＞
BIFF廣場＞酒店
D3 29/3
甘川洞文化村 감천문화마을 ＞ 松島天空步道영도하늘전망대＞
扎嘎其海產市場자갈치시장＞三樂江邊公園삼락강변공원＞酒店
D4 30/3
三樂江삼락강＞東萊鄉校동래향교＞東萊邑城동래읍성＞
福泉博物館복천박물관＞善良的豬착한돼지＞
冬柏公園동백공원夜景＞酒店
D5 31/3
釜山西部長途巴士站부산서부버스터미널＞鎮海진해＞
長福山雕塑公園장복산조각공원＞余佐川여좌천＞
內水面環境生態公園진해내수면 환경생태공원＞
慶和站경화역＞余佐川여좌천夜櫻＞酒店(鎮海)
D6 1/4
慶和站경화역＞沙上사상＞五六島天空步道오륙도스카이워크＞
釜山博物館부산박물관＞善良的豬착한돼지＞酒店
D7 2/4
河東하동 ＞花開화개＞花開市場화개장터＞十里櫻花路십리벚꽃길 ＞
酒店(花開)
D8 3/4
十里櫻花路십리벚꽃길＞沙上사상＞迎月路달맞이＞
海雲台海水浴場해운대해수욕장＞南川洞櫻花路남천동벚꽃길＞
AION PARTY아이온파티 (吃到飽)＞酒店
D9 4/4
釜山부산＞首爾서울＞忠武路站＞ 酒店＞南山谷韓屋村남산골한옥마을
D10 5/4
忠武路站(423/331)＞安國站(328)>北村북촌＞
白麟濟故居백인제가옥＞雲峴宮운현궁＞
首爾歷史博物館서울역사박물관＞慶熙宮경희궁＞
무쏘無牛 (任食烤牛)＞酒店
D11 6/4
忠武路站(423/331)＞汝矣島여의도＞水原華城수원화성＞
行宮洞壁畫村행궁동벽화마을(華虹門附近)＞酒店
D12 7/4
忠武路站(423/331)＞宗廟종묘＞昌德宮창덕궁＞
昌德宮秘苑창덕궁비원＞昌慶宮창경궁＞
무쏘無牛 (任食烤牛)＞南山谷韓屋村남산골한옥마을夜景＞酒店
D13 8/4
忠武路站(423/331)＞景福宮경복궁＞光化門把守儀式表演＞
國立故宮博物館국립고궁박물관＞遠眺青瓦台청와대＞
德壽宮換崗儀式表演＞德壽宮덕수궁＞善良的豬착한돼지
D14 9/4
首爾서울＞香港
出發啦！
D1 27/3/2018
HK(UO673 09:40-14:00)＞金海國際機場김해국제공항＞
鄉村飯桌시골밥상＞酒店
是日兩點抵達釜山金海國際機場
首要當然係增值張T-Money啦！
計劃要方便去鎮海同花開，又唔使晨早趕車去沙上嘅酒店，喺網上見做緊推廣，位於甘田站(226)
O!Happy Hotel(步行十分鐘)，二百零蚊包早餐，每日送面膜同刷浴巾(非即棄)，超大浴缸，
大堂仲有即磨咖啡、樽裝水同爆谷任飲任食，又設有微波爐，個人就好OK啦！
講開攞房，我地已經準備左韓版預付確認書，點知佢搵一輪都話無，結果搞左廿幾分鐘，好彩啫！之後喺釜山每次check in都有Ｄ問題，所以列印韓版確認書好有必要囉！
因時間充足，可以周圍行下兼到沙上長途車站適應下先(步行廿分鐘)，跟住去釜山站(113)預訂4/4往首爾嘅火車票(D9詳述)，之後到西面站(219/119)搵食兼行街，晚餐去左間24小時營業嘅鄉村飯桌。
好經濟，₩8000/位
除主菜外(揀左魚同豬肉)，其餘可以免費追加，右下果碗唔係奶，係甜凍嘅冬冬酒₩1000，幾好飲。
西面夜市
海鮮厘類高危食物，都係留喺香港食穩陣Ｄ！
返酒店lu !
Ｄ１ 完
D2 28/3
甘田站(226)＞影島영도＞絕影海岸步道절영해안산책로＞
天空步道영도하늘전망대＞太宗台 태종대 ＞
國立海洋博物館국립해양박물관＞
樂天百貨公司光復店(夜景) 롯데 백화점 ＞
豆田里콩밭에＞BIFF廣場＞酒店
尋日hea左半日，今日係體力嘅考驗啦！由酒店搭地鐵到南浦站(111)，再轉(508、7、71)巴士去影島，我地喺白蓮寺站(백련사)下，漫步絕影海岸步道，
一路上有清晰路標
間中設有觀景台
彩虹橋
指示有間snack Bar，但淡季無開。
75廣場
旅遊巴士線路、時間及收費，好清楚，有興趣不妨試下。
海岸步道導覽圖
厘個唔算長嘅天空步道設有免費望遠鏡
之後喺來時方向搭7/71號，在碧山 벽산비치타운 站下，穿越半山小區。
到동삼동국민은행站轉車(8,30,66,101)到太宗台總站
註：穿越半山小區再轉車，有少許難度，若無信心，建議在75廣場對面搭回程車往南浦站，再轉乘66號到總站便是太宗台了。
總站就係太宗台，據講新羅時期太宗烈武王曾到此而命名。
先到旅遊中心攞份地圖，65歲以上有門票優惠(減₩1000)
你可以俾₩3000任坐遊覽車，亦可步行，遊客咁少，睇黎都係步行快夾便啦！
厘度有海鮮檔，都係無開。
救命寺
望遠鏡勝在免費
所見遊覽車唔太頻密
眺望塔母子像
眺望塔及其地面層，上有餐廳。
遊覽車站
6.25參戰遺址紀念碑
燈塔
望夫石
遠處是水壺島，中間為望夫石，沿棧道通往燈塔。
厘座船型建築無開放，似係展覽館！
太宗曾在此射箭
太宗寺
成個半島行得七七八，走LU！反正太宗台距國立海洋博物館唔遠，於是喺太宗台入口附近坐186號，十分鐘車程即到。
國立海洋博物館
深海潛艇
地面層有個迷你嘅觀魚水底隧道
不出意料，展品唔算豐富。
唔少典籍以漢字寫成
地面層有紀念品店
後門可通海旁步行道
最方便回程係搭66號，橫掂要搵食，我地選擇南浦站(111)落，先到樂天百貨公司光復店(頂樓)欣賞夜景(怕關門嘛)，可以欣賞影島大橋、廣安橋同釜山塔夜景。
註：講開影島大橋，每日14:00會被吊起15分鐘，有興趣嘅朋友，可以到南浦洞站8號出口直走步行200m觀賞。(以下兩張來自網上照片)
跟住去附近嘅豆田里食韓式自助餐，其實同飯桌差不多，
厘度就改為點湯，其餘自助。
見有類似芝麻糊，鬼咁開心，點知係鹹嘅，好彩攞少少啫！
再逛BIFF廣場
有表演者高歌
Ｄ２ 完
D3 29/3
甘川洞文化村 감천문화마을 ＞ 松島天空步道영도하늘전망대 ＞
扎嘎其海產市場자갈치시장＞三樂江邊公園삼락강변공원＞酒店
早餐後，乘地鐵到扎嘎其(110)3號出口，附近的忠武洞陸橋站충무동교차로乘1-1 / 2 / 2-2號小巴到甘川洞文化村，上車前忘記影相，借網上兩張照片分享啦！
見到天橋就準備落車(幾乎全車落哂)
落車即見入口
我地先到旅遊中心買張地圖₩2000，話就話集齊12個印章可換兩張明信片，我見有人買左地圖即問職員攞明信片啦！展示板上１４款明信片任選兩張。
跟住按圖索驥
真係低估左玩甘川嘅體力，其實際範圍幾大，又要上高落低。
佢地自稱甘川為韓國馬丘比丘 (唔係卦)
比較下，上面係甘川，下面係巴西Rocinha 貧民窟，係咪幾相似呢？(並無貶意,純作外觀比較) 其實我好欣賞厘個咁大嘅景區，做得好好，仲係免費添 ! 抵讚 !
厘條街算大
厘度就係必到打卡點～王子與狐狸
雖然有人排隊，唔算多啦！
厘四位可愛韓女生直情歡迎我地影添！
清純可愛，真係討人喜愛。
睇見Ｄ櫻花，真係應該過幾日先黎甘川，完全未開。
厘棵叫做開ＤＤ
蓋番兩個印先
咁樣又上又落，需要唔少體力架！
鏡與繩嘅藝術展室
繼續前行
又蓋多一印
雖然攰，但環境真係好可愛，尤其討小朋友歡心。
厘度又係咩？原來係浴場，又蓋多一印。
繼續前行
又黎到打卡中心，介紹甘川文化村同模型展覽。
厘Ｄ櫻花都係未開，如果遲左到釜山賞櫻，可試甘川。
雖然好似出左範圍，其實仲係景區。
對面街角又係蓋印點，我地最後欠兩個，好攰，投降唔玩啦！
回程小巴，就喺景區入口對面。
黎左三日，已經認得下路，車到南浦洞站附近，於是落車，喺8號出口附近，搭6, 30, 711號在岩南洞居民中心（암남동주민센터）站下車，往松島天空步道。
直行向海邊方向，離遠就見。
我地先上橋參觀
橋上嘅最佳拍攝位置
松島仲有條索道，方便遊客高空觀景，不過單程足矣！
由厘條橋上岸可到索道站
我地都係由厘度離開，走前搵個高位影張相先(當然不及吊車啦)。
大家黎釜山，海產市場係必到嘅，唔係扎嘎其，就係張機，反正順路，去扎嘎其(111)見識下啦！
厘個海產綜合市場產品真係幾豐富，厘Ｄ盲鰻香港無見過。
仲有厘Ｄ軟體海洋動物，我都唔識。
似海參，又唔知係咪。
樓內另一邊係食肆，即場揀完可以坐埋等食啦！
現場所見，無論參觀或食客，都以旅團為主。
唔識韓文唔緊要，可看圖識字。
另外仲有海產乾貨區
唔止大樓內，海鮮檔亦擺滿街巷。
厘Ｄ海菠蘿香港亦無見過。
時間尚早，又話主打係睇櫻花嘅，甘川嘅櫻花未開，搭地鐵返酒店附近嘅三樂江邊公園囉！
橫掂上左車，梗係搭到最近嘅掛法站(502)啦！果然無令我地失望，雖然晏左無光，影些少先，再專心享受櫻花路，反正住附近，聽朝再黎。
Ｄ３ 完
D4 30/3
三樂江삼락강＞東萊鄉校동래향교＞東萊邑城동래읍성＞
福泉博物館복천박물관＞善良的豬착한돼지＞
冬柏公園동백공원夜景＞酒店
早餐後，一出街就遇到好野，有兩三架貨車泊路邊擺賣草莓，₩3000/盤，又大又甜，厘度只係一半咋！結果食左兩日。
行程中，我地曾早、午、黃昏三訪三樂江，近吖嘛！尋日見都有睇頭啦！今早再黎，後出發其他景點；由酒店步行到三樂江約卅分鐘，就當晨運，先走上連接掛法站(502)嘅天橋，由高位俯瞰環境。
可見樹頂仲有三乘未開
唔止櫻花路，公路兩旁都植滿櫻花，且盛放。
江邊部份景緻
從天橋走到江邊公園
似乎比尋日又開多左
因掛法站(502)距機場只有兩站，所以有D遊客一落機就帶埋行理黎賞櫻，或者黎賞櫻後再去機場。(睇佢地行理就知剛落機)
公園內，整條櫻花路共三排櫻花。
唔知條櫻花路有幾長，又見一天橋連接公路對面，又上去lu！
櫻花樹似無盡頭，靚！
對面江又另一種美態
書卷氣同櫻花好襯，顯得清雅脫俗。
厘段仲有運動器材，供居民享用。
兩架餐車顏色鮮艷，可能未夠鐘開檔喎！
長廊上有流動廁所，方便遊人。
間中路邊仲有觀景台
繼續前行，厘座高位嘅觀景台，方便遊人拍樹上較高位置。
甚至近距離享受櫻花嘅清香同拍攝
喺度玩左兩個鐘都未到頭，走lu！
其實長廊上除櫻花外，仲有茶花、玉蘭、白玉蘭同長春花. . . . . . . 喺度爭艷。
睇完咁多櫻花，轉去參觀人文景觀，我地搭地鐵去東萊站(125)4號出口，先步15分鐘往東萊鄉校。哈哈！又包景點！連管理員都唔見，我地由攀化樓底右邊小門進入。
有興趣可自行睇介紹
入內第一眼見石碑
1443年之前，朝鮮只有語言，未有文字，王朝都係用漢文，所以石碑上嘅文字我睇得懂呀！
雖然鄉校面積唔大，大體與我地嘅孔廟相同，相信係跟當時中國孔廟而建。
祭孔用嘅祭品
攀化樓又稱南樓，遊客可以登樓，睇格局可起監察環境嘅作用。
之後，我地乘6號車到福泉博物館下車，入口喺下車處斜對面。
其實厘個景區屬東萊邑城，包括福泉博物館同剛去完嘅鄉校，可算係朝鮮嘅文化之旅。首先我地見座馬鞍山無量寺，經過就唔錯過啦！
除左室外，全部上鎖。
不過Ｄ茶花開得好靚
進邑城之前，先參觀露天展區，厘度主要展覽古天文儀器。
城門前守衛係立像(交足戲啦卦)。
邑城以山坡為最高點，沿城牆邊植滿櫻花。
西將台
俯瞰古天文儀露天展區
北將台百歲階梯
北將台為最高點，能俯瞰四周，
中間山丘是古墓群遺址，我地一陣會去。
釜山31獨立紀念碑
山上除櫻花外，仲有盛放嘅玉蘭同含苞待放嘅茶花。
黎到古墓群遺址，以矮樹圍成方形嘅古墓遺址。
由厘度遠望，屋苑內街都種滿櫻花。
最後仲有福泉博物館， 厘座古墓群嘅文物規模，僅次於慶州大型古墓。
館藏主要展出附近嘅169座墓葬文物，係韓國主要考古研究之一。
出土飾物及器具
各式軍事用品
走lu! 博物館對面，滿山櫻花。
15:00咋，行左咁多個鐘，不如早Ｄ食晚餐啦！喺博物館門口乘6，6-1號車去番東萊站(125)，再轉地鐵到西面(119)食自助韓烤啦！
我地四點幾到善良的豬，咁早都要排隊(5分鐘)，₩11900/位(有無時限架？)，用手機翻譯問店員，仲無時限添！若包飲品，再加₩2000/枱。
可能我地到得早，所有熟食都新鮮出爐，Ｄ炸雞媲美專門店。
魚板亦唔錯
燒烤料好豐富，雖然招牌話係豬，但都有牛肉同海產。
各款飲品任飲(加₩2000/枱)
見隔離枱班韓美女咁樣食，我地又照版煮，佢地最後再加飯、泡菜同辣醬一齊炒，好似幾好味咁，可惜我地食得太飽，跟唔上啦！
食得太飽，梗要行下幫助消化，決定搭地鐵去冬柏島(204)影夜景。
往燈塔方向走
燈塔及觀景台
遠處海灘係廣安里海浴場，伸出海嘅石堆，三角形頂上，應該係美人魚坐像，好細座，唔行過去啦！
世峰會場 9-18:00免費入內
以為燈塔會著燈，點知。。。無嘅
對岸夜景
世峰樓及廣安橋
Ｄ４ 完
D5 31/3
釜山西部長途巴士站부산서부버스터미널＞鎮海진해＞
長福山雕塑公園장복산조각공원＞余佐川여좌천＞
內水面環境生態公園진해내수면 환경생태공원＞
慶和站경화역＞余佐川여좌천夜櫻＞酒店(鎮海)
鎮海無地鐵，只能靠巴士代步，當然亦有計程車啦！
上網睇過，31/3鎮海會舉行開幕式，余佐川夜櫻會亮燈，雖然我地對開幕式無興趣，但心諗，早Ｄ唔使同人迫喎！早餐後寄存大行理喺酒店，只輕身到沙上西部長途巴士站乘車往鎮海，見網上Ｄ人話要排長龍，咪早Ｄ行去囉！點知巴士站靜嬰嬰，長途車票喺左邊幾個窗口。
左三列出嘅係鎮海時間表，我估賞櫻期間多好多加班車。
於是將準備好嘅韓文字條遞俾售票員，₩5100/人，從車票上顯示，班車時間(6:00-22:00)。
乘車處閘口無人理，其實無所謂邊個閘口出，反正停車場全通嘅，順序就搵到。
我地係17號閘，除左閘口牌上有中文，車頭車身都有韓文標示往來目的地，理應唔會錯，況且收票時司機都會睇，6:30開車，全車得三分二乘客。
厘度係帝皇山單軌汽車站(回程返釜山時攝)，係俯瞰鎮海嘅好去處，如果唔坐車，可以爬365級樓梯到達(如果無記錯，好似喺車站左邊)。
我地想熟習環境，於是搭到總站～鎮海市外巴士總站。
黎到先07:30
街上無乜行人，其實我地最怕迫，天氣唔錯，今日似乎有好嘅開始喎！
首先坐巴士去長福山當晨運(162,163,164路여좌검문소站落車)，馬路兩旁種滿櫻花，開花約五乘，如果遲左到鎮海，可嘗試到長福山碰運氣。
公園範圍大，佈置唔少雕塑。
我地先沿馬路上山，途經一紀念碑。
沿馬路到隧道口回頭，再入雕塑公園。
見網上話厘度可俯瞰鎮海，效果唔理想。
不過上山馬路好靚，遇上盛放期，全馬路應被櫻花蔽日。
繼續漫遊公園
公園設有飲水機
話明係雕塑公園，當然有唔少展品啦！
園方建議五條行山線，長短任君選擇。
厘個位都算殺食啦卦！
繼續遊花園
厘個裝置我估俾小朋友玩水卦！(尤其夏天)
部份馬路穿越公園範圍
餐車開檔啦！
穿過馬路，又入番公園。
地下圖示往櫻花徑
我地決定靚景唔好嘥，漫步落山往余佐川。
經過幾座公用建築
厘間cafe暫時生意清靜
一路落斜，突然下面出現座西式堡壘建築，加埋櫻花環繞，好有童話feel，落去睇下囉！
原來係婚宴餐廳，櫻花期喺度辨婚宴一定難忘，咦！個鐘假嘅/壞左？十點幾咋喎！
到達余佐川，意外地清靜。
厘座野我見過，非常好用。
利用壓力噴勁風，幫遊人清除身上灰塵。
都11點啦！唔通D遊人去哂慶和站同帝王山？可能時間緊迫嘅，留番夜晚先黎囉！
因為人少，任你玩。
喜歡乜角度都無人阻，爽！當然夜景又另作別論啦！
跟住到附近嘅內水面環境生態公園
湖面積唔算大，好多櫻花未開，漫遊一周約一小時。
應該係出租腳架，日間無人問津，夜晚應該好生意。
因為入住慶和站附近嘅酒店，於是行番出余佐川附近搭車(163,164)。
開始塞車
慶和站厘邊果然熱鬧得多
好多賣頭花嘅小販，好受遊客歡迎。
即席畫漫畫人像
可能一把年紀，見到人頭湧湧，頭都暈埋。
橫掂住附近，不如聽朝早D再黎過，行去酒店check in。
諗住三個月前已透過網上預付房費，又打印左韓文確認書，穩陣啦卦！點知去到話我無訂，大家攞部手機溝通一輪，先表示要收₩170000，簡直無語，致電卜琼又無人聽，結果搞左兩個鐘，討價還價，俾左₩100000先入住單人房(好彩住一晚啫，最後返港追討番)
本來安排去帝皇山，結果搞到近17:00，去附近嘅homeplus食埋野已經夠鐘去余佐川欣賞夜景。人流同日間無得比，好在地方大，人群分散，街頭食檔、餐車多不勝數。
六點零鐘就亮燈，太早，燈光效果未顯著。
天色始暗，加上燈光多變，夜櫻顯得夢幻、浪漫。
櫻花經變色射燈映襯，嘆為觀止。
今日係軍港節嘅開幕式，雖然表演場喺中原圓環，但厘邊都聽到歌聲，電視台在拍攝賞櫻實況。
人潮越黎越多，我地轉去慶和站，順便返酒店。
哈！慶和站同日間比就差得遠啦！以為有漂亮燈飾，結果較失色，(現場無咁光)日間真係靚好多，但因人流全集中喺火車邊，真係擠迫。
最光就係攤檔
玩左成日，如果即日往返嘅朋友，應懂得掌握遊覽景區嘅最佳時間啦！返酒店休息lu，聽朝再黎過。
Ｄ５ 完
D6 1/4
慶和站경화역＞沙上사상＞五六島天空步道오륙도스카이워크＞
釜山博物館부산박물관＞善良的豬착한돼지＞酒店
由酒店出黎馬路，直行就係homeplus。
黎釜山就係為賞櫻，就算內街嘅櫻花都好靚，早起散步都係享受。
諗住近慶和站，早黎無咁擠迫啦卦！唔係呀！
未夠八點，離遠就咁多人？
唔通佢地天未光就黎？
連表演者都咁早
我地影幾張相後，搵個靜D嘅地方坐下，飲杯茶食Ｄ野。
原本就無打算參觀海軍基地，尋日未去嘅帝王山放棄啦！釜山仲有幾個地方想去，仲要去河東嘅花開，趁早回釜山唔使同人迫，因晚上返釜山嘅人非常多。
我地都係去番總站搭車返釜山，停車場唔多車，好易搵到。
十一點幾就返到沙上(227)，雖然住得近，都未行過，趁早，周圍行下，一出大街感覺好有氣氛。
厘位我認得呀！咪係跳住騎馬舞唱江南style果位朴載相。
地上嘅立體畫
D人好似好興奮咁，呢！百貨公司後面果座就係去鎮海、河東嘅西部長途巴士站，原本無打算寫遊記，所以無特別影囉！
厘度近沙上地鐵站(227)，從早到晚都熱鬧，如果玩鎮海同花開都即日來回，住沙上係好選擇。
既然百貨公司咁大，應該有food court，咁大份量都唔使₩10000，估唔到真係即製，新鮮熱辣，再加左個飯卷，足夠2人食囉！
先去五六島天空步道，由沙上(227)乘地鐵到慶星大、釜慶大站(212)五號出口，到慶星大學入口站경성대학교입구轉乘2-1，131，27號，到後門站(오륙도SK뷰후문)下車，離遠即見。
停車場已經泊滿車
旅遊中心就喺當眼處
遠望可見伸出海嘅棧道，另一條上山。
山上係個好普通嘅公園，厘度嘅太陽菊怒放。
黃水仙亦要爭艷
我地向天空步道行去
厘度會要求遊客先穿上鞋套(免費)
步道地面全舖透明玻璃，成U形。
點解叫五六島？原來水退時可見六個島，水漲時只浮出五個島。
從海邊看伸出懸崖的步道
停車場內有售賣海鮮，可到右下食肆烹煮飽餐。
之後，我倆從回程方向乘24/27號，在釜慶大學大淵校園站부경대대연캠퍼스(去程上車的前一站)下車，再步行20分鐘到釜山博物館。
介紹傳統婚禮儀式及流程
朝鮮期各階層民族服介紹
既然無機會親身體驗，改去正館參觀文物。
嘩！若長期戴厘對石耳飾，耳孔肯定唔細啦！
各式陶瓷器
盔甲
號牌
參觀完展品，喺外圍兜個圈囉！外面花園設計精緻。
我見好多公園都有乎拉圈，可以保存不失，值得一讚。
茶花真係燦爛
博物館位處較高位置，視野廣闊。
前晚試過西面(219)善良的豬，感覺平靚正，再去多次。
佢地係先付款後食野，今次記得影張單啦！
Ｄ６ 完
沒有留言:
張貼留言