華山及西安攻略

 玩完陝北嘅乾坤灣、雨岔同波浪谷後,
http://chuchu-hung.blogspot.com/2019/06/blog-post.html
我倆繼續玩了華山及西安, 因此, 把最近期經驗, 總結點小貼士供大家參考。

華山資料:
~ 華山北站(高鐵)出門左側, 有華陰1路及2路免費巴士抵達生態廣場遊客中心。
~ 門票24小時內有效, ¥160, 65歲免費。
~ 門票包括三個景區: 西嶽廟、仙峪、華山, 理論上先玩前二者,
最後在24小時完結前進山, 進山後玩多天都得, 唔好諗博懵, 佢地好先進,
首次入景區前先套指紋, 只要過機印指紋, 即讀出係咪本人, 門票有無過時;
網上有的誤傳門票兩日有效, 都錯唔哂, 如果你喺1號10:00買票,
你喺2號10:00前要進山(係講進山果刻, 唔理你排幾耐隊), 所以一定要預足夠時間。
(建議在華山腳下住一晚, 有些民宿提供接送到生態廣場旅遊中心)。
~ 購門票後, 可免費乘擺渡車, 從生態廣場遊客中心到西嶽廟、仙峪及玉泉院(徒步上山起點)
~ 如乘索道, 西上北下最省力; 體力較好, 可西(索道)上, 北(徒步)下(慳100蚊),
到達玉泉院,再乘免費擺渡車往遊客中心。體力再好, 可北(徒步)上, 西(索道)下; 挑戰極限, 徒步北上北下。
~ 徒步上落只能在北峰, 起點與終點都是玉泉院(智取華山路)。
~ 西索道: 先在生態廣場遊客中心乘擺渡車到索道下站遊客中心(黃甫峪專線)¥40, 再乘西索道到西峰¥120, 60歲以上八折, 在西峰返程即先乘索道後乘擺渡車。
~ 西峰另有一種滑道, 接駁於索道下站遊客中心與索道站間,
聽廣播說是有千多級石階,  因下滑速度感強, 頗多人玩。(沒留意收費)
~ 北索道: 先在生態廣場遊客中心乘擺渡車到索道下站遊客中心(瓮峪專線)¥20, 再乘北索道到北峰¥80, 60歲以上八折, 在北峰返程亦然。
~ 上下索道票均在索道站購買, 擺渡車與索道票均無預售。
~ 華山是國內五嶽中可供夜爬的其中一座 (另一是泰山), 多選午夜後起步。
(別以為沒人, 很熱鬧啊!)
~ 華山分東、南、西、北、中等五座峰, 南峰最高, 每峰均有酒店。
~ 華山上的酒店均無洗手間, 只能與行山人仕共用公廁, 但頗充足, 沒法洗澡, 用水有限制。
~ 山上平均溫度較地面低10°C, 早晚更低。
~ 山上食物較貴(例: 雞蛋¥10/1隻)
~ 65歲以上, 雖免費, 不免票, 且有效期為一天, 若玩兩天, 即先領門票(方便乘車), 到西嶽廟及仙峪, 翌日進山前再到售票處領門票及購買擺渡車票。

 

西安免費旅遊Pass(類同八達通儲值卡) :
(注意: 16/7/19起搬遷到鳳城八路8號, 建行隔離)

西安公共交通發達, 有地鐵、巴士、旅遊專線和的士,
自由行絕不困難(也就不多說了), 要坐公交, 少不了一張IC卡,
西安非常好客, 遊客可憑旅遊證件, 一次性免費申請一張旅遊Pass(長安通),
最少充值十蚊/倍數單位, 使用者與居民優惠一樣, 享有巴士半價, 地鐵九折,
乘巴士還可一卡拍多次(即多人用一卡, 最多幾多就無問), 有效期一年, 無需交還, 有左厘張卡, 行少好多, 一個站都照搭。

西安北站申領長安通位置:

看到(西安景區旅遊直通車)店舖向前走

即見辦事處

長安通Pass模樣

遷址通告
(注意: 16/7/19起搬遷到鳳城八路8號, 建行隔離)

 

陝西歷史博物館 :

陝西歷史博物館是中國第二大博物館(次於故宮), 尤其喜歡遊博物館的朋友, 不可錯過, 基本展品是免費參觀的, 由於遊客非常多, 團體必到, 若臨時進館,
一般都排個零鐘, 甚至滿額而不能進(節假日), 所以都同大家分享下資料。

開放時間 :
冬季（11月15日至次年3月14日）9：00—17：30（16：00停止發票），
夏季（3月15日至11月14日）8：30—18：00（16：30停止發票）。
周一全天閉館整修（國家法定節假日除外）。

免費不免票 :
~ 想省時又免費, 可經網上預約, 經常即日票都係無嘅(最早七天前),
個人試行網上預約, 最後會請你透過陝西歷史博物館嘅微信公眾號預約,
揀日期後再分時段, 08:30-09:45, 10:00-11:00, 11:15-12:00, 12:30-14:00.....等;
~ 預約門票又分為兩種: 一、免費票, 二、需購票
(分兩種, ¥30《大唐遺寶—何家村窖藏出土文物展》同¥300《唐代壁畫珍品館》), 兩者都係學生半價, 前者65歲免費, 入分館前才領票; 後者無優惠。
內地人可自助取票, 港人要到指定窗口取票, 當日我取票完全不用排隊,
因取票窗與官網所說不符, 相信時有變動, 到場問問就是。

~ 無預約又想省時(用錢解決囉), 可即場購買最便宜的
《大唐遺寶—何家村窖藏出土文物展》¥30, 當然你亦可豪D,
買《唐代壁畫珍品館》¥300, 兩者都無需排隊, 亦唔怕額滿。

預約規限:
只能在預約期內有效, 一人最多預約5張, 需與登記證件相符,
過時作廢, 可再約(有位的話) , 預約機會只有3次。
官網: http://www.sxhm.com/

題外話: 如果行到攰又未睇完, 想休息又搵唔到座位休息,
可嘗試到最底層嘅休息飲食區, 當日我去時, 各層坐滿人, 底層竟然無人。
 

從航空交通進入西安市區
若三四人從機場包車/打的到市區, 與公交車資相約, 約80-100人仔, 但感覺沒機場大巴舒服, 西安機場直達市區的豪華大巴共有5條線, 全部都係¥25/人 。
機場大巴線路及班次時間(官網)                  
http://www.xxia.com/site/traffic/airportBus