突尼西亞跟團九天遊 (Part 1) D1 - D5
開羅安＞聖人理髮師陵墓＞聖泉寺＞開羅安古蓄水庫＞大清真寺＞哈瑪麥德＞麥地那＞遊艇碼頭
因為喺哈瑪麥德住兩晚，唔使退房，加上今日團隊遲出發，我地一早食完早餐，可以自由行兩個幾鐘，先到附近嘅聖人理髮師陵墓，步行唔使十分鐘就到。
見到厘間首飾店，左邊巷進入即到。
寺前窄巷，圓柱處就係啦！
聖人理髮師陵墓，傳說係聖人穆罕默德嘅理髮師，帶著穆罕默德嘅三撮鬍鬚黎到厘度，為左紀念佢嘅功德而建嘅寺，同時安息於此，所以又叫聖友祠暨清真寺。
因為條巷好窄，入口大門好難影，唯有局部睇啦！
巷內前後環境
入內前有個小空間，牆上磚飾非常細緻漂亮，尤其頂上嘅石膏雕花更精細。
進入即見井形庭院
厘座類似龕嘅設計，上面嘅石膏雕好靚。
另一邊牆上舖滿精美瓷磚
庭院嘅三面環境
見地上有塊磚，唔知蓋住咩呢？
旁邊嘅估係集水口，信眾可將捐獻嘅食水倒入去。
蓋住嘅原來係盛水器皿，可能俾小鳥黎飲水，作為奉獻。
見有樓梯上二樓，問過，可以上去參觀，梗唔嘥啦！
俯瞰前庭
我地再穿過小巷，中間竟然仲有個天井。
牆邊有類似水槽嘅建築，估計係俾信眾潔淨之用。
中間蓋住嘅無睇過係咩！似係盛水用，如果喺地面層，我會以為係個井，唔通下面係個蓄水池 ? 因佢地故意以石壓住，為專重，唔好打開啦 !
因為建材來自各地，幾乎每支柱頭各異。
跟住，我地落番地面層，進入一個豪華房間，裏面仲有個鐵製通花房間，綠色布蓋住嘅估計係座石棺，唔使講，梗係聖人理髮師嘅安息之所。
豪華木雕裝飾房頂
厘度嘅木門非常精工
離開聖人理髮師陵墓，五分鐘步程，黎到厘間地毡廠(尋日黎過)，右後面圓頂嘅就係聖泉寺。
聖泉寺嘅介紹
聖泉寺入口
沿樓梯上，應該係辦事處之類。
再上幾級樓梯，就係聖泉所在。
佢地利用駱駝抽出地下泉水
離開聖泉寺，我地兜去後面。
仲有石製水槽，可能係節日時，寺內容唔到太多人，就將聖泉水引到水槽，供信眾飲用。
參觀完，係時候返酒店集合出發啦！行經街巷所見
Ｄ麵包睇落好好味
厘條巷好多鞋檔
估計係天然顏料
佢地嘅結婚花車
歸隊後出發到開羅安嘅古蓄水庫
外牆上開羅安嘅瓷磚地圖
門前有兩座炮，突國水資源珍貴，蓄水庫當年要嚴密保護。
博物館辦事處
我地沿樓梯上觀景台
俯瞰蓄水池
大池後有個細Ｄ嘅過濾池，水先經過濾池再流入大池。
厘個？？？
地上嘅方形洞口係取水口
之後，到下層嘅紀念品店。
厘Ｄ一舊舊係香梘
唔使片刻，就到大清真寺，據講開羅安有清真寺近三百座，而大清真寺更係北非之首，始建於公元670年。
大清真寺嘅俯瞰圖
多柱式禮拜殿頗大，連走廊可容5000信眾，地上舖滿用作崇拜嘅地蓆。
殿內分單柱、雙柱同三柱區域；單柱係普通信眾區。
雙柱屬VIP區
三柱後面係女信眾區
除左禮拜殿，入殿正門亦係寶貝，係由香柏木雕成，非常精緻珍貴，木材自黎巴嫩運來，係唯一保持原狀嘅門。
其實其他嘅門都好靚
由於始建時建材不足，四處搜集，因工人係文盲，所以左邊塊磚倒轉左。
除禮拜殿屬多柱式，走廊亦然。
因為從各處搜羅嘅，所以柱柱不同。
即是四周走廊，亦有單柱與雙柱之分。
佢地亦重視儲水設計，廣場上有好多集水口，信眾若捐獻食水，可從集水口注入。
厘個較特別，除中間兩孔集水，其他放杯/盛水器皿，Ｄ水係俾雀鳥飲，屬奉獻之一。
從厘D取水井口，可見地下係個蓄水池。
而家當然唔使人力取水啦！
井邊留下不少取水繩磨成嘅凹痕，可見歷史悠久。
厘口井特別開俾遊客參觀
清楚睇到倒影
寺內廣場及宣禮塔多面睇
廣場中央白色嘅係日窺
之後，到地毡廠參觀，除介紹地毯編織外，當然亦推銷下產品啦！
途中見傳統嘅烤麵包店
午飯後已到酒店check in，都係同一集團，唔錯！
酒店大堂
唉！對老眼昏花嘅遊客，厘兩個洗手間標誌，真係好易搞錯。
大堂嘅牆磚媲美清真寺
連大堂洗手間內嘅牆磚都好出色
房間無瓷磚裝飾
廁所嘅瓷磚就一樣有特式
房間景觀開寬，望到嘅堡壘型建築係麥地那市集。
眺望其他酒店
酒店位處麥地那，我地當然唔執輸，出去四圍逛啦！
一出門口就見好可愛嘅遊覽小火車
整個麥地那似個旅遊渡假勝地，吃喝玩樂不缺，路邊茶座、博物館、紀念品店、遊樂場。。。等應有盡有。
連垃圾桶都用盡心思，搵唔搵到呀？美女像嘅腰部就係垃圾入口，人地腰纏萬貫，哈 ! 佢就腰纏垃圾。
繼續周圍逛
麥地那街道圖
巴扎側門
所有突國見到嘅紀念品，都可以喺度搵到。
又係厘個女人頭像
麥地那的確係個漂亮嘅玩樂旅遊區
唔止有女像垃圾桶，仲有男像嘅，無論男女，都手捧大碗，估計係棄煙頭用嘅。
想享受土耳其浴？都有！
厘口井應該有些歷史啦卦！
進入街巷都係怡人景色
雖然都係人像垃圾桶，但衣服顏色各異，背後仲有個袋，估係作垃圾分類啦！
賭場都有
巴扎出入口
即是小火車都各有色彩
厘間阿里巴巴樂園肯定係小朋友首選
厘區有唔少堡壘型建築
除可愛嘅小火車，仲有浪漫馬車。
厘間百貨公司頗具規模，好處係唔使講價，睇得舒服。
厘四樽可樂係收獲之一，可愛！
走lu！去沙灘行下。
多間酒店都有私人沙灘區，我地住厘間，住客喺範圍內可享受免費服務，包括毛巾、沙灘椅。。。
海灘旁各種商店、餐廳，甚至賭場都有。
夕陽下嘅椰棗樹
晚餐係酒店自助餐，餐廳頗大，食物種類豐富。
逛過麥地那，食得太飽，當然要去哈瑪麥德嘅遊艇碼頭趁下熱鬧。
可能係夜左Ｄ，唔算熱鬧，既然黎到，影番幾張相，橫掂喺度住兩晚，聽晚早Ｄ再黎。
Ｄ６ 完
哈瑪麥德＞那布爾＞花園半島(加利比亞古城、蓋赫庫阿勒)＞哈瑪麥德
早餐後往那布爾參觀瓷器店兼工場
可見產品係全手工製作
之後參觀店面發售嘅產品
佢地叫做Magic Camel，我覺得似古裝武俠片下毒用嘅鴛鴦壺。
所謂一分錢一分貨，厘間店嘅產品工藝的確精美細緻。
店內天花都表現左出色嘅突國瓷器特質
之後驅車往花園半島(Cap Bon)嘅加利比亞古城，此城始建於迦太基時期，16世紀由西班牙人重建，充滿拜占庭特色。
地上遺下嘅應該係炮身部件
似係更樓
城牆保存得好好
炮樓上嘅炮身留有遊客簽名
古城一面對平原
古城另一面對地中海
厘個設置用作隔音/隔熱？
古城內嘅部份建築
離開前，不忘影番張加利比亞古城全景。
唔使半小時，到達蓋赫庫阿勒博物館。
蓋赫庫阿勒古城是迦太基時期嘅渡假勝地，不少豪華別墅集中於此。
既係牆飾，又係展品，正！
形似木雕的女乾屍
古城文物
受羅馬人影響，古城可見嘅水井、去水道、浴池特別多，可見時人特別愛浸浴。
中間嘅係水井，右邊粉色嘅係浸浴池。
房屋嘅大門入口
又係水井
厘個浴池更完整啦！
厘座豪華建築可見面對地中海
房屋群嘅基石
因為係豪華別墅區，民居內設有浴池水井的比比皆是。
厘個係公共浴室，左邊係浴池，右邊係客人休息聊天處。
去水道
地上原本應是馬賽克
離開蓋赫庫阿勒，半小時就到達海邊餐廳午膳，環境怡人。
路邊仙人掌開滿花
餐廳牆上嘅瓷磚畫
餐廳清爽舒服
完全地中海風情
午餐甜品竟係雪條，天氣熱，幾貼心！
飯後行下沙灘，水清沙幼人少，你睇遊客們幾享受。
厘兩日哈瑪麥德行程好輕鬆，午飯後就返酒店，
突國人頗熱情，不過街上多係男性。
途經所見
房間服務員又換左花樣摺毛巾，好有心思。
趁時間尚早，出外閒逛lu！
沿海灘嘅建築，全屬豪華酒店，遊客唔少。
浪漫馬車當然好受歡迎，旅程所見，似乎突國較多同性情侶。
因為多數酒店有專用沙灘區，方便住客返房休息後再戰。
哈瑪麥德真係個漂亮、舒適和多元化嘅渡假旅遊勝地，設施齊全。
今日早Ｄ行出黎，因為有間特色酒店，係我地想親身入去參觀嘅！呢！就係前面果座啦！
先睇下外圍
大堂就更吸引啦！既特色，又氣派。
前枱牆飾既簡單，又有古風味。
走lu！不忘喺內園影番張全景。
今日較早，再去碼頭逛逛。
厘艘船係餐廳，似乎生意不及麥地那市集。
雖較尋晚多人，仍唔算熱鬧。
碼頭泊左好多海盜船，佢地日間會載遊客出海遊玩，每艘船裝飾各異，十分可愛。
同尋晚一樣，都係返酒店食自助餐，飯後嘅市集夜色，非常熱鬧。
酒店泳池夜色
Ｄ７ 完
哈瑪麥德＞突尼斯＞巴杜博物館＞麥地那(老城區)＞市政廳廣場＞多哈＞香港
今日已經係行程最後一日啦！個人覺得，單係巴杜博物館就非常豐富。
一入門就被牆上一巨幅馬賽克震住，嘩！真係好靚呀！參觀完先知，對所有展品黎講，厘幅牆亦不過一般啫！
再入去，不得了，琳瑯滿目嘅都係極品馬賽克，牆上、地上，使唔使咁靚呀！
有Ｄ地上馬賽克，遊客一定要踩上去嘅，真係有Ｄ肉痛。
厘幾幅係清真寺必具嘅
厘幅瓷磚上係阿拉伯文數字
阿拉伯特色嘅石膏雕花，無論係清真寺或豪華建築都不可缺。
實在太喜歡厘度嘅展品，細賞肯定唔夠時間，唯有粗略地邊睇邊影，返黎再慢慢睇，當然遠不及現場啦 !
巴杜博物館予人感覺，展品除以馬賽克為主，其他喺突尼西亞睇到嘅文物，都可以喺度睇到，例如被奉獻嬰兒嘅童棺。。。。
授洗池
仍保留當年皇宮天花嘅模樣
厘幅以花鳥蟲魚為題嘅，栩栩如生，睇左咁多，似乎題材可分為經文/文字、圖案、花鳥蟲魚、野獸同神話故事等。
上面果幅海妖塞壬的歌聲，與奧德修斯嘅英雄(中間白衣)事蹟，就好引人入勝。
咦！駝鳥都有。
因為太喜歡厘度嘅馬賽克，所以會放多左相，咪鬧我喎！不過，我真係覺得無黎巴杜博物館，等於無到突尼西亞架！如果俾我留一日喺度，我都唔悶呀 !
石刻一樣精彩
喺個半露天庭園，又係多姿多彩嘅馬賽克，唔好睇漏地上喎！
厘個展廳中央放巨型石棺，雖然較破爛，仍可見細緻雕刻。
整座博物館嘅金屬展品唔多，可能突國嘅金屬礦稀少啦！
厘部份嘅石雕帶西方色彩
厘座銅像，應該係全館最大嘅金屬展品啦！
維妙維肖嘅繆斯與詩人
中間厘座唔知係石棺還是授洗池，我估牆上嘅馬賽克係屬於佢嘅；見唔見前面有個展品，就係黎自克觀嘅超靚授洗池，千祈咪走雞呀！
來自蓋赫庫阿勒(克觀)嘅授洗池，簡直令人嘆為觀止。
厘度似條巷，以玻璃保護嘅展品，燈光較暗，無細心影啦！真係太多好野，影都影唔哂。
雖然參觀已到尾聲，但精彩展品仍不缺，巴杜博物館可說絕無冷場，唔黎一定後悔。
離開博物館準備前往午膳，點知遇上塞車。
途經古城
兩點多，終於黎到餐廳，我地上二樓。
經過樓下露天餐廳時，同幾位男仕打個招呼，厘兩位話今日係佢地結婚嘅大喜日子，我咪恭喜佢地囉！佢地興奮地騷佢地嘅結婚介指添！
窗外俯瞰迴旋處嘅噴泉
終於試到突國嘅＜炸蛋＞
餐後返到突尼斯市中心(法國大道)，氣氛有Ｄ緊張，四周有軍人站崗，亦設有路障，仲有唔少軍車同裝甲車，但睇當地人似見怪不怪。
進入舊城區嘅海門都站滿軍人，不過佢地對遊客好友善。
喺海門底有檔紋身地攤正為客人展身手
好靚嘅建築
穿過海門就係老城區(麥地那)，當然有各種小販啦！
上面寫住舊城區於1979年10月24日被列世遺
各式各樣商店
厘條街上石板被磨得光滑，可見歷史悠久。
無論係染髮或紋身用嘅天然顏料，都係突國婦女嘅必需品。
咖啡茶座似乎係男仕專利，通常仲會提供水煙添！
本來想參觀宰圖納大清真寺，可惜係星期五，謝絕參觀，唯有兜下外圍啦！
清真寺已千多年歷史，有九個入口，佔地5000平方米，寺內160根圓柱(有說是184根)來自迦太基廢墟，厘度亦係伊斯蘭史上最早同最偉大嘅大學之一，好多著名學者都出於此。
黎到其中一個入口旁，見牆腳有裸露石塊上有兩孔，似彈痕，以玻璃門隔住，估計係歷史見證吧！
位於大街入口之一
之後走到巷內側門，希望可以窺探一二啦！只睇到咁多咋！
宰圖納大清真寺嘅宣禮塔
行過Ｄ，係建於17世紀嘅尤瑟夫清真寺，入口至前庭都無人，即管入去睇下。
沿街前行往市政廳廣場，途經財政部大樓。
繼續前行
市政廳
市政廳廣場
因為回程搭夜機，所以喺法國大道嘅酒店食晚餐再去機場。
才18:00，只有我地，晚餐後往機場，經多哈轉機回港。
至此，旅程完滿結束。
沒有留言:
張貼留言