今次我地跟團去位於北非嘅突尼西亞, 好多人都搞唔清突尼西亞與突尼斯嘅分別, 前者係國名, 後者係首都名稱。
由於係跟團, 我地想睇多D就要善用時間空檔, 自製加遊項目, 所以以下行程中, 部份屬非團隊安排的景點, 詳情內文有述。
D1 香港 > 多哈 > 突尼斯 > 迦太基港口遺址 > 迦太基古城遺址 > 西迪布賽伊德
D2 突尼斯＞蘇斯＞蘇斯古城＞伊利捷＞伊利捷競技場＞斯發克斯＞斯發克斯古城
D3 斯發克斯＞柏柏爾村 ＞瑪特瑪它＞星球大戰拍攝地＞杜茲＞撒哈拉沙漠＞吉利特鹽湖＞吐澤
D4 吐澤＞雪碧加、塔瑪哲、米德斯＞吐澤＞ 沙漠動物園
D5 吐澤＞斯貝特拉古城＞開羅安＞ 開羅安古城
D6 開羅安＞聖人理髮師陵墓＞聖泉寺＞開羅安古蓄水庫＞大清真寺＞哈瑪麥德＞麥地那＞遊艇碼頭
D7 哈瑪麥德＞那布爾＞花園半島(加利比亞古城、蓋赫庫阿勒)＞哈瑪麥德
D8 哈瑪麥德＞突尼斯＞巴杜博物館＞麥地那(老城區)＞市政廳廣場
D9 突尼斯＞多哈＞香港
出發LU !
香港 > 多哈 > 突尼斯 > 迦太基港口遺址 > 迦太基古城遺址 > 西迪布賽伊德
團隊坐卡塔爾航空
經多哈轉機, 機票底面有路線圖。
附帶嘅小禮品幾精美實用
我倆晚、早餐
到達突尼斯機場
途經機場附近
傳說：狄多係腓利基嘅公主, 當佢兄弟繼承皇位後, 因覬覦佢夫妻嘅財產, 將妹夫殺害, 狄多帶百幾人出逃到現在迦太基遺址, 祈求柏柏爾人族長給予容身之地, 按族規只能俾一塊牛皮大嘅地公主(梗係唔想俾啦), 公主醒呀! 佢將牛皮剪成條狀, 連成長條, 結果圈出大片土地建城, 稱<迦太基>。
腓利基人擅長航海同經商, 當然唔少得港口啦！ 厘度係曾經歷繁盛的迦太基時期港口遺址。
參觀完迦太基時期港口遺址, 我地再上返車, 前往迦太基古城遺址。
迦太基古城遺址入口
繼續前行
古城面臨地中海
建築風格頗近古羅馬, 隱約仲辨認出係科林新式柱頭。
高處下望
估計係當時嘅水道部份
巨柱打磨得非常光滑, 柱座由多角形與圓形配合。
應該係牆頂與天花間部份建築, 雕刻非常細緻漂亮。
景區外當然有紀念品出售啦！各國文字嘅介紹相冊
小巧精緻嘅鞋形磁石貼
馬賽克一定唔少得
沙漠玫瑰直情係造物主嘅傑作。
大概五分鐘車程, 我地就到左西迪布賽伊德, 藍白色嘅小鎮, 好有希臘風, 係個臨海地區, 非常討遊客喜愛。
厘個女頭像係邊位, 我無問導遊, 以為上網好易搵啫, 原來錯左！我估佢係先知穆罕默德嘅女兒, 係位品德高尚而勇敢嘅女性, 受穆斯林敬重。(如果有錯請賜教)
沿街漫步, 雪白牆壁上嘅藍色門窗, 花樣紋飾都各不同, 令人賞心悅目, 心神輕鬆。
向山上行去, 其中有間餐廳觀景一流, 一定要試下。
進入餐廳, 眼前一亮。
景觀開揚
我地試左檸檬汁同薄荷茶, 茶上浮滿松子仁, 唔錯!
因為餐廳依山而建, 有階梯嘅優勢, 即使非臨海位置, 一樣睇靚海景。
繼續喺鎮內蹓躂
上面吊住嘅鳥籠, 突國人並不用黎養鳥, 多數用黎裝飾/放其他物品, 可說是<不養鳥籠>。
例如厘度, 將鳥籠作門柱頂飾。
突國人一般都好友善, 並唔抗拒被拍照, 有時更主動被拍添！
返酒店前, 導遊仲帶我地去超市, 原來突國嘅通粉同橄欖油都係平靚正之選, 好啱我呀! 因為之前無諗過寫遊記, 所以無咩影相。
之後當然入住酒店啦！
Ｄ１ 完
突尼斯＞蘇斯＞蘇斯古城＞伊利捷＞伊利捷競技場＞斯發克斯＞斯發克斯古城
早起陽光普照, 窗外突尼斯景色一覽無遺。
大街上唔少漂亮建築, 咁早, 茶座當然無客啦！前面係突尼斯國立劇院。
厘座立像係阿拉伯史學家伊本‧赫勒敦，10TDN 紙幣上嘅頭像就係佢。
雖然突國係回教國家, 但天主教堂都好靚。
早餐後出發到蘇斯古城, 途經所見。
途經休息站
休息站內嘅CD同DVD, 仲有停車場內`嘅水果地攤。
途經光禿草場
途經所見
到達蘇斯古城, 先到一紀念品店, 頗具規模。
店門外嘅兩張有趣椅子
馬路邊仲有吸引遊客嘅馬車
類似英雄紀念碑嘅雕塑
一眼就注意到嘅宣禮塔, 去睇下囉！
原來屬於厘座古堡型嘅清真寺
清真寺範圍都幾大
周圍有唔少紀念品地攤, 厘D係走到邊都見到嘅沙漠玫瑰同突國彩瓷。
我地繞清真寺一圈, 亦有較靜嘅地方。
又出返黎旺街
又見另一座古舊清真寺
扣門環照顧埋小朋友添！
我地進入一店舖, 老板正在拼砌馬賽克, 佢話厘間店由家族已經營左幾代啦！
婦女日用嘅頭巾衣袍都有
穿過隧道
見有好多黃色小巴, 車頭有頭牌, 應該係目的地, 估計係公車。
厘座咁靚嘅建築, 似公營機構。
我地先繞城牆外圍走一圈，遇上三位小朋友，似要參加球類活動，天真可愛又熱情。
城內有座博物館，可惜團隊無安排參觀。
繼續繞城牆而行
雖然見有城門，但我地棄入門前行。
行至頗具規模嘅城門，城門設計感覺似面譜；左右各凸出一炮管。
蘇斯古城既世遺碑紀
進城內，經過警察局。
穿街過巷，唔係斜路，就係梯級，可見係座山城。
清真寺外圍既精緻建築
睇厘Ｄ地攤，似附近有市場。
果然，係個勁大如八陣圖嘅市場，因為跟團時間不足，怕入左去迷路過鐘，只喺近門處睇下就離開。
又一清真寺
門前攤檔賣嘅係女仕飾物
之後，上車往餐廳去午餐，車上途經所見。
係間漂亮嘅餐廳
飯後從車上外望，有不少外賣食店，好似幾正咁。
下午嘅景點係到伊利捷嘅競技場，離遠快快影個全景。
途經好多紀念品攤檔，不過空置居多。
進入競技場中廣場，地上有長方形嘅鐵網地板。
原來可透視地下室
厘座競技場非常漂亮，我地先上最高處，俯瞰四周，包括伊利捷。
喺觀眾席上有多個出入口通道
從通道向下走向地下室
應該係放囚犯 / 猛獸嘅地方
我地再從另一方向往上爬，厘度更多層次，更立體，可向外眺望得更遠。
下面係個劇場
競技場附近清真寺
驅車斯發克斯到酒店
差不多兩小時車程到達酒店
大堂嘅透光樓頂光潔明亮
房間唔錯
房內不可缺嘅麥加方向指示
既然入住斯發克斯古城附近，當然要去逛逛啦！按地圖指示而行，經附近嘅漂亮建築。
唔使廿分鐘，到達斯發克斯古城入口。
城門前入口門頂同地上，有五個圓拱設計，估計寓意穆斯林奉行嘅五功：證信、禮拜、救濟、齋戒、朝聖。(較晚時攝)
城門旁郵筒
城內一所甜品外賣店，只售一款甜品，類似我地嘅西多士，不過完成後，再浸入朱古力漿內再撈起，看似很香甜，如果唔係晚飯快到，一定試下。
各款香水，喺突國似乎係必需品。
仲可以按個人喜好而調校香味
幾乎所有古城市集都見到嘅皮拖鞋
在城牆邊亦有唔少地攤
佢地流行使用嘅手機
市集內四通八達
晚餐喺酒店，返酒店前，沿城牆兜個圈。
經過公園
內有雕塑
返到酒店已夜幕低垂
餐廳已坐滿客人
晚餐係海鮮飯
Ｄ２ 完
斯發克斯＞柏柏爾村 ＞瑪特瑪它＞星球大戰拍攝地＞杜茲＞撒哈拉沙漠＞吉利特鹽湖＞吐澤
早餐後出發，途經沙漠。
中途休息站有不少紀念品出售
沙漠玫瑰喺突國似是無處不在，厘D形態較差，有Ｄ仲著色添！
牆上嘅突尼西亞地圖
厘個魔術壺較有趣，導遊示範由上面及底部注入兩種不同飲料，倒出黎嘅係混和左嘅飲料。
一小時後到達柏柏爾人嘅居所，感覺似簡陋嘅陝西北嘅窯洞。
厘幅牆上有好多小昆蟲，有小小核突。
厘個係柏柏爾人嘅濾水井，前井內放粗砂碎石作過濾。
烤餅用嘅焗爐
房屋大門口上有藍色手印(法蒂瑪之手)，代表五功之余，亦有僻邪保佑作用，魚代表富裕。
跟住登堂入室參觀，裏面係洞中有洞。
屋主請大家食烤飽點蜜糖，仲有薄荷茶。
厘個洞係主人嘅工作室（研磨、打毛線）
織布房
廚房及儲物室
主人房
小孩房間置於客廳
無論咩門口頂上（雖然無門），都喜歡印上手印同畫條魚。
厘條魚尾掛喺門頂，係真嘅，睇形狀條魚唔細，因為喺沙漠，魚屬名貴食物，證明此為富有人家。
與五功有關嘅牆飾(法蒂瑪之手)
喺探訪家庭嘅戶外，仲有個草搭嘅房子。
另外，竟然仲有個沖水嘅廁所。
探訪結束後，團隊再喺沙漠前行，往瑪特瑪它。
經過一清真寺
瑪特瑪它嘅Hotel Sidi Driss係19世紀末拍攝星球大戰場地入口
進入洞穴酒店
滿眼都係當年星球大戰嘅海報
部份佈景留著
洞穴酒店可能有Ｄ散客有興趣嘗試，團隊相信唔會住啦！
不過，仲有團隊會喺度食午餐架！所以廚房經常在運作。
有幾個洞係餐廳
洗手間
走LU！
厘位遊客俾錢餵駱駝飲奶
入口旁嘅紀念品店
離開洞穴酒店往午膳餐廳途經所見
見有旅巴，梗係有景點啦！
係柏柏爾人民族博物館
繼續前行
續往杜茲午膳，酒店前花園種滿各種椰棗。
午膳喺杜茲嘅酒店餐廳，與當晚住宿同一酒店集團。
厘個裝飾可能係盛水器皿改裝成垃圾桶。
午膳餐廳及主菜
用餐後，仲有時間，於是周圍行下。
之後騎駱駝漫遊撒哈拉沙漠
佢地身上口嘅衣袍同頭巾係出租嘅
出發漫遊撒哈拉沙漠LU !
要讚下厘間公司，若客人有自備頭巾，佢地會幫客人包頭，仲包得好靚添 !
沙漠四驅都有得出租
玩完再坐車往吐澤嘅吉利特鹽湖
鹽湖嘅水顯得乾涸，厘Ｄ唔係沙堆，係鹽堆。
店家將成盆沙漠玫瑰放入湖中，大概浸兩三日，鹽結晶舖滿表面，令沙漠玫瑰睇黎閃爍光亮，但會唔會破壞沙漠玫瑰本質就唔知啦！
可見鹽湖乾涸，當然，今日我地另有收獲，包括撒哈拉嘅沙同吉利特鹽湖嘅鹽結晶啦！
黃昏時分，突國街頭嘅茶座全是男人，女人甚少留連街頭。
入住吐澤嘅酒店，寬大舒適，連住兩晚。
連房間牆壁都以吐澤特色砌上圖案
酒店酒吧及水煙房
酒店豐富自助晚餐
酒店夜景
Ｄ３ 完
吐澤＞雪碧加、塔瑪哲、米德斯＞吐澤＞ 沙漠動物園
今日屬自費項目(USD85)，全日自然風光，相當吸引；趁早餐未開始，喺酒店周圍行下。
今日坐四驅出發，途經所見建築，絕多有吐澤特色，外牆以磚砌出美麗圖案。
經常見野駱駝
厘Ｄ白色嘅唔係沙，而係鹽。
好快到達雪碧加
雪碧加意思係《泉水》，厘度有不斷嘅泉水從地下湧出而形成綠洲，亦因為長期陽光普照，又稱《太陽城堡》。
厘隻石山羊已成雪碧加嘅打卡點
黎到較高位，厘座建築似寺廟一部份。
可見山下峽谷有小綠洲
我地沿峽谷旁向谷底前行
石階旁嘅紀念品檔
終於到達小水池
唔好睇少厘條石縫，佢就係泉水源頭。
水池上石縫竟噴出水簾，形成小瀑布。
泉水清澈涼快
部份泉水沿谷流出，提供植物所需。
從小食亭嘅矮牆看，沙漠玫瑰在這應該隨處可得。
厘Ｄ布偶做工似太粗疏，唔知生意點呢？
走LU！返停車場。
雪碧加一天遊，所有遊客都坐厘Ｄ四驅，我地當然一樣啦！
之後，向米德斯進發，途經嘅山體，可見有地殼運動嘅痕跡。
我地到一觀景台，亦係休息站，厘度可以俯瞰塔瑪哲嘅小綠洲。
休息站當然有紀念品出售
突國街頭，所見嘅九乘係男仕。
途經所見，偏僻嘅巴士站幾乎無人。
途中司機停車，俾我地落車俯瞰廢棄古城，清楚睇到完整嘅清真寺同城牆，用下想像力，可見係個完整社區。
上車繼續前行，途經一Ｄ似用植物莖部織成嘅籬笆，導遊話厘Ｄ係椰棗葉幹織成，哈！本土智慧多實用！
又見一建築外牆畫滿方格，原來佢地剛完成政治選舉，為免不公，每位參選人所佔宣傳空間大小劃一，且只能在規定地方宣傳，以示公道。
阿爾及利亞與突國這邊只有一山之隔，這是通阿爾及利亞嘅關卡。
黎到米德斯，只見幾檔簡陋嘅攤檔，最多嘅係沙漠玫瑰。
厘座漂亮山谷曾經係《別問我是誰》嘅拍攝地
遊客只能在谷頂參觀，不能到谷底。
谷底部份通道被砂石堵塞
午飯後，再往塔瑪哲，途經所見。
我地又再經過今早見嘅廢墟，喺廢墟右邊仲有個較大綠洲，應該有人住，係個唔細村落。
終於到左塔瑪哲，厘個綠洲雖然樹木唔算多，但仙人掌果實纍纍。
既然係旅遊區，當然有紀念品店啦！
山間有個小水池，石縫中噴出三條水柱，泉水清涼潔淨。
以為今日節目已差不多結束，途中又見野駱駝群。
經過乾涸嘅鹽湖，白色嘅全係鹽。
好喜歡吐澤嘅建築，只憑簡單建材，砌出千變圖案，感覺清新雅緻，與新疆某D建築風格相似。
估唔到團隊嘅安排，係坐馬車(二人一車)往沙漠動物園。
馬車穿過古城街巷，幾位騎單車嘅青年，竟一手抓住馬車，借馬車之力加速前行，睇黎佢地訓練有素咁。
動物園嘅植物唔少
門頂上亦用鳥籠作裝飾
以原樹枝造嘅傢俱
各種動物嘅骸骨
動物園最得寵嘅係佢～沙漠小狐狸，係咪好卡通呢？佢地似乎出生就擁有成年耳朵。
成長後就無乜特別
其餘仲有。。。
厘隻係白化左嘅駱駝
厘隻駱駝最鐘意飲可樂，每有團到就表演飲可樂 (嘩！就算稀釋左都唔好卦！)，見隻駱駝好快就飲左半公升。
跟住工作人員對遊客展示蝎子、毒蛇同蜥蜴，但無俾遊客接觸佢地。
厘隻蜥蜴體形較修長，唔算特別。
另一種蜥蜴
工作人員攞兩隻蜥蜴放埋一切，哈哈！兩隻互相抱緊，分都分唔開。
門上又有手印同魚圖案
離開動物園，旅巴已喺門口等我地，再到棕櫚展館，當然亦銷售產品啦！
各式椰棗掛喺樹上，據介紹，下面金黃色嘅椰棗最貴。
老棕樹旁長出新株
除左棕櫚，亦種有向日葵。
今日都玩得幾攰，住番尋晚嘅酒店，途中所見。
路旁茶座又係清一色男仕。
Ｄ４ 完
吐澤＞斯貝特拉古城＞開羅安＞ 開羅安古城
這天行程輕鬆，早餐後出發，途中經過休息站旁種有遍地仙人掌，上面結唔少果子。
途中經過露天市集
又係全男班喺街頭嘆茶
估計白色建築係一所學校
橄欖園
兩小時後抵達斯貝特拉古城，接待處有有關古城書籍及資料出售。
古城入口
古城佔地50公頃，距今有二千年，可觀性嘅遺跡非常多，保留相當完整，包括商店街、橄欖油磨坊、浴場、凱旋門及三神殿遺跡。
類似科林新式柱頭仍清晰可見
厘度係橄欖磨坊，佢嘅門庭建築依稀仲睇得出。
內有石磨
將磨碎橄欖加重壓，榨出油。
浴場內的澡池
城中道路
睇黎經修復過嘅建築群基礎
蓄水池
遙望右邊係安東尼門，係進入廣場嘅入口，左邊係三神殿。
教堂遺址上嘅馬賽克(估計係復修嘅)，呈現當時精細嘅建築裝飾。
地下空間係蒸氣浴室嘅設施，室內能容納很多人使用。
仲有其他古城痕跡，都反映古城建築極度羅馬式，同時曾經歷盛況。
千多年前嘅劇場，可容納過千觀眾，可見古城人口唔少。
石板下係地下水道
我地沿大街通過安東尼門
到達大廣場同三神殿
從左至右分別係雅典娜女神廟、宙斯神廟、希拉神廟。
從三神廟俯瞰大廣場及安東尼門
穿過三神廟下的拱廊
回望三神廟
繼續前行可見建築物嘅地基
殘破嘅阿波羅神殿前有遺下精美嘅科林新式柱頭同建築部件
聖維塔利斯教堂內的授洗池，非常豪華。
之後，又見一噴泉，仍保存鮮艷顏色同完整嘅馬賽克。
部份地上殘留近二千年嘅馬賽克，可見精工程度。
參觀完古城，用過午膳，驅車到酒店，今日入住同一集團嘅豪華古堡酒店。
喺大堂見到張咁嘅紙，導遊問過前枱，原來係佢地嘅賭泳紙。
依分派到房間，經過分層客廳，竟然係圓拱頂通花玻璃窗，唔知係咪每層都有呢？
雖然係五星酒店，無房門鐘架！敲門啦！
連門匙都係象徵五功嘅手掌
房內陳設及牆磚都好特色舒適
經過咁正嘅泳池，唔游水都影下相留念啦！
古堡嘅地庫曾經係一座監牢，而家改營酒吧餐廳，但建築仍保持原來狀態，當然唔可以錯過啦！
入到去，觸目所及，都係拱頂密室，仿如銅牆鐵壁，真係想逃都難。
估計當時每個密室可容納多人
酒吧亦提供水煙服務
古堡酒店唔細，我地先出外沿酒店兜個圈。
牆上嘅指示路牌
從地圖上看，附近有個唔細嘅市集，五分鐘左右，我地就經過古城嘅側門。
趁天未黑，先在外行下，建築物多以白為主，藍色作襯。
古城厘邊嘅街道，以磚石舖砌圖案。
進入古城，琳瑯滿目嘅商店。
估計係送禮用，全籃滿載堅果同糖果。
衣、食、紀念品當然不缺啦！
佢地嘅甜食非常甜
厘間地毡廠後面有間寺，我地聽朝會再黎，目前專心行街。
厘隻雞著裙架
我地從城牆正門離開
街道上仍有不少茶座、商販，佢地都表現得好友善。
各式香料
厘D係茉莉花束
離開市集，我地繼續喺街上遊走。
突國人對遊客普遍熱情友善
經過大清真寺附近嘅墓園，佢地嘅墓碑全白色，素雅簡單。
墓地好近民居
跟住，我地到大清真寺，因為聽日行程會到，我地就多參觀外圍。
大清真寺嘅宣禮塔
兜左個圈，搵個靚位影張全景。
突國人重視門上裝飾，花足心思，夠鐘返酒店食晚餐啦！
Ｄ５ 完
突尼西亞跟團九天遊 (Part 2) D6 -D9
沒有留言:
張貼留言