(D1-D5)
http://chuchu-hung.blogspot.com/2023/05/32-d1-d5.html
(D6-D11)
http://chuchu-hung.blogspot.com/2023/05/32-d6-d10.html
(D12-D17)
http://chuchu-hung.blogspot.com/2023/05/32d12-d17.html
D１８ 貴陽→荔波→大七孔→夢柳布依風情小鎮
因為玩完荔波再會返貴陽，所以將大行理寄存喺酒店再出發，發覺咁玩法非常輕鬆，問過老客車站，無專線車到荔波，唯有去龍洞堡客運站啦！如果有得揀，龍洞堡汽車客運站搭2號線地鐵，喺中興路站落，行幾分鐘即到，方便好多，七點幾，列車幾乎無人。
到達客運站都未開始售票
見有好多部售票機，又無人，可以影幾張相介紹下，方便未用過嘅朋友們都好吖！
當然你要預知車站可達地點，去錯車站就無得搞啦！先搜尋所需地點，例如荔波（點擊）
若你有內地身份證，當然可選＜購買車票＞啦！可惜揸回鄉證只能喺網上平台預購，預購就唔使排隊，點擊＜網絡取票＞。
網上預購票後，會有個取票號及取票密碼，我地當然點擊＜取票號＋取票密碼＞啦！隔離＜刷二代身份證＞係供內地人即場購票用嘅。
按指示輸入數字，點擊<確認查詢>，搞掂，出票。
因為我見16張票（細車），仲有12張票，都黎到啦，咪等等下囉！網上要４蚊 / 張手續費架！
龍洞堡客運站
兩個半鐘到達荔波客運站
旁邊係旅遊集散中心，一般荔波周邊嘅本地團都可以喺度報名。
客運中心門口就有直達大小七孔嘅巴士，門邊都寫左7元車費。
我地住喺小鎮內嘅民宿，陽台可望廣場大鼓。
安頓好就去遊客中心買票兼攞地圖啦！
之前講過貴州旅遊局要求遊客＜無預約，不出行＞，但回鄉證無法預約，所以佢地有＜特殊證件窗口＞，埋去排隊就對啦！因為長者免票，只需買40蚊觀光車票同10蚊保險（成人票120元），張票兩日有效。
厘張導遊圖統稱小七孔，其實左邊係小七孔，右邊係大七孔。
買左票可以入閘啦！
貴州好多景點都以刷面方式入閘，所以唔好拎錯飛（我地試過拎錯對方嘅）。
入左閘都未到景區，要行架！經過小食亭
按指示前行
厘度Ｄ舖全部吉哂
厘間酒店貴Ｄ，叫做景區口，搵食唔方便。
大七孔入口，遊客若要坐遊船，都係喺度買票，20元 / 人。
大七孔導覽圖
遊船碼頭，我見好多團隊為爭取時間都會坐船，當然，唔想行亦啱坐啦！
門票兩天有效，我地用盡佢，今日只玩大七孔，唔使急，慢慢行。
可見對面都有碼頭，但而家封左。
沿途好風光
唔知係厘三年疫情無收入，還是遊客少，好多都有待維修，封左去唔到。
條吊橋本來可過對面棧道，因只開放一邊，所以吊橋都封埋。
相信以前可以來回不同路，而家要原路返回LU！
大小七孔口嘅水色的確靚
睇到妖風洞，即係差不多到啦！妖風洞頂係天生橋。
妖風洞頂可見有多個山洞
從現場圖片睇，以前可以坐船遊覽嘅。
而家連厘段棧道都封埋，入唔到去啦！
唯有影下相，賞下景啦！
原路出去，遠處金字頂嘅就係遊客中心。
經過鎮上，其實厘度係個景點，以萬物顛倒為趣，15元/人。
景點入口，我入過大堂，瞄到裏面無乜好睇，無入。
厘D店舖全數倒閉，睇怕都要一段時間先復原囉！
攞房後太匆忙，未細看小鎮。
厘度名為銅鼓美食演藝廣場，我地房陽台所見就係厘個鼓。
廣場一角，貴州好多厘種花，開得好燦爛。
厘個小鎮名為＜夢柳布依風情小鎮＞，小鎮風光唔錯。
牆上實物畫
小鎮門樓外就係食街，亦係巴士總站停泊處，我地入黎時就喺對面落車，厘架係出去客運站嘅。
房內有枱椅，我地都係炒幾個外賣，返去沖個涼再慢慢食晚餐。
然後出黎影夜景
我地住厘間，早抖啦！
Ｄ１８ 完
D19 荔波小七孔→小七孔氧心谷
今日全日玩小七孔，亦係精華所在，舊年見有網友住景區內，可早晚獨享七孔橋，於是我地預訂左景區內唯一住宿～氧心谷，結果係點，大家睇落去就知。
晨早退房，經過銅鼓廣場、美食街到遊客中心。
厘兩日陽光普照，遊客算多啦！
同尋日去大七孔一樣，入遊客中心檢票入閘。
經過街道，穿過長廊，再經過竹園精品酒店，唔同嘅係未到大七孔就喺旁邊轉搭觀光車。
呢！前面綠色嘅巴士就係啦！（如果想好似我地咁慢遊大小七孔，住東門厘邊較方便）
觀光車依次停站，可在任何站無限次上落，我地要去攞房，喺七孔橋落車。
可以望到附近七孔橋同銅鼓橋
銅鼓橋就係氧心谷入口
直行入渡假村
近入口嘅兩層木屋，若旺季住地下可能較嘈（樓上腳步聲）。
我地住小木屋，洗手間乾濕分離，夠乾爽。
門口有陽台及晾衫設備
安頓好，趁大隊未殺到，立即出去七孔古橋，見唔見橋下好多魚？
厘張圖寫小七孔，實際右邊係大七孔；大小七孔嘅遊玩指示非常清晰，所有景點次序、距離都明確標示，遊客可選擇搭車/步行，觀光車無限次搭，且來回隨意。（遊玩攻略在溫馨提示）
天氣好，山水都明媚Ｄ。
水面一抹湛藍，感覺特別清新。
經常有清潔艇清理河道
咁嘅美景，來去匆匆太嘥了！我情願食住慳Ｄ，都想細遊囉！
我地黎到臥龍谷漂流點，今日天氣和暖，都有人玩呀！
售票處就喺旁邊，50元/次，約卅分鐘，咁正景，唔算貴。
黎到鴛鴦湖有兩個景點可玩：鴛鴦湖划艇及天鐘洞。我地當然兩個都玩啦！厘度有個服務台，先問下點玩？佢話若兩個都玩，就先划艇，後遊天鐘洞，因天鐘洞要另外坐車去，不走回頭路。
除左圖上部份湖面唔開放，亦因水乾，有Ｄ水淺而禁入。
買票，咦！無講兩人點計喎！原來每人30元，最少二人，無限時，嘩！抵玩喎！
落艇，最細隻都六人艇，落到艇知點解一人唔租啦！佢同香港嘅唔同，支撑無固定點，似扒龍舟咁，一個人平衡唔到。
突然好多人
可能水流方向，厘處特別多樹葉，水色係咪好靚呢！
咁嘅環境，卅元任玩，唔玩就嘥啦！
厘兩棵叫鴛鴦樹
一般都係一天遊哂大小七孔，所以任玩都唔多人，好快Ｄ艇又唔見哂LU！
我地扒埋一邊，慢慢賞景影相，退休嚮往嘅咪就係厘Ｄ囉！
玩左一個鐘，差Ｄ連手機都掉落水，好彩！上岸囉！
跟住玩天鐘洞，去天鐘洞嘅車免費，但入天鐘洞門票要另付8元/人。
落車後購票，任何年齡一律8元，不過唔睇真係損失啦！
天鐘洞入口，唔好睇佢入口咁細，有成四、五個廳，全長1050M。
時光隧道
經過好幾個景，都對唔到名稱。
厘個知呀！係葡萄園。
大大個牌，梗知啦！天地吻呀嘛！
厘座係千年等一會，千位數得唔得呀？
天狗望月？個月呢？
終於搵到啦！喺上面呀！
龍女待嫁，睇左好耐都唔多明，我諗類似骷髏頭嘅係鳳冠卦！（唔係呀！咁比喻！）
有無發覺一路都無人呀！一來真係少人黎（團隊一般唔入），散客一天遊哂大小七孔非常趕，即是入黎，幾乎係急步走，你話8蚊獨享咁靚、咁大嘅溶洞，唔睇係咪損失吖！
天宮廳
從天宮廳下望千年等一會
又去下一個廳囉！
癩蛤蟆
到天鐘廳啦！
回望天宮廳精巧玲瓏
厘個溶洞就係以佢命名～天鐘洞，中間好似有個印鑑添！巧奪天工咪就係咁呢！
再遠Ｄ回望天宮廳，好似粒五彩寶石，打左燈就係錦上添花。
唔記得係咩!
鯉躍龍門
鱷魚灘（一條倒掛都叫灘？）
再前行係抱春廳
金雞報曉
厘個無名架，我諗起個仔細時，有套卡通片隻鬼嘅造型。
抱春廳
有光透入，梗係出口啦！
臨別送客，送個黃昏落日呀！唔錯喎！
抱春廳洞口
從洞外內望
離開時要落石級，石級兩旁仲有鐘乳石裝飾，唔知真定假呢？
又好真咁喎！
厘個壩可以行過去，不過要澗水喎！
嘩！厘條大鯇魚點都有四、五斤，仲有鯉魚。
又再搭車去水上森林，Ｄ石墩間中在水中央，如果唔趕，慢慢行，非常舒服。
忘記厘條咩瀑布，雖然有人為加工，仍有吞雲吐霧之勢。
欣賞拉雅瀑布，可以親水
或上對面觀景台眺望
到七孔古橋，今早我地就係由此出發，坐車到西門，由西玩向東，黃昏剛好返到七孔古橋。咦！唔通以前可以俾錢落去竹筏影相?
今日咁好陽光，值得等嘅，點知等到接近七點，光都無埋，Ｄ團仲未走，唉！投降啦！
返到氧心谷，Ｄ團同自駕散客仲喺度影相，以為佢地係住客，原來唔係。唯有寄望聽朝嘅古橋晨霧啦！
我地都係向西行，拉雅瀑布。
６８級跌水瀑布
八點景區開放，點知搭正八點己有遊客到古橋，原來鎮上有Ｄ民宿可以送住客入黎。
住客有專車接送到東門入口處（指定時間），若超出指定時間，可先將行理先寄存到酒店特設在停車場嘅車上，店方會送到酒店。
放低不必要就出去行下
縣城內非常清靜
厘座荔波第一小學似係保護建築
先踱去古鎮外，官塘橋，市面好靜。
經牌坊返入古鎮
古鎮內泊滿汽車
唔知係咪落雨，遊客較少。
古鎮表演廣場
食飽又周圍行過，返房啦！
D21 荔波→貴陽→十里河灘
喺荔波玩左三日，係時候返貴陽啦！退房後，諗下，尋晚夜景化左裝幾靚，究竟日間嘅真面目係點？
尋晚行過停車場無燈，否則，應該日夜都咁靚卦！
從荔波古鎮到客運總站只有1.3公里，搭車就一個站，反正我地輕裝，散步行去，順便睇下路上環境，尋晚有風雨，今早滿地落葉。
嘩！咁大個牌話熱烈慶祝開通荔、黃客車，入去睇下真實情況係點先。
厘度話就有好多長途線路，要搭都要先搞清楚，咪撲空就好。
其實我返貴陽後，都係去黃果樹，睇下有咩車？原來每日一班，不過我剛查過，目前已經增至之每日兩班啦！（08:10&14:30）
返到龍洞堡汽車客運站
我地都係住番原來果間錦江XX，攞左房就落樓下搭巴士，248路直達十里河灘。
之前講過，十里河灘同貼住嘅花溪公園都喺花溪區，與夜郎谷、青岩古鎮順路；我地今日先黎，已見櫻花處處。
點解叫十里河灘，你睇地圖就知啦！佢嘅長形沿河兩岸景色，佔地609公頃，分十幾個景區，可以行到腳軟架！
賞櫻花，黎厘度都唔錯，場面唔算壯觀，勝在品種多，不過今日陰天，我又技術C，D花真係影得唔靚
，請大家多多包容。
早櫻已長葉
晚櫻有Ｄ品種盛放，有Ｄ仲未開，相信花期前後可延續一、兩個月。
厘種叫紫荊，貴陽到處都有，正值盛放期。
厘種淺色嘅，應該係晚櫻，開左六、七乘左右。
我估厘種係我喺平壩見得最多果種，已滿開，開始長葉啦！
厘種一球球嘅，又係另一品種。
公園水域佔地好廣，雖然無乜光，倒影都唔錯。
小橋流水、亭台樓閣當然唔少得。
我最喜厘個品種
可惜全部開唔夠一乘，所以花期長達兩個月都唔奇喎！
厘Ｄ樹型蒼勁嘅都得我心，不過係桃還是咩花？
嗱！唔係只有我鐘意，黎兩張蝶戀花證明下啦！
睇路標，就知十里河灘仲好有文化氣息啦！
厘Ｄ迎春花去到邊都咁燦爛
厘度有大片蘆葦蕩，可惜無觀景點，又行唔到出去，只能影些少。
十里河灘仲包括文化景點，雖然較近期，不過規模頗大。
廣場上嘅孔子出行像
同傳統孔廟結構一樣，都由欞星門開始。
唉！向上仰望，想登高等學府果然唔容易呀！
唔使擔心，而家有電樓梯作捷徑，無難度啦！
大成殿
鐘、鼓樓
明倫堂
殿內展示孔子與弟子講學像及六藝中嘅樂器
禮運大同篇
從大成殿俯看殿前禮儀廣場，見有五套消防制服，又有Ｄ滅火筒之類，原來佢地等閉門後向孔子行祭禮。
六藝學宮
奎文閣
除左孔子，貴州人好有鄉里情，當然唔少得心學家～王陽明啦！
陽明館
仲有鄉賢祠
孔學堂建築遊覽圖
要閉館啦！我地經廉廊離開
從百步梯俯瞰欞星門，八支沖天柱，非常有氣勢。
旁邊仲有間大成精舍酒店，住厘度溫書，考試會唔會好成積呢？
今日行住咁多，返酒店休息兼洗衫，再去醫肚啦！
貴陽係首府，當然飲食嘅選擇夕好多，上次喺貴陽試左本地炭烤同豆豉火煱，今日試地方風味無咁濃嘅大眾飲食，距酒店步程十分鐘嘅大型商場（星力城滙金店），5/F&6/F都係食肆，以連鎖居多。
日式燒肉都有
厘張海底撈係我地食完飯影嘅，都抵食，客人要等個多小時先有位，不過等候期間，茶水瓜子、水果供應不缺。
我地五點幾到，間間都唔多人，揀左厘間，非常抵食，89/人（酒水全包），60歲以上仲有長者優惠69/人，問過可以入去行一轉，見係熟食加火煱，啱哂我倆。
其實我地唔食得幾多，又懶搵食，咪黎左三次囉！食物非常多，下次再上多Ｄ相。
Ｄ21 完
D22 貴陽→花溪公園→十里河灘
尋日玩左十里河灘北至孔學堂，其實只係景區一半咋，今日我地玩埋另一半加花溪公園，同尋日一樣，搭248路，去遠Ｄ，到貴筑路口站落。
厘個入口唔係地鐵呀！係條地下街嘅入口。
環繞花溪同十里河灘嘅係南明河，同甲秀樓果邊都係同一條河。
今日仍係陰天，無雨就好，河景算唔錯。
你睇大叔幾悠閒，厘度可以用一支魚杆釣魚，唔可以網魚。
厘個觀景台清雅簡潔
厘Ｄ坐椅都美觀，坐就一般。
勝在個設計唔蓄水，快乾。
拱橋橫跨南明河連接兩岸
橋上看風景
花溪公園嘅花草打理得好靚，入黎就見櫻花蹤影。
幾位女仕非常熱愛拍照，帶幾套外衣替換，又有披肩、帽等作導具，玩得好開心。
厘座廊頂開滿紫滕，以自由方式生長。
園內仲有民族塑像
廣場另一邊有仿古建築，加上迴廊、雕欄、櫻花，且人少，更覺環境清幽。
厘個構圖，你點會諗到係貴陽呢？（多謝哂！靚女！）想講下提外話，記得Ｎ年前去貴州，仲打住濟貧團名義去，今次見佢地普遍有車，穿著好靚，見到都開心。
厘Ｄ早櫻已全開，開始長葉啦！
內街店舖全關，希望好快回復舊觀啦！
蓮池
花溪同十里河灘都係濕地公園，當然處處濕地啦！
厘座摩崖石刻係紀念日軍攻打貴州嘅教訓
厘度係麟山，明代時曾列貴陽名山。
厘個洞可通上下，但揾唔到名。
從麟山俯瞰花溪區
倚天亭
飛雲閣
周圍都見長者垂釣，證明生活得唔錯。
貴陽公園一定可見紫荊花
麟山腳下梗係叫麟山門啦！
壩上橋頗長，走喺上面欣賞景色，一樂也！
隨隨便便路邊嘅風雨蘭都開得燦爛
南湖座橋建得較簡陋，但景觀截然不同，左邊長滿類似美人蕉嘅枯葉，右邊嘅長春花生氣盎然，另有情調。
公園仲照顧埋一家大小露營人仕，設備完善，連營都唔使帶。
營地附近環境非常好
仲有紅楓園，唔知係咪天氣回暖，紅楓不及泉湖公園靚。
陳列嘅軍機，估計同日軍攻貴州有關。
我老啦！俾我抖下，靠你地努力向上啦！
大路上兩旁都係晚櫻，一乘花都未有，相信要等四月啦！
黎到花溪花事景區，好似頗受遊客歡迎。
種滿櫻＆桃花
百步橋由130幾個石墩組成，喺貴州嘅園區處處可見。
南湖美景
我地從花溪公園經牛角島到十里河灘，遊貴州，無山水花樹就唔係貴州啦！
長者行公園、垂釣，應該係佢地生活嘅一部份卦！（我都想呀）
又係不同品種嘅櫻花
話明十里河灘，石墩橋當然唔少得，後面好似冧左嘅建築係觀景台。
十里河灘＋花溪公園，如果想一日半日遊哂，最好學佢地，舒服好多。
我估係桃園卦！又係要等四月先盛開。
七孔橋
厘個櫻花園，品種同顏色都多樣。
經過竹林
厘度嘅櫻花株數、同品種肯定唔少，行到邊都有，係賞櫻好地方。
唔止櫻花，以城市公園黎講，厘片油菜花算唔細，旁邊又係櫻花叢。
終於揾到我未見過嘅品種，厘度有兩棵白色複瓣櫻花。
陰天影花真係唔識，何況仲係花天一色添！考起！
繼續賞花、觀景、遊花園。
厘座石墩橋好新好長
腳下水草睇得一清二楚
返到出大路，搭車返酒店囉！
Ｄ22 完
沒有留言:
張貼留言