4/6 D8 Louise Lake>
MorianeLake Sunrise (51.330137, -116.181123)>
LouiseLake (51.416193, -116.213181) >
Mirrorlake > Agnes Lake (Lake Agnes Trail)
LakeLouise Inn(51.428700, -116.182432)
今日行程俾我嘅印象深刻，尤其Ten Peaks，個人覺得有震撼感。
是日路線：除左去Moriane Lake要卅分鐘車程外，全日主要靠腳程啦！
清晨早起，驅車到Moriane Lake睇日出，05：11己經滿天彩霞。
見唔見左下條小河都映照住天上嘅霞彩呀？
但我地仲喺途中，唔知趕唔趕得切呢？終於到左停車場，心諗，今早個景應該正卦！
我地當然唔再＜爬＞上去啦！由後面過橋上石級上山，好彩都仲有霞光啫！
嘩！上到觀景台，已經眼前一亮，時間剛剛好！
真係好金呀！此時此景，對我而言，唔需要相機都永印腦海啦！
另一角度，倒影無咁闊，一樣咁靚！
天氣有D凍，但唔少人係齋坐，靜靜咁欣賞美景架！
噢！一天都光哂LU！開始起風，湖面被吹皺，同剛才嘅景色，完全唔同。
趁陽光未升得太高，即去Louise Lake。
厘個標誌性嘅雪峰加倒影，同尋晚睇嘅當然係兩回事啦！
厘D迷人湖景，無人話唔吸引卦！
厘座景區酒店，同樣倒入湖中。
從另一角度睇Fairmont Château Lake Louise，收得貴都物有所值嘅！
似入左迷離世界
我經常好貪心，想將靚景入哂落張相度，可惜影唔到果種感覺！
走到另一邊睇標誌性雪峰
享受完兩種截然不同，令人有窒息感嘅美景，帶住喜悅同滿足返酒店食早餐LU！
途經Baker Creek Mountain Resort ，環境唔錯。
早餐要食多D先，一陣行山嘛！車返Louise Lake停車場，因為已經陽光普照，遊客們開始展開活動，又影兩張對比下。
好可愛嘅一對狗，主人悉心幫佢地打扮，又搽哂腳甲，吸引好多途人，連小朋友都忍唔住摸下。
厘幅地圖係喺Mirror lake影嘅！我地喺中間底下嘅Louise Lake步行往Mirror lake，條路唔算難行。
今日係周末，遊客特別多，Mirror lake厘個時候唔多似鏡，不過水清小巧，可能清晨會似D。
之後繼續步行往Agnes Lake
厘位女仕靜心享受美景
厘度有間Tea House，生意唔錯。
欣賞美景，當然要付出代價啦！沿厘條木梯落山，看似無特別，睇住厘對年青夫婦帶住三個幼童，媽咪抱一個，爸爸揹一個抱一個落山，心底由衷地欣賞同佩服！
呢！跟住行嘅係咁嘅山路（根本無路），老人家就唔好試啦！
雖然難行，但遠處又見靚湖景，水色粉藍不透明，完全唔似水，似寶石多D。
隨後返回Louise Lake已經係黃昏啦！
Fairmont Château Lake Louise 前大片草坡長滿野菊，好多家庭正享受草地嘅柔軟芳香
當然亦有人環湖啦！
厘間酒店咁貴，入去感受下先！企喺酒店大門前望，對正個湖。
推門入去，第一眼令人注目嘅係餐廳嘅落地窗，完全將美景引入。
酒店大堂，不過我適應唔到咁＜焗＞嘅空氣同溫度，暈暈地，都係出去環湖舒服D。
雖說環湖，其實只能行一部份就前無去路，想環哂整個湖，坐船啦！
環湖多面睇
最後只能行到厘度，水漲時可能連厘度都黎唔到囉！
今日行程結束得早，20：00返去食晚飯休息LU！
D8 完
5/6 D9 L Lake > Jasper NP (230km)
HerbertLake (51.461771, -116.224167)>
HectorLake(51.584014, -116.310087)>
BowLake > (51.679198, -116.464329)>
PeytoLake (51.71649, -116.50627) >
MistayaLake (51.80083, -116.58554) >
WaterfowlLake (51.833006, -116.609165)>
ColumbiaIcefield (52.212521, -117.232874)>
TangleCreek Falls (52.267269, -117.286465)>
SunwaptaFalls (52.532289,-117.645062)>
AthabascaFalls (52.66612, -117.88321)>
Pine Bungalows(52.889949, -118.068184)
今日從Banff 到 Jasper，走RD93，最精彩嘅冰原之路，可說係洛磯之行嘅精華，整日美景不絕，全無冷場，最估唔到係期待已久嘅黑熊，竟然俾我地一日兩遇喎！首次就近距離添！幸甚！
由於景點密集，路線分上下午兩張地圖。是日路線：
早餐後輝哥check out，而我就發覺酒店嘅環境好多都未影，厘個山景正卦！
出黎又見長火車，厘度嘅火車長到你唔信，萬一要過火車軌，真係要等上廿卅十分鐘架！
十分鐘車程，就到Herbert Lake。
嘩！正呀！早晨嘅湖景特別靚。
另一角度仲正！咁靚嘅湖，點可以唔貪心，影多幾張，睇清楚D呢！
水清見底
孤峰倒影，一樣咁靚。
盡興之後，沿途仍有賞不盡嘅峻嶺雄姿。
再到Hector Lake，未見湖嘅真貌就見厘張告示：
無失望嘅！只要天氣好，今日嘅靚景多到睇唔哂，少一個啫！
都唔好蝕底，烏鴉都執番隻先，厘度嘅烏鴉好大隻，
細過雞些少（係瘦過唔係細過呀
）。
入唔到去，山景都壯觀，一於整番張全景先走。
Mt Crowfoot & Crowfoot Glacier
唔嘥時間，又向Bow Lake出發。
厘個湖名氣唔輸蝕，當然有團到啦！所以間歇性多人囉！
面對咁嘅美景，係人都目瞪口呆啦！
有幸遇上好天氣，無論邊個位，點睇都咁靚。
續 D9 Bow Lake
繼續到另一角度欣賞Bow Lake，一樣俾人驚艷之感架！
厘個湖好大
附近嘅Simpson's Num-Ti-Jah Lodge環境唔錯。
橋上位女仕影咩？
咪係厘個景囉！
厘兩位少女，無相機，只對美景聊天，一樂也！
走LU！
返停車場有新發現，我大鄉里，首次見咁嘅汽車密碼鎖。
十分鐘左右，又到下一景點Bow Summit
欣賞Peyto Lake，只能高位俯瞰，厘個湖落唔到去。
此湖特色係右邊，似唔似狗／狼頭。
都話冰原之路景點密集架啦！唔使廿分鐘，又到Mistaya Lake，
見景色一般，稍作停留就離開。
唔知係咪較啱時間，如果Mistaya Lake太吸引，四人組可能遇唔上厘幕啦！
係熊呀！仲好近距離添！
初初唔敢落車，見隻熊只顧低頭食花，旁邊好多人都落車影熊，於是，
我地又膽粗粗落車囉！不過緊記，千祈唔好跑／大動作，以免引熊不安，甚至追擊。
我部機仔影得唔好，借小鄧嘅精彩相片分享俾大家啦！（小鄧傑作）
睇完黑熊，既興奮，又滿足(近距離喎)，
幾分鐘後，再黎到Waterfowl Lake。
睇左咁多靚湖景，且時至中午，當然無咁靚啦！
厘度附近有間Motel
整左個冷麵做路餐，食完又繼續行程。
厘幾座山峰當然有名字啦！
不過請自己對喎！
剛才睇嘅幾個景區，感覺有D似新疆嘅額納斯。
嘩嘩嘩！邊有咁好彩架！一連兩遇？又係熊呀！不過厘次離得遠D，
且隻熊在慢跑入樹林，只能喺車內影張相啫！
繼續行程，厘張停車喺路邊影嘅！
前往欣賞哥倫比亞冰原嘅Athabasca Glacier，因為無預算坐專車上冰川，
於是驅車到近冰舌位欣賞啦！
如下圖，小路喺Columbia Icefield Discovery Centre對面，幾分鐘就到停車場。
已經可以望到冰原同冰川
落車後，四人組朝山路步上，氣溫越黎越凍，亦越黎越大風（記得著夠衫呀）。
回望停車場
1982年，冰舌黎到厘個位，地球暖化，冰舌已經上移左好多。
到接近冰舌位置，有繩欄住，有警告牌，上冰川必須跟團。
因為係淡季，專車唔多，遠望見到架落緊黎。
其實坐專車上冰原，都係坐到冰舌高D，落車行下就完。(網上照片)
剛好有團行冰川（有長焦會好D）
見佢地只在冰舌高D嘅位置上遊走一陣，團隊有隻狗帶頭。
本來喺景點旁仲有個Sunwapta Lake，但厘個時候睇湖馬馬地，
反正睇左咁多靚湖，放棄啦！
離開冰川繼續前行，可以睇到玻璃地面嘅skywalk，可惜我地車速太快，
影得唔好，借張<網上照片>分享啦！
跟住經過路邊嘅Tangle Creek Falls，現場所見，
都有人爬上瀑布頂，我地無興趣爬，影兩張相就走LU！
路上山景，依舊壯觀。
黎到Sunwapta Falls（咪搞錯與Sunwapta Lake同一位置喎）
離開Sunwapta Falls，到今日最後一個景點係Athabasca Falls .
厘個瀑布無論地形或水勢都有睇頭，咪錯過呀！
厘個水蝕洞夠靚啦！
厘條石階兩邊石壁地質夠特別啦！
全日車程唔長，不過腳程就唔少，走LU！去買餸返歸煮飯，厘間係Jasper鎮上最大嘅超市。
行完超市到Resort check in，厘張係官方網照，出發前見厘張相，
直覺店方搵張好日都遇唔到嘅相黎吸引遊客啫！
環境真係唔錯
兩間相同嘅房
小巧嘅廚房足夠使用
由客廳外望，環境清幽。
咁好環境，屋外空氣比室內清新，梗係出露台食啦！
厘度住三日，唔好嘥，煲個無花果瘦肉蘋果湯潤下。
開飯啦！唔係呀！食食下，真係有貴客到訪喎！
大家即時禮數周周咁全體起立，返房納相機啦！
唔止我地，你睇對面人家咪一樣！
以後，餐餐有相機陪食啦！因為厘度無論早中晚，都有唔少動物光臨，
原來官網照片唔係作野架！四人組仲喺度遇過驚險人鹿對峙添！
D9 完
6/6 D10 Jasper
PatriciaLake (52.902861, -118.09871)>
PyramidLake (52.923754, -118.095346)>
BeauvertLake (52.879693, -118.063669)>
AnnetteLake (52.904688, -118.045945)>
MedicineLake(52.873224, -117.805211)>
MaligneLake(Cruise) 52.729878, -117.638340
PineBungalows(52.889949, -118.068184)
今日只集中喺Resort附近玩，每程都係十零廿分鐘車程，最遠係去Maligne Lake，都係一小時左右，自離開Banff 向 Jasper出發，就密密遇上野生動物，且人流更少。
是日路線：
早餐後出發，嘩！此行上天真係厚待四人組，清早就送黎兩隻靚鹿，
(靚仔，你對角好型好靚呀！
)
( 你地人類真係好無聊，成日圍住我地，有乜好影呀！再唔走，信唔信我柄你吖啦！
)
( 咪理D人類啦！我地開餐囉！)
距離兩隻鹿有幾遠？睇厘張相可知。
( 好！你地唔走啦嘛！
我走！老婆，你仲唔走！)
( 老公，等埋我呀！
) 留意藍色車邊位女仕在專注影相
厘位女仕好醒，警覺性好高，除左企喺車邊保護，每影完一張都四圍望，
已發覺身後有鹿走向佢，即刻靜止唔郁。
但厘位女仕就大膽好多，之後仲走入樹林，非常接近兩隻鹿 , 其實跟入樹林好危險，D鹿好有攻擊性架！
（我地有經驗，遲D再解話）萬一果度喺佢地盤，佢會好不猶豫攻擊人，所以影動物要千萬小心，咪樂極生悲呀！
厘兩位喺邊皮周圍閃，務求攞個好位（傻瓜，你搞咩影人唔影鹿呀
），我覺得有趣囉！ 
盡興之後，正式開展今日旅程，先係Patricia Lake。
清晨嘅湖景特別靚
水清見底，虛實相容。
最棧鬼係成個景區任我行嘛！你要咩角度都無人同你爭。
5分鐘車程，就到另一個湖，Pyramid Lake。
睇見都感受到厘片寧靜悠遊
（你係咪搞錯呀！咁似Patricia Lake嘅？
）係呀！因為Patricia Lake 同 Pyramid Lake 接近且平排，所以都有Mt Pyramid作背景。
厘間Resort環境一流
Pyramid Lake上有島同一個半島，之間有條橋連接。
靚景係人都鍾意啦！
整咁多凳俾遊人舒服咁欣賞美景，好體貼！不過此刻每人訓兩張都有多，淡季真好！
另一角度睇金字塔山倒落金字塔湖，咦！遠處有人釣魚喎！
係一隻船？又好似兩隻船？大鄉里，未見過。
原來如此，幾有趣喎！
易唔易跌落水架？唔怪之得要著水鞋啦！
D水清到連D沙嘅顏色同組成嘅紋理都睇得一清二楚
厘個導覽圖，教你睇埋邊座山叫咩名！
經長橋走向Pyramid Island，景觀一樣咁靚。
又去下一個景點，Beauvert Lake , 經過小教堂。
人傑地靈
（嘩！乜睇仙境要扒得咁辛苦架！）
（喂！衰老，你只卦住影，想扒死我呀！）
（你地都搵笨嘅！啋你地都傻，唔玩啦！扒番上岸。）
（得啦！老婆！唔影咪唔影囉！我出力扒補數啦！隻艇都未夠鐘，好貴租架！）
睇完湖中家庭樂美圖，又去下一個湖，Annette Lake 。
除左靚景，仲開眼界，睇左個有趣釣魚法。
咦！搞咩呀！著蛙鞋游水，但又要穿水泡，咁怪嘅！
（真係少見多怪，我一放假就係咁嘅裝備黎玩架啦！
搞掂！可以行出去啦！）
原來要行到好出下先過頭喎！
原來佢係釣魚郎，嘩！此情此景，你睇佢個表情幾享受，幾滿足吖！真係羨煞旁人呀！
湖海~洗我~胸~襟～～～吓！你未聽過呀！
唔鍾意釣魚，喺度晒下太陽都得！
今個上午算豐收囉！返Resort食個非洲餐（鬼咩，今早忘記解凍，咪焗成咁囉）加沙律，飲汽水，仲可以休息下。
厘度仲有好多松鼠
隻松鼠對小鄧影佢好有意見，凶佢添！精彩！（小鄧作品）
午後休息夠，又出發啦！弊！真係遇上火車阻去路添！
等左十分鐘，好彩有位美女騎仕(單車呀)，好心指導每位駕車人仕，
點樣兜路繞過火車軌啫！否則有排等啦！
（去邊呀？）入鎮買票去遊Maligne Lake呀！費事去到又話滿額嘛！
四人組到鎮上厘間公司，預購四點船票，再去漫遊都未遲。
時間尚早，有兩個幾鐘，由鎮到湖都係個零鐘啫！嘩嘩嘩！又有獎品！係熊呀！
我地全程遇到五次熊，影到四次，果次本來食正位，要攞相機之際，俾高速駛黎嘅車嚇走左！
原來D熊專揀野菊黎食，其他花唔吼。
（離熊有幾近呀？）咪就係咁近囉！點敢落車呀！（小鄧傑作）
續往Medicine Lake，沿途都係山火痕跡，已係多年前嘅事，至今仲係咁咋！
停車場嘅山坡
咁睇Medicine Lake好似無咩野
其實湖邊山坡仲係滿目瘡痍，只有湖邊近水處有小樹同綠草。
續往Maligne Lake途上，仍係火燒痕跡。
終於見到生氣蓬勃嘅山頭
一睇厘座租艇服務嘅屋頂，無人唔知到左Maligne Lake 啦！
湖邊有遊客服務中心，遊客亦可喺度買船票（旺季最好預訂）。
Maligne Lake cruise嘅碼頭，現場所見，真係幾多人坐遊覽船架！
夠鐘上船，遊客陸續上船。
我地隻船係女船長
厘位靚女係導遊
厘幾個係Maligne Lake標誌性雪峰
船會駛到小島嘅碼頭，遊客可以上岸約半小時。
島上有觀景台
可俯覽湖景
碼頭附近有洗手間
上番船後，四人組改到船尾。
船倉內
回望雪峰
走LU！
厘度係Maligne River因山石滑落而沖積成沙洲
差不多到Medicine Lake時，途經一觀景台，樹叢中有一白頭鷹巢。
有一對白頭鷹同一隻小鷹，無長焦根本影唔到。
機仔只能影到咁
唯有退而影旁邊嘅圖片介紹啦！厘隻係成年鷹
厘隻係小鷹，我地睇嘅時候，一隻成年鷹不斷空中盤旋，搵野食卦！
小鄧影得清楚D，好似有一大一小喺鳥巢。（小鄧作品）
經過Athabasca River
本來四人組喺Athabasca River旁嘅公路邊影景
見天邊開始有紅霞，大家影下雪峰、公路，影耐左D，點知。。。又有大禮。
竟然喺路邊都執到隻鹿喎！
隻鹿本來離我地頗遠，漸漸走近，可能見我地人多，小心咁行下停下，
睇我地反應（佢驚入左我地地盤卦）。
我地盡量細動作，佢似乎放心D , 好謹慎咁喺我地身邊慢慢經過，眼精不斷望著我地，慌怕受襲，其實我地一樣驚被佢襲擊，總之係好刺激，又有趣嘅經歷啦！
影完鹿都九點幾啦！西邊雲層有D厚，雲底浮現詭異紅光。
另一邊就完全唔同，薄雲紅透，映照雪峰。
今日運氣唔錯，收獲豐富，返歸LU！
D10 完
7/6 D11 Jasper
Mt Edith Cavell (52.687350, -118.056250)
Cavell Lake (52.702510, -118.061691)
Jasper Skytram (52.850588, -118.123982)
Five Lakes (52.808224,-118.023187)
PineBungalows(52.889949, -118.068184)
時間過得真快，行程已去左三分之二啦！今日景點唔多，車程短，可以漫遊，中午返Resort食午餐，下午再遊湖。
是日路線：
早餐後出發，先講隻有趣故事先：話說車都未出大門，竟然遇上欄路大鹿（有我地架車咁高），佢盯住我地架車行埋黎，直情當正係敵人咁，嚇到小鄧當堂停左架車（我地關哂窗當然唔驚，但怕傷到佢就麻煩大啦），哈哈！厘隻鹿都唔知係咪修過道家語（我亂噏咋!都唔知出自邊家），佢直情做到＜敵不動，我不動；敵欲動，我先動＞，喂！鹿大哥，你到底想點呀？
車鹿對峙左一陣，我地決定慢慢（真係好慢果隻）駛出大門，隻鹿就目送架車離開。
(故事完畢)
我地諗唔出結果，最後小鄧話隻鹿梗係見到車窗上嘅倒影，以為有另一隻鹿入侵（有道理喎！聰明
），結果此夜證實唔係啦！（當晚我倆又上演人鹿對峙，真係幾驚架）好啦！廢話少說，出發啦！
黎到 Jasper 其中一個檢查站（職員見Pass會示意過得），如果未買Pass，可以即場買。
嘩！有無咁好彩呀！
我D朋友一次熊都未遇過，我地竟然見五次，厘隻好似年老D咁，求熊得熊，真係大感恩！
繼續前行
抵達Mt Edith Cavell
沿路上山，旁邊有冰川溶雪形成溪澗。
離遠望到啦！仲聽到隆隆聲，啊！唔係瀑布，係由冰川嘅雪逐漸消融而下墮形成嘅雪瀑，舉機太遲，剛瀉時較大量。
左邊瀉完，又輪到右邊啦！
厘邊厘兩條唔係雪瀑，係天使冰川底嘅水下流形成瀑布。
雖然高位睇到，其實未到觀景台，繼續前行，可以落去。
觀景台前有好幾張解說圖
原來喺特定日子仲可以攀厘座山添！
厘度睇近好多，上面嘅係魔鬼冰川，剛才嘅雪瀑就由厘度瀉下。
雪瀑流動痕跡
觀景台嘅右邊係天使冰川（係咪好諷刺呢？同一座山，左邊係魔鬼，右邊係天使）
下面係冰湖，不過而家結左冰。
臨走又上演多場雪瀑
走LU！
再到Cavell Lake ，厘個湖遇啱時間係好靚嘅！
遊完湖出黎，見厘兩位男士同電單車，係咪好型呢？
跟住又到Jasper Skytram，無搭吊車呀！係觀景咋！
喺厘度，可以欣賞到連綿嘅山脈、山谷同市鎮，仲有河流。
時至中午啦！返Resort食午餐，休息後再出動，下午遊Five Lakes。
續D11，午後繼續出發啦！
午後再度出動，黎到Five Lakes。
喺google可見幾條trail，我地行最短果條，環繞中間三個湖，亦睇埋頭尾兩湖，咁就五個睇哂。（如意算盤係咁）
起步LU！無乜人。
分岔路 ? 有導覽地圖 !
搵條短短地嘅行下算啦！
厘個？水氹黎咋！
見到第一個湖啦！不過無路落，只可從樹隙睇下，水色粉藍，感覺清新；
算啦！五個咁多，行少個啫！以後幾個湖都可以隨意遊玩，
一路上，除左遇到一班年青人游水，幾乎無遊客。
厘個湖較大
厘個玲瓏剔透
厘個水色同剛才嘅差不多，但較深較大，佢地真識揀，厘度係游水好地方啦！
厘個湖可以一眼睇哂
上得高，望得遠，原來兩個湖相距好近，相信雨季水漲後，兩湖相連。
厘個湖有D乾涸感，睇黎要到雨季會靚D。
欣賞完幾個湖，原路離開。
又係鹿喎！好羨慕加國嘅野生動物，佢地生活空間好大好自由，較少面對人類威脅。
Jasper鎮上溜覽
厘架火車頭係展品黎架！
舒服寧靜又美麗嘅小鎮
真係好想參觀下厘架豪華住行車
厘日行程又結束，返Resort煮飯仔，食完飯，又講故仔啦！
厘間Resort樣樣都好，就係屋內無wifi，reception個wifi早兩日又話壞左，今晚話整番喎！
咪出去上下網囉！當時十點幾，天黑啦！
點知未到reception就遇到隻馬咁大嘅鹿，
佢一見我地就迎面過黎，嚇到我倆即停步企定，嘗試行左邊啦！佢即提步，又黎厘招＜敵欲動，我先動＞，有左今早出車經驗，我地意識到片草地係佢地盤，諗住由旁邊路仔過啦！唔係呀！又係你嘅地盤？俾條路行下都得卦！（好鬼過份啫
）無計！唯有退後，佢真係唔郁呀！
我倆唯有慢慢退後，繞道出外圍，再返入酒店囉！（怕鬼左佢啦
）當時我諗，萬一有小朋友唔識應付，受驚亂跑，隻鹿有可能傷害到人啦！面對野生動物，千萬要小心。
D11 完
8/6 D12 Jasper > (-1hr時差)Kamloops (440km)
Yellowhead Lake(52.860726, -118.534824)>
Mt Robson (53.035337, -119.22874)>
Blue River (52.130717, -119.269670)>
Buse Lake (purple red) 50.626946, -120.036302>
Scott's Inn & Restaurant(50.672299, -120.314132)
今日行程簡單輕鬆，主要玩Mount Robson Provincial Park。
是日路線：
早餐後出發
車行不久，又遇上鹿啦！（始終有大角嘅靚D
）
繼續前行，經過檢票站。
看圖識字，各種車輛在十月至三月行駛厘段路，都有唔同要求，就知厘段路況較差啦！
到yellowhead Lake
早上欣賞湖景特別靚
跟住當然係Mt Robson，有人話見到厘座山全貌，可以一生幸福，四人組都要踫運氣。
停車場所見嘅係Mt Overlander （你又知！
）因為有指示牌嘛！
厘座係主角，前面大個牌，唔使介紹都知啦！咁算唔算見到95％呀！
嘩！發達啦！好似有99％山景露左面喎！好幸福呀！
前面四個指示牌，各指向每座山，仲標明海拔高度添！
information旁嘅樓梯可上觀景台
遊客中心內
觀景台前草地影嘅
可見Mt Robson 山上冰川
停車場泊左好多住行車
草地上嘅裝飾馬車卡
臨走前，見有兩部大型電單車好正，當然唔放過啦！
尤其厘架有拖卡嘅，個標板睇到我眼都花埋，仲有埋GPS，裝備絕不比轎車遜色。
睇黎個座位都好舒服下喎！
幫架白馬影番張Mt Robson
時間尚早，去Blue River睇下有無好野先！沿途靚山景當然不缺啦！
入去打聽下
以為厘個時候會平D，原來一樣，齋坐船連稅差不多要CAD100 ／人／小時，
水陸探險連稅CAD180／2.5小時，職員好老實，佢話唔係三文魚季節，應該睇唔到熊捕魚嘅畫面，呵呵！可以慳番
，一場黎到，又剛有船出發，做下塘邊鶴都唔錯啫！
近油站嘅兩熊撕殺塑像
今日可以早些少到酒店check in
酒店餐廳幾有情調喎！厘間包早餐，聽朝喺度食。
客飯廳樣樣俱備
兩個房間同洗手間
整理好哂，就到附近嘅Buse Lake，據講有時候厘個湖會呈紫色，可惜我地黎唔啱時候。
因為目前較旱，可清楚見湖邊泥土上有白色物質覆蓋。（唔知係乜）
睇到紫色時係咁樣嘅！（網上照片）
走LU！出番停車場，剛好有火車經過。
停車收費錶及規定
我地沿公路返酒店，公路沿河邊，雖然睇唔到日落，不過有唔錯嘅火燒雲。
D12 完
9/6 D13 Kamloops >Whistler (300km)
Kamloops Lake >
Marble Canyon (50.836966, -121.700071)>
Fraser River(沿河欣賞)>
Seton Lake (50.668444, -121.988779)>
Duffey Lake(50.412057, -122.289861)>
Alpha Lake(50.094338, -122.998488)>
Alta Lake (RainbowPark 50.120401, -122.985139)>
Tantalus Resort Lodge(50.110883, -122.959384)
今日車程較長，不過沿途唔少景點，且一路風景唔錯，不過離開 Jasper之後，就無動物睇LU！
是日路線：
早餐後出發，首個景點係KamloopsLake，厘個湖好長，
廿分鐘車程已開始見到個湖，路旁景色好有瑞士feel。
我地先在高位停車影相，已經覺得好靚。
全景
沿途只見靚景就停車欣賞
對面有火車過，D火車真係好～好～好長。
厘個位周圍有圍網，只能搵個高位遠眺。
個湖長到睇唔到河口
又黎到另一個位置，咁好彩嘅！
厘邊又有火車經過 (湖的兩沿岸都有火車軌），足有十幾分鐘。
足夠時間影駁相
哈哈！
影完兩張駁相 , 都仲有時間送車尾喎！
繼續行程，厘座房屋好搶眼，就喺公路旁，於是停低休息影下相。
已經進入Marble Canyon Provincial Park , 到Pavilion Lake，
介紹水底生態
湖中心有個島
對面嘅半島有橋伸出作觀景台
沿99公路繼續前行係Marble Canyon ，四周山勢雄偉。
谷中河流呈大轉灣，上張全景先睇得哂！
沿公路欣賞Fraser River景色，有山有水有葡萄園。
跟住黎到Seton lake
走LU！途中高位影番張。
厘度係Duffey Lake (如果汽車廣告影成咁就搵人買都得啦！)
湖邊浮左好多杉樹幹
先去酒店check in，食埋晚飯再繼續行程都未遲。
兩個房間各自有洗手間
廚房設備齊全，空間寬敞，正！
客飯廳
晚飯後，再到附近嘅Alpha Lake，本來厘個湖好多人黎玩水上活動，但夜左D，無人LU！
跟住去Alta Lake，Rainbow Park 係 Alta Lake 湖邊嘅公園，厘度好多加拿大雁，每個雁家庭，無論有幾多隻小雁，都由雌雄大雁照顧，好有趣。
記憶中仲去過附近嘅Nita Lake，落唔到去（周圍被住宅欄哂作私家路），返歸LU！
D13 完
10/6 D14 Whistler > Vancouver (200km)
Creekside Gondola (50.093721,-122.988778 ; to Peak 2 Peak )>
Daisy Lake (49.985641, -123.143237) >
Tantalus Look out (49.846409, -123.149624)>
Shannon Falls (49.670945, -123.160943)>
Porteau Cove Park (49.558394, -123.235205)>
Super8 Vancouver (49.211250, -123.090317)
尋日同今日都係行99公路，但今日過左Pemberton，厘條公路有個好靚嘅名，叫Sea to Sky HWY，咪令人有所期待囉！（其實一般啦）
洛磯之行已到尾聲，主要係驅車返回 Vancouver , 邊走邊欣賞，景色當然唔及Banff & Jasper啦！
本來諗住一早搭索道上Peak2Peak，可惜現場起哂霧，天氣報告都係無運行，唯有放棄啦！
是日路線：
辦好check out後，天空落住微雨，都去吊車站睇下有無運行啦！果然起霧，山都睇唔到，商量過因為山唔高，上到去都應該無野睇，走囉！（無影相添！）經過見 Garibaldi Park嘅告示，八卦下厘度camping嘅收費同守則。
仲貼左附近公園導遊圖，方便遊客。
行左一陣，見小河環境幾靚，又落車影下相囉！
我地就停喺路邊
到左Tantalus Lookout，可能天色昏暗，景色一般啫！
跟住見路牌指有個Shannon Falls , 去LU！
心急，手震左添！又無影多張喎！將就睇下啦！
於是停車按指示步行入去
沿小溪而行
個瀑布都係一般，走LU！
雖然今日天色昏暗，還好只係間中小雨啫！黎到Porteau Cove Park，係個出海口。
有埋瞭望台同舒適環境，賞景嘅好地方。
視野廣闊
俯瞰觀景橋
厘度都有人玩潛水，兩位剛上岸。
海天之路紀念碑
附近嘅圖騰木刻
黑熊見到厘遍野菊實開心啫！
跑左十幾日，又返到溫哥華，今次住速8，貪佢近機場，
去超市買D野，check in嘆番個下午茶先！
嘆完下午茶，休息過後，近近地又去英格烈灣賞日落，
厘座門樓形嘅建築，其實係burrard bridge嘅橋墩。
今晚係小鄧同輝哥喺加拿大嘅尾聲，日間沿Sea to Sky HWY，天色一路都唔好，估唔到今晚有燦爛晚霞為兩位送別，佢地第二朝食完早餐就出發去機場返港。
D14 完
11/6 D15 Vancouver 13:20 AC 7> HK
12/6 D16 Arrive HK17:25
喂！喂！喂！咪走住啦！我倆仲會多留十一日，
繼續全公交遊大溫哥華。
沒有留言:
張貼留言