完成南美五國之行成個月，終於勉強抽到時間，開始厘個南美32天五國遊記啦！
（32日！有排寫喎！
）咪係囉！但行程尤其適合我地D退休人仕，團費又超筍，
都係多謝小鄧發起自組12人團，每到一國都平靚正
，唔同大家分享，就嘥左小鄧一番心機囉！
32日咁長，唔係每位團友都有足夠時間，於是團隊分為A、B兩團，各六人，
A團(Part 1)共三國（秘魯、玻利維亞、阿根廷）22日，
B團共五國(Part 2)（秘魯、玻利維亞、阿根廷、烏拉圭、巴西）32日。
19/2 D1
15:45 AA126 HK > Dallas 16:15
22:22 AA980 Dallas > Lima 06:29, Feb 20
20/2 D2
PeruCapital - Lima06:29
Cusco Pxxu旅行社接機, 送回酒店休息及自由活動
Lima- HotelRadisson Decapolis
21/2 D3
上午LimaCity Tour
{情人公園> Pucllana Temple >
Museodel Convento de San Francisco , Plaza de Armas}
下午自由活動 {Kennedypark , Iglesia Virgen Milagrosa , Miraflores City Hall }
Lima-Hotel Radisson Decapolis
22/2 D4
09:45LA2027 Lima > Cusco 11:15 (3400m)
早上飛往Cusco,辦波利維亞簽証及休息,適應高原反應
Cusco-Costa De Sol Ramada (距武器廣場5分鐘步程)
23/2 D5
Cusco> Sacred Valley {Moray梯田,Maras鹽田，}>
Ollantaytambo (奧蘭太坦波廢墟 Ruinasollantaytambo) >
Train > AguasCalientes ( 只攜輕便行李)
Aguas- Hotel Taypikala
24/2 D6
AguasCalientes > Machu Picchu(2430m) > Cusco (3400m)
Cusco- Costa De Sol Ramada
25/2 D7
CuscoCity Tour
上午遊參觀Cusco近郊四大印加遺址:
{Saqsaywaman，Q'enqo，Pukapukara，Tombomachay}>
太陽神廟(Qorikancha), 下午自由活動
Cusco- Costa De Sol Ramada
26/2 D8
Cusco> Puno (包午餐)
旅遊大巴併團,車行7小時至Puno,沿途有4景點
SanPedro Andahuaylillas古教堂>
TempleInka de Raqchi >
AbraLa Raya Pass >Museum of Pukara
Puno- Sonesta Posadas del Inca
27/2 D9
Puno> Taquile Island > Lake Titicaca (包午餐)
Puno- Sonesta Posadas del Inca
28/2 D10
Puno> Bolivia- Copacabana > Capital– La Paz(3600m)
LaPaz - Hotel Rosario
1/3 D11
La Paz City Tour
{Mirador Killi Killi , Plaza Murillo , Calle Melchor Jimenez(巫師街),
乘索道俯瞰LaPaz > Valle de la Luna (月亮谷) > Dinner Show }
La Paz - Hotel Rosario
2/3 D12
LaPaz > 08:10 flight > Uyuni > 火車墳場 (Cementeriode Trenes) >
Colchani (午餐)> Salt Flat (3650m)
Salt Flat - Hotel Luna Salada (包午、晚餐)
3/3 D13
Salt Flat (3650m)
全天鹽湖,日出日落
Salt Flat - Hotel Luna Salada(包午、晚餐)
4/3 D14
Salt Flat (3650m) > Uyuni Town
Uyuni - Hotel Magia Hostel (包午、晚餐)
5/3 D15
Uyuni (Jeep) > Villazon > Argentina La Quiaca
四驅車送至阿根廷邊境La Quiaca, 由旅社Destinxx接團
La Quiaca - Hotel Munay
6/3 D16
La Quiaca > Humahuaca {tres cruces , 獨立英雄紀念碑,
七彩山,Pucará de Tilcara , Maimara } > Pumamarca
參觀阿根廷北部高原山區村莊風景
Pumamarca - Hotel Casa De Adobe
7/3 D17
Pumamarca > Salta (考古博物館及自由活動)
Salta - Hotel Solar de La Plaza
8/3 D18
Salta city tour > 15:10 LA4113 > Buenos Aires 17:14
上午Salta市內遊,下午飛往布宜諾斯
BA - Hotel Dazzler Polo
9/3 D19
Buenos Aires City Tour + Dinner Tango Show
{雅典人書店（ElAteneo）>Teatro Colón (科隆劇院)>
Cafe Tortoni > La Boca >Barracas區(瓷磚街)>
La Ventana Barrio de Tango (Dinner Tango Show)}
BA - Hotel Dazzler Polo
10/3 D20
BACity Tour
{Cementerio de la Chacarita瑞可列塔墓園,
Catedralde San Isidro教堂,Club Canottieri Italiani(lunch) ,
Lujan River , 外觀Museode Arte Tigre} > A團返港 >
21:00 AA996 > 05:40 Dallas 10:40 AA125 > HK
B團返回布市酒店
BA - Hotel Dazzler Polo
11/3 Flight
12/3 D22 Arrive HK 18:00
TeamB 繼續(Part 2)
11/3 D21
BA ferry 0900 > Uruguay Colonia > BA
早上乘船往烏拉圭世遺古城Colonia遊覽,黃昏返回布市
BA- Hotel Dazzler Polo
12/3 D22
BA> 15:45 LA4024 > 17:35 Argentina Iguazu
Iguazu- Cabanas El Pindo (自煮)
13/3 D23
Iguasu Fall Agentina
全天阿根廷伊瓜蘇大瀑布
Iguazu- Cabanas El Pindo (自煮)
14/3 D24
Agentina> Hito Tres Fronteras （三國交界處）>
Jardinde los Picaflores （蜂鳥園）>Brazil Iguazu >
Parquedas Aves (鳥園)
Brazil Iguazu - Pousada Guata Pora
15/3 D25
Iguasu Fall Brazil
Brazil Igazu - Pousada Guata Pora
16/3 D26
Iguazu Fall > 14:06 JJ3838 > Rio 16:55
Rio – Hotel Windsor Leme
17/3 D27
Rio > 耶穌山 (Christthe Redeemer ) > 糖麵包山 (Sugar loaf Mountain)
Rio – Hotel Windsor Leme
18/3 D28
Rio > Rocinha Favela (貧民窟)＞Copacabano
Rio – Hotel Windsor Leme
19/3 D29
Rio > 遊覽市中心
{Igrejade Nossa Senhora da Candelária(坎德拉里亞教堂)>
Travessa.do Comércio(貿易巷)>
PraçaXV[Quinze] de Novembro(11月15日廣場)>
AssembleiaLegislativa do Estado （國家立法議會）>
IgrejaNossa Senhora do Monte do Carmo >
ConfeitariaColombo(哥倫布咖啡館)>
RealGabinete Portugués de Lectura（皇家葡萄牙語閱讀室）>
CatedralPresbiteriana (長老會大教堂)>
CatedralMetropolitana de São (里約大教堂)>
TheatroMunicipal（市立劇院）>
MuseuNacional de Belas Artes(國立美術館)>
CâmaraMunicipal （市政廳）>
CulturalJustiça Federal（聯邦司法文化中心）>
CariocaAqueduct – Lapa (拉帕水道橋)>
EscadariaSelaron(藝術台階)>
PraçaMahatma Gandhi（聖雄甘地廣場）>
obeliscoda avenida rio branco （布蘭科大道方尖碑）}
Rio– Hotel Windsor Leme
20/3 D30
Rio > 補遊市中心部份景點
{RealGabinete Portugués de Lectura皇家葡萄牙語閱讀室>
IgrejaNossa Senhora do Monte do Carmo 教堂>
ConfeitariaColombo (哥倫布咖啡館)>
ConventoSanta Teresa（聖杜麗莎修道院）
FundaçãoBiblioteca Nacional (巴西國立圖書館)}
Rio14:50 > Sao Paulo 16:05
Sao Paulo 20:55 > Dallas 05:20 (21/3)
Dallas10:35 (21/3)
21/3 D31 Flight
22/3 D32 Arrive HK 16:30
出發前,先介紹此行嘅準備啦！（機票就必然啦！
）
經歐洲當然無需美簽啦！
)
雖然過境美國，仍作入境論，務必辦好簽證/持免簽證件。
玻利維亞簽證:
持BNO及特區護照進玻利維亞均需簽證，持英國、加拿大、澳洲
及大部份歐洲國家的本土護照可免簽。（詳情請參考官網）
玻簽列明需打黃熱針，我地都喺旅遊健康中心打左先出發（需致電預約，同時提供護照資料），
一來黃熱針要10天後才生效，另方面又怕打左有發燒之類嘅反應，
由於我地出發前12日喺網上做簽證（出發前15日內有效，否則重做），
傳哂所需文件，正式過關時，完全無睇針紙。
有關玻簽可參考以下教程及遊記，係兩位師姐用心之作：
【一個。旅生】A Girl with a Travel Heart: 秘魯Cusco のBolivia簽證詳細
http://www.discuss.com.hk/viewthread.php?tid=26575817&extra=page%3D1
出發LU！
19/2 D1
15:45 AA126 HK > Dallas 16:15
22:22 AA980 Dallas > Lima 06:29, Feb 20
20/2 D2
PeruCapital - Lima 06:29
CuscoPxxu旅行社接機, 送回酒店休息及自由活動
Lima- Hotel Radisson Decapolis
由於團友證件都能過美國境，且經美國機票平D嘛！
連轉機折騰左28個小時，終於到左秘魯首都------利馬。
厘架係我地坐嘅車，幾舒服，冷氣好夠。
旅社直接將團友送到酒店，入房休息一陣
到酒店餐廳午餐，環境同食物都非常好，
個人覺得抵食嘅半自助餐，我地嘅 main course
其餘喺buffet，超正！！S/.50/ 位（1S./= HKD2.5）
大家食下野，吹下水，有D團友仲瞌番覺添！（梗係啦！老骨頭唔抖夠，點有氣力玩喎！
）
黃昏時分，齊齊安步當車，向海邊行去Larcomar，因為位處崖邊又向海，係影日落嘅好地方。
厘度亦係利馬最繁華嘅Shopping Mall .
除左日落同shopping外，下面嘅海灘非常大浪，所以吸引好多滑浪人仕。（聽晚會再黎影過）
廣場上，無論本地人或遊客都咁多。
旅遊警察
今日嘅日落，雲層較厚，影到都算好彩啦！
夜色中嘅海傍公路Circuitode Playas，十足條火龍，遠處山頂仲有個十字架添！
Larcomar越夜越熱鬧，唔記得講添！底層仲有個超市，
初到貴境，正好補充所需，又可睇下民生日用啦！
臨走前入左間拉麵店，食左個冬蔭功海鮮拉麵，返酒店瞓番覺好嘅！
D1 & 2 完
21/2 D3
上午 Lima City Tour ( 情人公園 > Pucllana Temple > Museo del Convento de San Francisco >
Plaza de Armas)
下午自由活動(Kennedy Park , Iglesia Virgen Milagrosa , Miraflores City Hall)
Lima-Hotel Radisson Decapolis
上午由旅社安排半日市內遊，出發前先享受豐富嘅酒店早餐,尤其鮮榨果汁，絕對貨真價實。
生果款式多而味美
飽餐之後，上車LU！厘位係我地嘅導遊。
先到沿海岸嘅AmorPark（情人公園），對面仲有個觀景台，我地傍晚會去。
其實好近我地尋晚去嘅Larcomar。
有D似A貨奎爾公園，當然規模細得多啦！
參觀完，又上車LU！佢地嘅廢物回收做得唔錯喎！
沿途街景，似係富人住宅區。
到啦到啦！十足金字塔咁。
厘度係PucllanaTemple，印加族人嘅神廟，據講曾經用處女作為太陽神嘅祭禮。
吓！唔開！無法啦！落車影張相都好吖！
跟住途經一個橄欖園
路邊陳列左從前榨橄欖油嘅工具
唔知個牌講咩？22號係無車日？
利馬街頭
San Juan Bosco
路上經常睇到紀念碑之類
係飲湯專門店？（我地都有阿二靚湯啦！
）
繼續睇下利馬嘅民居、商舖，仲有戲院添！
好少可見咁多人排隊搭巴士
有齊幾間專門店，厘度仲唔係市中心？
利馬巴士
Museode Altos Estudios Militares
Plaza Grau
Museo de Arte Italiano
當然唔少得南美獨有嘅駝羊（佢地嘅品種，我真搞唔清
）
Casa Roosevelt
為慶祝秘魯獨立100周年而建嘅 Plaza San Martín
中間嘅騎馬像係解放秘魯嘅英雄聖馬丁
Hotel Belen
四周有多座西班牙建築
Banco GNB
佢哋應該係保安
厘隊就係警察啦！喺利馬嘅景點，經常見好多警察，算有安全感啦！
（安全就唔使咁多警察啦！
）好過無嘛！
之後繼續上車啦！街上頗多找換店（我地見過街頭黑市找換添）。
搞咩呀！突然冒出個機械人，又幾認真打扮喎！
返工時間擦鞋？
靚仔保安，好型喎！睇佢要著避彈衣，銳利嘅眼神四圍望，厘份工唔輕鬆呀！
睇到厘D檔仔，以前香港都有好多。
終於黎到被列為世界文化遺產嘅 Museo del Convento de San Francisco
厘度嘅修道院內嘅圖書館同地下墓室係世界聞名嘅！當然唔可以錯過啦！
（弊在嚴禁影相喎！）無計啦！又想同大家分享裏面嘅精彩文物，唯有上網借相囉！
大門上嘅雕刻同聖像
廣場前有著上傳統服飾嘅武士之類，供遊客拍照（收費嘅）。
因禁止拍照，以下照片取材自網上圖片：（向拍攝者致意）http://n2.hk/d/images/smilies/default/smile_o11.gif
教堂係免費參觀嘅（睇文物需購票）
厘個廳前嘅牆上掛左幅秘魯式嘅最後晚餐圖
畫中除左耶穌同12門徒外，旁邊仲有好多侍者，更有送餐嘅童工，
從兒童面上清晰睇到面頰上嘅高原紅，最獨特嘅係晚餐嘅主菜------烤天竺鼠 (我地遲D都會試)，
都係表現左秘魯嘅特色。
修道院內其中一殿
圖書館保養得較差，陣陣霉味，但設計同陳設都非常典雅，好正！
以下嘅描述，如果對某D人做成不安，講聲抱歉。
地下墓室好大好深
據講墓室藏有數萬具印加族骸骨
骸骨井
參觀完修道院，步行5分鐘至武器廣場（Plaza Armas / Plaza Mayor），
途經附近街巷，已好有西班牙色彩。
秘魯文學館
又係成隊防暴警察，據聞今日有示威。
大主教宮（Archbishop's Palace ）
主教座堂
咁多警察，感覺都安全D（其實唔出夜街都OK嘅），背後黃色嘅係市政府建築物。
厘個廣場咁大，真係要搵部助行工具先得。
建築物旁仲有防暴車戒備
走廊地磚好搶眼
前總統府，而家作為政府總部（Government Palace of Peru）
整個武器廣場好乾淨，好有氣勢，可惜對治安無乜信心，網上睇到厘度嘅夜景好靚。
完成左上午市內遊，導遊送團友返酒店食午餐。
繼續D3下午行程:
食完午餐，下午自由活動，我倆又唔太攰，於是出去八下囉！條街都無乜人。
黎到Kennedy Park
利馬甘迺迪公園，當然有約翰甘迺迪像啦！
厘間餐廳搵左差利卓別靈做招徠
路旁花圃種植得頗靚
Iglesia Virgen Milagrosa教堂關左，不過佢地D教堂經常禁止拍攝。
隔離厘座係 Miraflores City Hall
只見裏面無乜特別，頗多人坐喺度等，唔好意思影相，通二樓嘅梯級同彩色玻璃窗就幾靚。
厘區好多食肆，且大眾化
見唔見寫住chinawok呀？唔知係咪真正中式炒法呢 ？
喺利馬要食飽肚唔貴，快餐連汽水S./20以下就有交易。
餐廳約三、四十蚊左右，當然未計小費啦！
喺利馬食天竺鼠約 S./70，仲未計10％小費。（睇過好多間都一樣價錢）
厘度係Mirabus嘅Daytour 報名處
團種幾多樣化，由三小時至整天都有，
現場所見好多人即場付款上車，幾受歡迎架！
因為約左團友出發影日落，慢步返酒店囉！
從住宿酒店沿大馬路南行十零分鐘即到海邊，大家慢步經過天橋，下望成條馬路都無乜人。
經過TennisClub，小朋友打嘅係咩呀？
厘幅牆（長）畫，滿是滑浪嘅壯男，睇都知係滑浪勝地啦！
下望海灘，好大浪！
厘度就係今早我地去嘅情人公園對面嘅觀景台
有D Day Tour 會停厘度
賣雪糕嘅流動小販
下面建喺堤壩上橫向嘅係著名餐廳LaRosa Náutica
除左餐廳外，壩上嘅小亭係商店。
下面嘅海灘好多健兒玩滑浪
睇左一段時間，有D高手越過好幾個浪，頗有難度。
又再黎到Larcomar
今日早D到，單車出租店仲未關。
出租價目
有埋導遊地圖，騎住單車周圍去就更爽啦！
廣場上嘅紀念碑
今晚無咁好彩，雲層厚到睇唔到日落，唯有影下廣場上嘅夜色啦！
因為團友都係各自搵食（哈哈！我地厘團話雖食自己，但日日有飯錢派，
引得團友都唔知幾開心，咁玩法我都係第一次，小鄧，虧你諗得到
），為免我倆喺度食完摸黑返酒店，都係決定返酒店附近食快餐算啦！
D3 完
22/2 D4
09:45 LA2027 Lima > Cusco 11:15 (3400m)
早上飛往Cusco,辦波利維亞簽証及休息,適應高原反應
Cusco - Costa De Sol Ramada (距武器廣場5分鐘步程)
經過利馬嘅休息同市內遊，大家都算恢復體力，
今早又要搭機上高原CUSCO啦！我地坐嘅係LA。
再見利馬！
天氣晴朗，下望嘅全係山脈，仲有蜿蜒曲折嘅公路。
間中見有小鎮坐落喺山谷
咁嘅氣勢，仲唔係到左安第斯山嘅明珠------CUSCO ?
機場當然無利馬咁具規模啦！但都應有盡有。
CUSCO嘅國際機場
黎接我地嘅係厘部車，12人都無問題！
前面嘅當然係導遊囉！
庫斯科嘅交通好暢順
車窗反光，拍照當然差，好過無記憶嘛！
厘個紀念廣場有兩位立像（請問你地係邊位呀？）
厘座好有來頭，庫斯科印加帝國都城紀念碑，頂上係第一代印加國王雕像------曼科·卡帕克
街上嘅電話亭，一亭三電話，唔使排隊啦卦！不過傾閒偈好啦！唔好講咁多秘密喎！
車上途經嘅街景照拍，咁嘅回憶會豐富D嘛！
庫斯科聖安東尼奧國立大學
，你套西裝好閃呀！請問你係邊位呀？辛苦哂！
到啦！到啦！我地嘅目的地------玻利維亞駐庫斯科嘅領使館，
雖然我地喺出發前做好哂網上簽證，但都要親自黎交副本文件，當然仲要交費啦！
每人都拎住自己份簽證所需文件入去
領使會俾張入數紙我地，到附近厘間銀行入數，盛惠每位USD30。
跟住就去大廳坐下，等簽證，仲有wifi可用，讚！
亦有遊客黎到先申請（背向嘅女仕），領使館有電腦可借用，
程序同預先網上申請一樣，不過要第二日再黎攞簽證啫！仲要去影印定文件噃！
（C蠢！咁做乜唔預先網上申請呢？又唔使俾錢！做左可以唔去架嘛！)
背住果位男仕就係玻國領使。
佢好平易近人，做埋旅遊大使，攞簽證變左頒獎禮咁！好玩得！
全團好順利，大概花左個多小時就搞掂，網上流傳BNO免簽，但我地證實左唔係啦！
大家興高采烈上車往酒店（梗係啦！玻國留六日，我地有團友唔可以打黃熱針，
萬一簽唔到咪頭痕！仲要諗點樣追番個團喎！
）（唔預先做簽證得唔得？）得呀！到玻國時做落地簽證囉！盛惠USD100大洋。
又經過兩座紀念碑廣場
我地住嘅酒店坐落喺舊城區
古堡式酒店內嘅天井庭園設置雅緻舒適
仲有兩位著傳統服飾嘅＜媽嫲＞售賣紀念品，外加隻小羊，任影唔嬲。
我地住二樓，黎到3400M嘅庫斯科，真係有些少高反。（暈暈地）
休息番陣
齊齊去食午餐，我倆叫左個沙律、意粉同果汁，盛惠七十幾蚊。
黎到古印加王國嘅首都，當然急不及待四圍行啦！，好喜歡厘D陽台建築。
食完午餐，團友就各自精彩，同導遊約好14：00古城漫步，由於有D團友黎過，有D高反要休息，連導遊剛好砌夠一枱（四人），出發囉！
市立藝術博物館Museo Municipal De Arte Contemporáneo
庫斯科旅遊巴士
繼續行
庫斯科武器廣場(Plaza De Armas)，揉合左印加同西班牙建築，而且保存得好好。
耶穌會教堂，亦係博物館。
廣場中央嘅噴泉頂嘅立像，印加首位國王------曼科·卡帕克
庫斯科喺1983年被列入世遺
廣場部份
仲有唔少畫師即席揮毫
建於印加宮殿遺址上，耗時100年的庫斯科大教堂。
教堂頂上嘅雕塑
中間個雕塑喺1650年大地震時損毀
裏面又有幅秘魯式嘅最後晚餐，餐盤上又係烤天竺鼠。( 不准拍照 , 照片來自網上 )
古城嘅街巷好靚 , 好多條街都有旅行社，所有喺cusco出發嘅旅行團，由半日至幾日都有。
部份內街地面築成凹字形（方便去水卦
），地磚保存得好好，且人行道同車道劃分恰當，行得幾舒服。
庫斯科係按美洲豹（puma）嘅造型而建設，頭部係Saqsaywaman，
王宮部份係心臟，由於不斷咁發展，地形上已經無咁傳神啦！
街上嘅地形標記
宗教藝術博物館(Museo de Arte Religioso)
由厘條巷行入去就係12角石（咁多，邊塊係呀？），好易啫！
見到有位印加武士裝扮嘅人企喺度，又有遊客圍住，仲唔係厘塊！
數數先
導遊話仲有塊13角石添！（係！網上無見過喎！要睇下啦）
(咦！乜石塊有咁多椎形體凸出嘅？)
據導遊解說，係建築結構，類似木工＜榫＞嘅互扣作用。
不得不驚嘆古印加人嘅建築技術，唔需要任何黏著劑，就可以造成咁穩固嘅建築，
呢！上面嘅係後期西班牙人補上嘅，當然需要用黏土啦！技術同石材質量差遠囉！
沿住條街直行右轉再右轉，到啦！要慢慢數，睇清楚<13角石>。
厘堵西班牙人砌嘅石牆，同印加嘅石牆就無得比啦！（厘D咪叫做貨比貨囉！）
古城嘅街道牌好精緻
睇完鬼斧神工嘅印加石牆，導遊就帶住我地穿街過巷。
咦！入紀念品店？（我地三友無野買喎！
）
原來目的係帶我地睇厘樣公仔，佢話印加人會用毛巾包住BB雙腳，小孩長大後，雙腳會靚D喎！
行下行下，導遊又帶我地教堂嘅後門，環境比前門更好。
繼續遊街
厘幾位傳統服女仕，應該係景點模特，佢地仲抱住隻小羊/駝羊。
穿過兩條巷，唔使講，大家一睇都知係西班牙人嘅建築啦！（咪將粉絲當魚翅呀！
）雖然係咁，好喜歡厘種街巷，相信大雨時都好好行。
厘度門應該有一定歷史囉！
原來導遊帶我地黎到太陽神殿（Coricancha），
不過厘個時候接近關門，所以唔入啦！留番第日先入去。
當年舖滿黃金嘅太陽神殿 , 其後俾西班牙人拆左，改建為聖多明哥修道院同教堂，
後來經歷大地震，印加時期建築只剩番厘幅深灰色石牆。
太陽神殿嘅花園同佢嘅水道設計
跟住導遊仲喺附近搵左一種植物，摘左一小段葉，佢搓兩搓俾我地聞，
嘩！好過甚麼X花油，清香得黎提神醒腦，佢話秘魯人喜歡用黎泡茶飲，
後來我地喺買紀念品嘅地方飲過，的確唔錯。
之後就地散啦！我地又四圍遊，古城嘅大馬路同交通燈頗美觀。
瓷磚燒製嘅古城地圖
雖然砌得幾靚，同印加族人比，仍然失色。
La Merced教堂門頂上嘅聖母像
Cusco嘅夜色吸引唔少遊客，係越夜越熱鬧 , 可以睇到山上萬家燈火。
歷史博物館（Museo de Historia Regional）當然關閉左啦！會再黎架！
古城夜色咁熱鬧，返酒店休息陣先再出黎醫肚，對住個廣場食Pizza。
D4 完
23/2 D5
Cusco > Sacred Valley (Moray梯田, Maras鹽田，)>
Ollantaytambo (奧蘭太坦波廢墟 Ruinas Ollantaytambo) >
Train > Aguas Calientes ( 只攜輕便行李)
Aguas- Hotel Taypikala
酒店早餐唔錯
最左邊嘅係古柯葉，據講有防高反作用。
係呀！就係純化後，提煉出古柯鹼果種植物啦！不過少量泡茶飲唔會中毒嘅！
早餐後出發，門口剛泊左架單車旅遊團嘅車，厘度都有唔少單車旅遊人仕。
出發啦！
途經拍攝，車窗反光，就住睇啦！
巴士站
咦！厘D農村嘅環境真係幾靚。
Chinchero District 嘅 Plaza de Armas .
最後喺 Centro Cultural Parwa 停車，入去參觀囉！
＜媽嫲＞先請我地飲杯茶，好清香呀！！
仲記唔記得尋日位導遊摘過D植物俾我地聞呀？就係厘種葉泡茶啦！原來佢地普遍都會種嘅！
<媽嫲＞俾我地睇佢手上以花做嘅天然紅色染料
用舊明礬喺手上磨下磨下，紅染料變成橙色。
(乜你地無乜反應咁嘅！出動埋兩位靚女玩變戲法先得) 佢地將毛線示範染色，
又用D天然洗濯劑（唔知係咩），搓下搓下，一過水，D污糟毛線變番雪白啦！
跟住又示範點樣織手工枱墊之類
陳列左好耐嘅農作物
除左示範，當然仲有賣其他紀念品啦！好彩都有兩位團友對BB冷帽有興趣，叫做有幫襯啦！走LU！
上車之後，嘩！風景越黎越靚 !
心諗可以落車影相就好啦！
哈哈！真係停車影相喎！
原來厘度都算係個無敵Viewpoint
唔怪之得幾個家庭都喺度擺檔啦！
咁多駝羊，唔係賣架！俾遊客影相咋！你話旺季係咪好和味呢！
我地當然有幫襯啦！
佢地個樣真係好可愛，眼睫毛幾長
正面睇，真係幾似駱駝架！
遠處仲有幾隻驢仔
另外，厘度一家唔以駝羊招徠，而係傳統音樂表演，可惜淡季無乜遊客。
之後，沿途景色更美，不愧叫聖谷，超凡境地，正！
睇佢！坐喺高處放羊，感覺好享受。
面對窗外咁靚景，點會眼瞓喎！
經過 Maras 小鎮，街道幾乎無人，超寧靜！
厘堵圍牆刻滿聖谷嘅名勝
唔知係咪連小狗都悶到發慌呢？隻傻狗竟然奮力追我地駕車喎！（成隻格力狗跑姿咁）
喂！狗狗，你咪傻啦！追唔到架！
（汪！汪！我追，無氣啦！）不如抖下，欣賞下美景啦！
終於黎到Moray梯田 , 我地先參觀個葫蘆形嘅梯田 .
留心睇下，每層都有梯級通另一層；
據講梯田底部係石砌成，落大雨都唔會水浸，能保住農作物。
左邊爛得較嚴重，正做緊修復工程。
之後再參觀另一梯田
厘個係圓形梯田，有網友話D石堆有一定意思，
但我睇佢放嘅位置，似係待修復用嘅原石塊喎！
臨走前發現棵有趣植物，生長得似圖案，幾特別。
又上車LU！沿途仍係不絕嘅美景。
又返黎Maras，街道都係無人。
就算係Plaza de Armas de Maras，仍然靜到無影。
到左聖谷聞名嘅Maras鹽田，先睇個全景有幾壯觀。
鹽田建喺陡峭山坡上
我地就係由停車場一路行落去
其中有三幾格係淺綠色嘅，唔知係咩呢？
鹽田下面嘅谷地有河流同村莊
遊客沿鹽田頂部嘅小路行
一塊塊豆腐似的
又似落過雪嘅梯田
厘度嘅土地偏紅，映得鹽水混濁似黃泥水。
白色嘅係鹽結晶
小路旁嘅渠道唔係污水渠，而係輸送鹽水嘅渠道，我地試過，鹹到苦架！
行到尾嘅觀景台
原路行番上去另一觀景台（停車場附近）
從另一角度俯瞰鹽田
出番停車場，有厘種啤酒賣，可惜我唔係酒客，無試到粟米加士多啤梨嘅啤酒係咩味道呢？
又到午膳時間，係間食物同環境都好唔錯嘅餐廳。
我地坐喺室外嘅走廊
庭園中仲有表演者演奏，此刻美景、清風、音樂、美食都有齊，仲想點呀！
除左室外，室內亦有裝飾佈置精巧特別嘅房間，相信旺季坐滿啦！
場內百多款美食
較特別嘅係羊駝，味道似牛，無羊膻味。
一提到玻璃酒店，當然係諗到北歐觀極光嘅酒店啦！
原來Cusco都有架！我覺得仲新鮮過北歐果種喎！
食完午飯，經過好特別嘅 Natura Vivi Skylodge .
唔係呀！我地要喺度過夜呀！
太刺激了吧！
（你就想啦！厘個Lodge只得三個房，共住八人，每房包早晚餐，成三千幾蚊晚架！）
（點上去呀！）梗唔係坐車/搭電梯上去check in啦！
要攀爬/滑索400米上落架！唔係俾得起錢就得，仲要夠膽夠體力先好住呀！
俾三張網上圖片刺激下大家都好喎！
坦白講，我都有少少畏高架！太刺激啦 ! 咪搞我！
(以下三張相來自網上)
夠膽嘅就黎個高空崖餐飽嘅！睇清楚，要扣住安全帶用餐架！
想安全感大D，亦可以咁樣食，都算周到啦卦！
剛巧有人check out , 佢地玩zipline 落黎
嘩！仲有小朋友添！佩服！
睇完上返車，經過Ollantaytambo嘅 Plaza de Maras .
之後黎到奧蘭太坦波廢墟（ Ruinas Ollantaytambo），
厘度係印加皇帝帕查庫提的皇家莊園，可以話係個小城鎮。
景區入口前，列必有紀念品攤檔。
仲有扮演角色嘅人物，供遊客影下相。
景區入口
環境真係唔錯架！
厘度原本係梯田，（吓！唔夠時間，怕趕唔切火車，要走
）
我地唯有要求俾少少時間，快步上去囉！
從上下望，有屋有路，甚至有廣場，整個莊園由四橫七縱嘅路交錯而建。
對面山有標誌性嘅人頭石
人頭石右旁係倉庫（據講係鹽倉）
求祈影幾張相，又要快步返落去。
厘度係水廟（Templo del Agua）
有幾隻駝羊，先影為快。
厘個就係水廟嘅泉口，影埋就走LU！
終於到左PeruRail - Machu Picchu Station嘅火車站
我地搭Perurail
火車票上有姓名同證件號，要對證件上車。
車站月台
火車到啦！
車務員製服好醒目，有D似空服員。
坐位枱面舖上民族色彩枱墊
車窗至頂部，弧度好大，方便觀景；車上有茶水點心招待（卦住食，無影到添，回程補番啦）。
到左Machu Picchu 火車站
當然行去酒店攞房先啦！
步經小市集，好多手工藝紀念品。
青蛙王子分類垃圾筒，幾趣緻吖！
我地沿溪流而上
到山頂廣場啦！厘度係酒店門口嘅廣場。
我地住宿嘅酒店
環境非常好
景觀一流 , 厘兩張係房間影出去嘅！
搞掂就出去行下，個天好快黑。
咦！D人排隊做咩？
（排隊買車票，聽朝上馬丘比丘嘛）
熱水鎮梗要有溫泉先不負虛名架！
（貴唔貴啫）自己睇下啦！
我地唔浸溫泉，走LU！周圍踱下，順便搵間餐廳醫肚。
而家淡季，唔算多人。
熱水鎮導覽圖，我地就住喺右上角，分岔河嘅左旁。
曼科·卡帕奇廣場（Plaza Manco Capac）
中央嘅立像梗係印加國王------曼科·卡帕奇
廣場旁嘅教堂
熱水鎮係去馬丘比丘必經之路，所以全部商店都做旅遊業相關服務，
唔係酒店、餐廳，就係紀念品商店。
厘架係上馬丘比丘嘅專車，而家當然停駛，明天請早啦！
原來有團友入左厘間餐廳，我地就趁熱鬧囉！
點知中伏，多數團友食到一肚氣，仲要按人頭收小費，經拗數後，叫做收順D。
D5 完
24/2 D6
Aguas Calientes > Machu Picchu(2430m) > Cusco (3400m)
Cusco - Costa De Sol Ramada
今早一覺醒來，房間外望 , 天氣預期嘅差。
房間下望廣場，一個人都無。
唔理啦！食左早餐先，鮮搾果汁係每朝之選。
臨走前，發現有D似橙，原來唔係橙（咁到底係咩呀？），我到而家都未知，有無師兄姐話我知呢？
等齊人07：00出發啦！區間巴士唔算擠迫，好快就有車。
大概40分鐘就到馬丘比丘入口 (落鬼咁大雨，無影到囉！)
發現馬丘比丘嘅紀念牌 （網上照片）
導遊話先帶我地去太陽門 （Sungate），佢話怕行完古城就唔夠時間喎！
由厘度睇，十足空中樓閣（仲要經常雲霧纏繞喎），仲唔係天空之城？
又係咁！行到邊都落雨大霧。
厘D金字頂屋係監察用嘅！據資料話係以原有嘅石牆修建番個頂啫！
行左一小段，團友們都打退堂鼓，要留番遊馬丘比丘古城區喎！最後連埋導遊得番五人行。
（其實佢地決定得啱嘅，導遊話45分鐘單程，結果我地來回要2.5小時，太趕啦！變成走馬看花。）
繼續前行，厘個唔知咩遺跡，喺山上嘅！
一路上望向古城，都係矇矓一片。
途中部份建築遺跡
雖然大霧，仲可以睇到山下嘅烏魯班巴河 （Urubamba River）同上山嘅之字路，
至於古城，只能認到背景嘅Huaynapicchu .
路旁嘅梯田非常陝峭
厘個遺跡估佢係個祭壇/神廟卦！
因為一直落雨，去到太陽門竟然無卡，費事換住，唔影，唯有上網借啦！
（網照，唉！人地咁好天
） 黎到厘度就原路回頭。
喺高處下望景區入口
天氣雖然稍好，仲係有雨。
返到落黎，仲係大霧瀰漫（話左係天空之城，梗要有D仙氣襯托啦
），唉！咁嘅款，無運行啦！
說時遲，那時快，一陣風吹過，嘩！清左好多，
本來諗住先上觀景台（咁就唔使走回頭路），家陣都係先入古城啦！
咪以為無人呀！
落一層睇下(淡季都咁多人？)
厘個大草地係主廣場
厘個時候，馬丘比丘古城都算睇哂！整個城居高臨下，
四周山崖峭壁，果時都未有飛機，肯定易守難攻啦！
四周山峰只若隱若現
我地隨人流沿大門（Main Gate）入去
整個古城一如石頭城
古城雖然建喺山頂，四面崖壁，但照樣可以開僻為梯田。
古城最高處有栓日石
栓日石類似日規嘅作用
栓日石腳下嘅大型建築，屬主神殿。
D石材特別大塊同光滑，手工非常講究。
主神殿一說係儲藏印加國王木乃伊嘅地方，另一說係祭祀嘅地方。
佢對面係祭司嘅活動空間 / 居所
三窗廟，當然亦係寺廟囉！睇下D石材特別講究。
想睇下群山都唔得
尖頂房屋後面有水鏡石盤
水鏡係當時觀天象嘅助器
人在古城中，就好似身在迷宮。
想睇清古城結構，都係俯瞰清楚D , 印加族可以喺咁險峭嘅地方起個咁完美嘅城 , 直令人嘆為觀止。
即使淡季，人流都唔少。
D霧又殺到啦！
山谷下嘅烏魯班巴河 （Urubamba River）
我地繼續向下行
咦！好似上山咁款嘅？按指示去鷹廟
有無搞錯，黎到先無電？
怕唔夠時間，參觀左就算，走LU！（橫掂上網借，梗係搵張好天氣架啦）
但橫睇豎睇，都好難想像係隻鷹囉！
繼續行過對面，參觀＜工作區＞，厘個建築群規劃得好整齊，又具規模 ,屬兩層高建築。
牆邊嘅＜榫＞都係石做嘅！
古城喺1911年先被發現，唔知有無大規模維修過呢？如果無，D石牆砌得咁穩固，犀利呀！
中間座半圓建築係太陽神殿
可以俯瞰烏魯班巴河嘅轉彎位
厘個時候，我地發覺仲有時間上去觀景台，無法啦！
要出番景區門口先得，唯有行快D啦！喂！
厘度弧形石邊係咩？
睇清楚，原來係水溝（係佢地嘅水道）
終於出番入口處，再上觀景台，人人都必黎厘度留影，但天氣馬馬，趕路為上啦！
其實之前完全無諗過上Huaypicchu , 咦！仲可以上喎！Inca Bridge？
我地沿路上山（已經行到氣咳）
（因為趕時間，無影相，又借網照啦 ! 等大家瞭解多D嘛！）
只見有堵木欄柵，推開直入，又有座類似更亭嘅建築。
工作人員要睇票，又要簽名 , 寫進入時間。（死蠢！點趕都應該影厘張相啦
）（好似以下網照咁 , 雖說限8：00＆10：00兩場，淡季唔太緊嘅！）
跟住就上山，行下諗下，我倆得番45分鐘就要集合，仲要預時間返落去，
都係返轉頭問清楚要幾耐先到啦！點知工作人員話來回兩個鐘喎！好囉！唔使諗，回頭啦！
又要再簽簿先可以離開（搵番自己進入時嘅簽到欄，填番離開時間）。
今次南美行前完全無時間做功課，搞到馬丘比丘之行多花時間同體力之餘，
又未能細賞（非常趕），有D遺憾囉！返黎上網睇番，
可以睇到厘條印加古道，其中一段仲係木橋添！(照片來自網上)
有力再上，可以俯瞰太陽門，整座馬丘比丘城，仲可以欣賞埋烏魯班巴河
（UrubambaRiver）嘅大轉灣，對我黎講，恐怕未必有體力行得哂啦！
返到落黎熱水鎮
沿途好多傳說/神話嘅石雕 , 我最喜歡厘座，訓身水面托住大地架！正！
繼續欣賞周圍嘅石雕像
仲有些少時間，食埋午餐先走仲得，厘間老實好多，D野好好食，仲送埋飲品添！
（山頂無咁就腳，再斬客就連生意都無埋架啦
）
又返黎火車站
厘架火車票價貴少少，基本係同樣嘅車箱，不過有表演睇。
今次記得影個茶點啦！
途經冰川
跟住表演開始啦！
有景有表演，仲邀遊客共舞，氣氛的確唔錯。
跟住仲有靚女表演時裝，可即場買架！
窗外美景，車內好氣氛，都唔知睇得邊樣，
好快就返到 Ollantaytambo嘅火車站，旅巴已經等緊我地返Cusco 啦！
D6 完
25/2 D7
Cusco City Tour
上午遊參觀Cusco近郊四大印加遺址 :
（Saqsaywaman，Q'enqo，Pukapukara，Tombomachay ）>
太陽神廟（Qorikancha）, 下午自由活動
Cusco - Costa De Sol Ramada
早餐後，先到就近嘅印加遺址Saqsaywaman
（有網友笑厘個讀音似Sexy woman喎，咁你實記得啦！）
厘度範圍好大，仲記唔記得之前講過有關Cusco嘅規劃係按PUMA黎設計架？
Saqsaywaman就係PUMA嘅頭部啦！
厘塊石柱係解說印加人如何利用水注入石縫，遇低溫結冰，把石塊逼開。
據資料，厘度唔係軍事要塞，亦唔係堡壘；
另一說係三座建築，其中兩座倉庫，一座神殿用以祭祀嘅！
而家只剩兩乘建築，屬於原有建築嘅三層基座。（從高位俯瞰會清楚D）
厘D基座，即使經歷地震都咁穩固，印加族人嘅建築技巧真令人驚嘆！
有D石頭比人仲要高
印加人鋪砌石牆功夫了得唔在講，據講牆上仲嵌有好多動物添！中間底部有隻駝羊
厘條唔知係咪蛇呢？（印加人以鷹、豹同蛇黎象徵天上、人間、地下）
（咁其他建築冧哂呀？咁渣嘅！）
果三座建築嘅石塊已經俾西班牙人拆左去起教堂啦！不過都冧哂LU！
睇完石砌基座，當然要登高遠望啦！
可能係淡季，遊客真係好少。
厘度仲可以俯瞰整個庫斯科
清楚睇到三層基座
咦！厘D唔知咩寶座呢？
厘D望落有D似神位，有D似梯級，都係原石雕鑿而成。
D野花都生長得好靚
厘個圓型建築好大，估計係表演場地。
整張全景先睇得哂
又有座小建築
遠處有座小型耶穌山喎！去LU！
上去可以清楚睇到整個盆地城市
厘座耶穌像十足巴西果座嘅迷你版
仲有射燈，應該有夜景啦！
山丘上仲有三座十字架，唔知係咪紀念某D西班牙傳教士呢？
停車場就喺附近，走LU！
跟住坐十零分鐘車程，黎到Q'enqo，遺址係個祭祀場所，亦有說厘度兼係古印加人嘅墓地。
區內非常多巨石，厘座巨石被鑿成洞窟，前面仲有隻美洲豹守護。
印加時期，厘隻美洲石豹係舖金嘅！而家被毀，已經面目全非囉！
進入景區後，導遊帶我地左穿右插。
旁邊嘅巨石
旺季唔知係咪限時參觀呢？一兩分鐘點夠呀！
）
裏面共有三個石台，第一個較矮同粗糙，似張床或椅嘅高度。
第二個較高，以巨大原石雕鑿，明顯光滑，厘個石台用作處理屍體內臟，
石台附有去水槽，以便清理血水。
第三個位於露天處，用作進一步處理屍體。
戶外小丘上嘅又係一個遺址(可能係祭壇)
導遊叫走啦（沿右邊離開）！
點知被團友發覺厘度有個俯瞰靚位，當然影下先啦！
圓形嘅大型建築係 Garcilaso de la Vega 體育館
走LU！
跟住由近而遠，到左印加時期嘅軍事要塞Pukapukara ，因為石色較紅，又稱紅堡。
厘個遺址較細
堡壘位處高地，能俯瞰Cusco valley 和 Tambomachay
俯瞰堡壘遺址
昔日城堡入口
目前保留嘅牆身中，有部份都幾高。
仲清楚睇到完美嘅榫位
雖然堆砌嘅石塊都同樣無用黏合劑
但使用嘅石塊工藝，明顯無Saqsaywaman遺址咁細緻。
第四個，我地黎到Tambomachay遺址，
景區雖然細，但夠熱鬧，無論小販或供拍照嘅駝羊都較多。
厘度係印加時期嘅浴場
溪水/溫泉水由高處經引水道流到下面嘅浴場
而家仲有不斷嘅泉水流出
上車返回Cusco市中心，向太陽神廟進發，途經 Plaza Limacpampa 。
紀念碑前面
紀念碑背面
再返市中心，最後參觀埋印加人最崇敬太陽神廟，厘座曾經舖滿黃金嘅神殿，
後來被西班牙人改建成教堂同修道院，經歷地震之後，原有建築就只剩番深啡色堵牆啦！
據講，印加時期，厘度嘅地板同牆身舖滿純金，外面嘅庭園亦有唔少黃金雕像，
後來末代印加王圖帕克·阿馬魯(Túpac Amaru)被西班牙人擄去，贖金都來自厘座神廟嘅黃金，
弊在最後都係俾西人撕票呢！
金星神殿
神殿間嘅窗戶成一直線，磚塊間無黏合劑，既穩固，又連紙張都插唔入石縫間，
且石塊被磨到好光滑，可見印加人精湛嘅建築技術。
印加時期，神廟的建築部件。
內庭園
庭園走廊牆上鑲滿畫作（禁對畫作拍照）
從上層看月亮神殿
門上嘅窿本來鑲有寶石，當陽光透過會產生彩色光線射入殿內。
厘度門框由多塊14角石堆砌而成（被封部份）
由二樓露台俯瞰整個後庭園
從印加時期保留至今嘅石牆
室內展廳嘅黃金浮雕，上面有印加人崇拜嘅日、月、星辰。。。
天花板嘅圖案，我估係不同方式表達嘅太陽卦！
整個上午，我地共參觀四個遺址同一座神廟，city tour就此解散。
我地穿過一條長街
黎到Plaza San Blas
廣場旁邊有座San Blas Temple（教堂），可惜入唔到呢！
其實南美嘅教堂就算入到，好多都禁影相嘅！
搞乜吊個假人咁。。。啫！
剛好有班小朋友準備表演，睇佢地嘅服飾，應該係印加民族歌/舞表演。
家長們當然要黎捧場啦！
廣場附近有好幾間博物館
廣場嘅街道牌全部都好靚
拖住隻駝羊就可以做生意啦！
喺Cusco古城厘度，唔怕搵唔到旅行社，無論大小街巷，
梗有一間喺左近，有時一條巷有四、五間。
又經過12角石條巷
手工藝紀念品中心 （我覺得買紀念品喺cusco最平）
今日天氣好，時間充足，再黎武器廣場影過。
可以慢慢影番幾張駁相
廣場日夜都咁熱鬧
今日咁早，可以上耶穌會教堂 (Templo de la Compañía de Jesús)
二樓欣賞武器廣場LU！
入去買飛LU！（10 S./）
買票嘅窗口喺個角落頭
教堂內禁影相，記憶中算金碧輝煌。( 網上照片 )
教堂內可以登上二樓（真係得條樓梯咁嘅空間咋）
共有兩隻窗，兩窗之間可通行，我地較好彩，無人，
有時見有4、5人企哂窗邊，咁就影得無咁爽啦！
左邊窗對得正D
再入旁邊嘅教堂，牆上嘅紀念碑唔知寫乜，Google老師好似話係紀念秘魯獨立150周年。
唔記得係咪唔准影相（教堂多數禁影），只影左個圓頂咋！
民間藝術博物館(Museo de Arte Popular)，可惜已經停止進入啦！只可入到內庭。
厘座小教堂而家改為售賣紀念品嘅商店
因為教堂陸續關門，我地都係隨便逛下庫斯科武器廣場四周。
Plazoleta Espinar
擺拍嘅扮演角色當然唔少得，佢扮緊印加國王卦！
厘D藍色窗台好有味道
始終都係無時間入歷史文化博物館
Museo Municipal De Arte Contemporáneo 前面嘅係 Plaza Regocijo
原來我地住嘅酒店後門有個小廣場，D雕塑幾靚。
周圍踱下，諗住搵間餐廳醫肚。
咦！厘條巷好長好靚！
見有餐廳招牌，剛有外國團入去，我地又跟埋入去LU！
庭園式設計，環境好好。
咁好環境，竟然收費便宜，好奇問佢地有無其他收費啦！佢話完全無喎！
當然試啦！唔好食都算啦！點知出乎意料，D野新鮮熱辣。
紅色果兜唔係蕃茄，係辣紅椒，好正！成個檸檬俾哂你，自己搞埋杯檸樂仲得呀！
想食湯飯/麵好多日，厘碗足料靚湯又大又熱，啱哂自製泡飯。（咁搞法，廚師可能俾我激死
）味道唔錯，每晚20：00仲有Rock musice，不另收費，係我倆全程最抵食嘅一餐。
之前太匆忙，今次睇清楚，地上嘅美洲豹標誌喺Hatunrumiyoc Street，
對住Museo de Arte Religioso 。
蕩下影下，行到攰，返酒店休息一陣
晚餐試食烤天竺鼠，有D似雞肉，但無雞咁好肉，紅色嘅唔係蕃茄，
係非常辣嘅辣椒，唔食得辣嘅小心中椒呀！
（喺Cusco食烤天竺鼠比Lima平好多）
D7 完
26/2 D8
Cusco> Puno (包午餐)
旅遊大巴併團,車行7小時至Puno,沿途有4景點
(San Pedro Andahuaylillas古教堂>
TempleInka de Raqchi >
AbraLa Raya Pass > Museum of Pukara)
Puno - Sonesta Posadas del Inca
早餐後，要離開Cusco啦！今早我地會由CuscoPxxu旅行社安排拼大巴團，
早上07：00出發，17：00到Puno，途中還停四個景點參觀及午餐，個人就非常滿意啦！
因為由旅社包辦，團費已包在內（無留意車票有無寫費用添），想知自己上網啦！
http://www.wonderperuexpedition.com/en/bus-turistico-cusco-puno.php
巴士團票
出發前每人派張卡做識認
舒適嘅旅遊巴
因為天氣唔好，又唔開得窗，途中相片雖然影得差，不過都分享下途中所見啦！
山上都係平民住所，能夠修建條長階梯，真係造福人群呀！（藍色部份是修建中的階梯）
入小鎮嘅橋
田野廣闊，只得一兩間屋。
唔使一個鐘就到首個景點：
San Pedro Andahuaylillas古教堂，已經有幾架旅巴到左。
小廣場上有民族手工藝品攤檔
附近仲有個古老噴泉
從門票睇黎，係三景點聯票，自己去嘅，可以睇哂三間，但此團無時間，只睇一座教堂。
San Pedro Andahuaylillas古教堂
大門上同天花畫滿濕壁畫
門外嘅三座十字架
又係嚴禁拍照，唯有又借幾張網照啦！（鬼咩！無得影，連我都印象模糊囉
）以下四張屬網照
據講係南美最古老嘅管風琴
牆上壁畫
好彩教堂派番隻碟送俾每位遊客（但我LOAD唔到呀
）
出左教堂，仲有個售賣部。
厘度可以影啦卦，正想影幾張postcard啫！已經俾人叫住咪影，無計！
外面有多座雕塑，頗有印加味道。
肯定厘度空氣好好，樹上長滿類似空氣草嘅植物。
參觀完上車LU！竟然仲有茶水招待。
經常見田野間嘅房屋，外牆畫上厘位仁兄，估佢係秘魯人心目中嘅英雄卦！
又係佢地
天氣好番好多，景色都靚D。
一小時左右，我地又到左第二個景點：
Temple Inka de Raqchi
景點前列必有個小廣場（佢地多數叫武器廣場）售賣紀念品
講到武器廣場嘅名稱由來都有D歷史性嘅！十八、九世紀時，盜匪偷搶打殺猖獗，居民要設法自救，就以教堂打亂鐘為訊號，立即手持家中武器，齊集廣場抗敵，久而久之，教堂前嘅廣場除方便崇拜活動，亦成緊急召集點，居民為安全計，都相繼搬到教堂附近，形成以教堂及武器廣場為中心嘅村鎮。
景點門票
牆壁上厘幅圖係以神廟嘅牆同對面嘅西班牙人興建嘅教堂作主體。
導覽圖
遺址對面嘅教堂，就係用拆毀神廟嘅石頭黎建造。
離遠望神廟嘅主牆已經好宏偉
厘個印加遺址可觀性好高，雖被西班牙人摧毀，只剩番堵牆同一D小型建築，仍見宏偉建築，
佢係印加人敬拜Wiracocha（創造萬物嘅神）嘅神廟。
據講，從神廟窗戶射入嘅陽光，可以估測節氣，指示耕作時機。
主牆兩旁排列整齊嘅圓墩係當年嘅支柱基座
神廟成金字頂建築，厘位係導遊 , 圖言並解，唔識聽，睇都明喎！
其實整個遺址分為12個區，當中分有神廟、祭祠、祭司居所、平民居所、倉庫。。。等，當然我地無睇得咁細緻啦！
由導遊俾我地睇嘅俯瞰圖，清楚睇到神廟、祭祠區、倉庫同其他活動區域。
前面圓椎頂嘅係倉庫區，主要係儲存糧食，所以建築非常穩固。
繼續前行，一路上都係有系統而堅固嘅石頭建築。
厘個倉庫頂當然係修建架啦！只為俾遊客更瞭解實際情況，門口唔大，僅通一人。
裏面好黑，石牆好穩固，無樑無柱，面積頗大。
經過修輯嘅更係企理好多啦！厘D未經修輯嘅，都可見當年係非常穩固嘅建築。
直至現在，仲清楚睇到山丘上興建嘅防禦性城牆。
途經工藝品店
民居小屋同商店
從厘幅導覽圖睇黎，Raqchi景點分佈甚廣。
走LU！
參觀完兩個景點，係時候食午飯啦（包餐）！餐廳唔算豪華，不過景觀開揚。
門前就係公路
食物種類唔算好多，但夠食，尤其個湯，好正！
食完午飯，又向第三個景點進發，大概一小時到達，可遠眺Chicoma Mt 。
山谷中間歇出現小村落，環境優美。
佢地同其他荒漠地區一樣，經常會喺屋旁種植高大樹木遮風擋雪。
途經Sicuani 小鎮
Urubamba River
今日係星期日，幾乎係四望無人。
離開小鎮後，車外景色越黎越靚，山景雄偉。
通過公路收費站
山間雲霧飄渺
已經到左安第斯山脈嘅Abra La Raya Pass，海拔4335米。
哈哈！咁靚嘅意境，竟然攞個收費廁所黎做前景，係咪有D過份呢！（實際環境真係咁嘛！
）
雖然我地到阿布拉拉亞山口落緊毛毛雨，小販仍努力咁推銷。
喺阿布拉拉亞山口只停留約15分鐘，又繼續前進。
天氣唔好，仍難掩車外美景。
墓地充滿靈氣
遠處應該落緊大雨
途中間中有油菜花田
山下嘅就係 Pukara 小鎮啦！
見唔見到座教堂呀？我地就係要去果度啦！
又黎到最後嘅景點 （收費洗手間?），都要幫襯下嘅！
手工藝品當然不缺啦！
厘隻神牛叫 torito de pucara，係厘度嘅吉祥獸同守護神 , 無論屋頂或牆上，都有佢踨影。
一般都係陶製品
就算教堂門前，難免都要擺返隻作鎮壓。
Templo Santa Isabel 古教堂已經有250年歷史，係秘魯嘅國家文化遺產，可惜唔開放。
我地行程目標係厘間（咩黎架），個入口好細，咪係我地最後一個景點 Museum of Pukara 囉！
導遊再三叮囑唔准影相，無計！其實博物館內唔算大，幾個廳，陳列印加族人嘅生活用品及武器發展。
印加王肖像
露天部份都有少許展品，可以影相。
厘個應該係灶
參觀完再去返座古教堂外圍影下相，就喺正博物館對面。
外牆大緻保存得幾好
教堂庭園養左兩隻綿羊，成個毛球咁，好可愛。
Templo Santa Isabel 旁仲有座 Iglesia de Pukara
都係唔開放嘅
參觀完Museum of Pukara ，我地就直奔Puno，沿途風光明媚，天氣亦稍好。
途經Juliaca，唔知係咪因為星期日關係，鎮內好靜。
終於見到些少人氣啦！
佢地似乎等待演出
厘度嘅的士係咪好可愛呢？好多顏色架！
下面沿湖嘅市鎮就係Puno，差不多到啦！
Puno市容
星期日，店舖多數關門，街道顯得冷清。
厘間傢俬舖有開門營業，而且擺哂出街賣，睇D傢俬似係中國製（仲係舊款果隻）。
厘度都係咁靜
應該係個碼頭
周圍無人，最啱小朋友揸佢架私家車遊車河啦！
玩左成日，要同導遊講再見啦！
到達Terminal Terrestre Puno 嘅停車場
團友都執拾所有落車離開
車站大樓
大樓內有各種旅行社
黎到Puno，旅巴已經等緊我地，好快就到左今晚住宿嘅酒店，我地就係坐厘架白色車。
酒店同房間都唔錯
位處的的喀喀湖邊，景觀一流。
D8 完
27/2 D9
Puno > Taquile Island > Lake Titicaca (包午餐)
Puno - Sonesta Posadas del Inca
厘間酒店環境好好，於是清早就起身，睇下有無機會睇日出啦！
點知天氣都係好差，唯有去餐廳坐下，欣賞美景。
揀左個窗口位
出面花園佈置到好似浮島咁
出面草地有多隻鼠類動物，樣貌唔算可愛，亦唔驚人（我最怕鼠架
），搞到我都唔係好敢出去。
早餐後，乘旅巴到碼頭上船。
厘程先去Taquile Island，仲係落雨，所以乘客都乖乖坐喺船倉，玻璃窗都矇哂，當然影唔到相啦！
船上有導遊講解
船行1小時45分，抵達Puerto de Taquile 碼頭，上岸LU！
一上岸就見到座三人頭嘅拱門
島上無車，不過D路建得唔錯，就算落雨都好好行。
而且沿路景色唔錯
步行40分鐘左右，到Plaza de Taquile。
廣場入口有座鐘樓
白色厘座係教堂，旁邊橙色果座有樓梯直達天台，可俯瞰整個廣場。
廣場旁仲有間無營業嘅餐廳，地上嘅圖案極具印加色彩。
Taquile Island 與世界各地距離嘅標誌
喺廣場入口對面，有座四人頭嘅十字架拱門，可通往村內民居。
喺西班牙人入侵後，Taquile Island曾用作監獄，厘D四人頭、三人頭嘅拱門 ,
係分隔犯人嘅區域標誌，1970年代，西人交還此島俾原居民。
街道上嘅小販攤檔，有賣食嘅著嘅同用嘅。
島上民居
居民圈養嘅羊隻，仲有田間嘅紫粟米。
喺廣場逗留一輪，繼續步向山上，厘度嘅居民，自耕自足，環境真係有D似世外桃源，據網上資料 : 島上居民嘅經濟係實行公社制（類似共產），例如旅行團到訪，由中央分配到各單位，盡量令島民經濟收益平均。
我地繞島而行，的的喀喀湖風光，盡入眼簾。
島上嘅路開僻得唔錯，山坡被僻作梯田。
繼續前行往餐廳
前面有度欄柵，入嘅時候覺得無乜特別，但望番轉頭，真係服左D居民廢物利用，
波鞋底做門骹，既環保，又耐用，抵讚！
到餐廳啦！
餐廳由間小屋改建，最讚嘅係屋前嘅大玻璃窗（開得就好啦）。
服務員都穿著民族服
我地得12人，可以全部坐哂對湖位置，實行美景餸飯。
好快有得食，先黎個薯蓉湯，仲有個熱辣辣嘅飽類，四人一大窩，飲都飲唔哂。
個湯足料好味
其實飲湯食飽已經半飽，厘碟飯多數人都食唔哂，厘餐新鮮熱辣，好味之餘，仲要睇埋張枱布喎！（當然係佢地人手織架啦）佢地嘅紡織工藝，已被列為非物質文化遺產。
我地黎得早，可以坐屋內避雨，如果天氣好，當然坐室外較好啦！
飯後，餐廳員工變身表演者，表演一場簡單民族舞，內容都係環繞農耕紡織等為主題。
最後仲與眾同樂，你睇團友玩得幾開心。
食飽玩完，走LU！厘個時候先放晴！都好，下個行程多係露天嘅！
繼續出發啦！
欣賞下藍天白雲嘅的的喀喀湖！
到碼頭上番船，再向另一景點 Uros Islands（蘆葦浮島）出發。
Taquile Island 嘅另一面
睇見厘D藍天白雲，無邊水域 ，清風送爽，係人都心曠神怡啦！
講到的的喀喀湖，面積有8290平方公里，係香港七倍有多。
湖面開始越黎越多蘆葦草，有D仲係水鳥巢穴。
厘度明顯係蘆葦間嘅航道，天氣晴朗，大家都走上船頂影相觀景啦！
見到啦！喺的的喀喀湖上有幾十個浮島，據講已有千年歷史，原住民屬烏魯族，為躲避印加族人，於是以蘆葦建浮島而居，隨水漂流，與世隔絕，
而家已經用錨固定浮島，雖然而家已經頗商業化，但仍好有特色。
厘D建喺水上嘅，估計係民宿。
越黎越多浮島 , 島上仲有瞭望台添！
秘魯婦女嘅傳統服，強調下圍闊大，甚至有D裙內多幾層，咁先靚架！
浮島居民，多用太陽能板。
喺電視睇過厘種船，而家有機會試下啦！（哈哈！當我一見到隻船，就聯想到孔明嘅草船借箭，用厘艘都應該得喎！）
我地將會上厘個島，因為島上仲有遊客，於是我地就喺船邊影邊等。
終於可以＜上岸＞，第一腳踩落島上，真係有種＜浮 ＞嘅感覺，
咪就係踩落幾尺蘆葦上面咁，軟冧冧，又唔平囉！
如果有老人家就要扶穩佢啦！行兩步就習慣，都幾舒服架！
主人家邀請我地坐喺<看台>睇講解（唔識聽喎）唔使識聽，睇就明啦！
島主先拎開地上一塊板
原來有個窿喎！
佢將綁住石頭嘅繩放落去，直至到底，再扯上黎，
目的係俾我地知道浮島離水底有幾深（大概十幾廿尺啦）。
跟住再示範點樣搭浮島，仲話經常要採集新鮮蘆葦返黎，取代舊蘆葦。
搭好浮島後，再喺上面起屋，間屋當然都係蘆葦建造啦！
煮食要生火喎！容乜易成個島燒左架！
所以先要放塊石喺地上，然後再放個灶，咁就安全好多啦！
厘個係真實版嘅灶頭
灶頭通常放喺近水地方，安全D嘛！
加埋艘蘆葦船，有左交通工具，一家人就可以開心過活啦！
近水食水，平時梗係攞魚食啦！食唔哂就晒魚乾。
有魚，仲要有菜先得架！有，厘度咪係囉！當然係迷你版，而家佢地上街買餸啦！
既然都已登堂，唔差在入埋室啦！佢地嘅睡房，睇黎係全家蓆地而睡，
日頭將部份床舖捲起，屋頂仲拉左燈喉，可裝兩盞燈泡，唔差喎！
參觀完，幾位女仕唱歌表演。
之後又係購物時段啦！雖然佢地話係自家手工藝，但好似個個島都賣同樣嘅野。
（未坐艘蘆葦船喎）唔使急，梗招呼你嘅！每人 S/.10 ，上船LU！
哈哈！漏底個細嘅添！（媽咪！哥哥！等埋我呀）
島主三位可愛嘅兒女，亦為我地高歌一曲。
去程時，島主夫婦用人手撐船，都幾辛苦。
湖上浮島眾多，結構大同小異。
遊覽船穿梭湖上
我地坐嘅蘆葦船終於停靠喺另一個島旁，我地又上＜岸＞啦！
厘個島較大，有餐廳，且頗具規模。
當然唔少得紀念品攤檔啦！
送左我地上島後，隻草船就駛離個島，吓！咁醒，用馬達推艘草船返去呀！
其實佢地實際出入都靠馬達舢舨
我地就上返艘遊覽船回程LU！沿途都有好多大小浮島。
咁多間草屋，又咁集中，唔知會唔會係民宿呢？
企高D，望遠D，招覽生意都易D嘛！
離開D浮島，仍見大片蘆葦草叢。
環境真係舒服，景色怡人。
好在下午天晴啫！可以欣賞得盡興D。
厘帶唔知係咪有好多水藻呢？泛起嘅浪都帶綠色。
沿途景色
右邊隻船就係採集新鮮蘆葦返去作修補啦！
個湖咁大，返去碼頭都要45分鐘。
終於到達碼頭
我諗旺季時，厘度嘅遊覽船都出哂去LU！
一上碼頭有個兒童遊樂場
水上單車
廣場上仲有座燈塔
道路兩旁全係食肆同紀念品商店，可以想像旺季時厘度嘅人流。
廣場大招牌
碼頭旁有即時購票遊湖嘅售票亭
要遊小鎮亦有好多選擇，除左步行，仲可以有三輪車，迷你的士同三腳雞。
不過我地玩左成日，旅巴已經等緊我地返酒店LU！
D9 完
28/2 D10
Puno > Bolivia - Copacabana > Capital – La Paz (3600m)
LaPaz - Hotel Rosario
此行第十天，秘魯之行已到尾聲，今日準備過境到玻利維亞，
玻國之旅由Le Torxx旅行社接待。
早餐後，玻利維亞的導遊同旅巴已在酒店大堂接我地（過境接團），
整個南美行程，要數玻國嘅安排最周到啦！值得一讚！http://n2.hk/d/images/smilies/default/smile_o12.gif
（唔信！）睇落去咪知囉！
厘架係玩玻國旅社派黎嘅旅巴，使唔使扮成咁呀！似喜慶車多D喎！
（真係身在福中不知，有得周圍去，仲唔算喜慶? 合格啦！)
今日天氣都係馬馬，沿途都係田野景色。
厘個墓地色彩豐富，特別多用藍色，唔知有無意思呢？
間中見到大片油菜花田
好開闊嘅農村風景
途經Coliseo Cerrado Juli小鎮，圓形巨型建築係當地嘅體育館。
小鎮背山面湖
途中又見湖中築有魚排，規模唔算太小。
黎到 Pomata小鎮，我地喺 Pomata嘅武器廣場稍事休息。
Iglesia de Santiago Apóstol Pomata係一座三百多年嘅古老教堂
之後，我地到左秘魯邊境嘅離境大堂，辦理離境手續。
離境辦工廳有幾個窗口，辦工嘅只有兩個，似舊式銀行多過似離境大堂。
向街嘅玻璃貼滿旅行社徽章
辦好離境手續，我地就步行過境。
再見啦！秘魯！
佢地真體貼，整個咁靚嘅字樣俾遊客留影，仲顧及埋背景添！
據講，厘座教堂係玻利維亞舊有嘅入境大樓。
而家唔關事，當然要直行啦！
到啦！厘座就係玻國嘅入境大樓。
入去填表交表後，攞番張出境紙留番離境時用（千祈咪掉左）。
黎張大合照先（玻國網上簽證預先填表及領取等手續，已在之前交代過）
繼續上番車，前往Isla del Sol （太陽島），途經一座建築，以為係廟，番黎睇先知係墓地。
玻國婦女傳統服同秘魯幾相似。
厘度嘅Puerto de Copacabana碼頭設備比較簡陋
乘船到太陽島
每個坐位配有一件救生衣，有事唔使發矛周圍搵，感覺係咪安全D呢？
船上有導遊講解
的的喀喀湖橫跨秘魯同玻利維亞，有七個幾香港咁大，雖然已經離開左秘魯，但仍喺的的喀喀湖。
大概一小時航程，上岸LU！（有太陽島，咁有無月亮島呀？）有！呢！好遠，平平地果個就係啦！
我地由碼頭拾級而上
十零分鐘到餐廳 (Inca Sama)，厘度仲有得住嘅添！
近岸嘅圓形小島 Isla Chelleca （唓！一落船就見到啦
）, 厘度高D影靚D嘛！
餐廳位置好好，睇哂整個湖景，未有得食，當然出去影下相啦！
仲可以俯瞰碼頭欣賞嶙峋嘅崖岸
咦！有艘仿古帆船喎！
原來係草船改裝，效果唔錯，有諗頭呀！
有野食囉喎！冚密嘅？係咩呢？大家好奇都用手摸下，好熱 , 辣手，好似有粟米喎！
bingo！中左！一樣咋 ! 裏麵包左豐富主糧，應該係蒸熟嘅，非常健康。
餸菜方面全部係炸物，有雞、魚同蔬菜（食完仲有得添喎），新鮮好味，正！
厘餐大家都食得好開心
飯後周圍行下
餐廳附近有座印加色彩嘅太陽神廟，分別有鷹殿、美洲豹殿同蛇殿（代表天、地面、地下）。
神殿內
牆上龕位用作供奉神祇
神廟外有婦女售賣手工藝品
參觀完，坐船返Puerto de Copacabana 碼頭。
再坐車向世界最高嘅首都La Paz出發
Copacabana
仍然係的的喀喀湖
到 Tiquina 仲要人車分開渡河 , Tiquina 嘅碼頭廣場。
售票亭
厘D木船專載車輛渡河
輪到我地架車上船啦！不過我地仲等上船喎！
終於到我地上船啦！
同船仲有好多當地人，佢地三家大小出黎玩，D小朋友好乖，好可愛，團友同小朋友玩得鬼咁開心。
厘位船伕睇黎年紀好大，不過佢好專業咁專心駕駛。
到左對岸LU！
佢地面上流露嘅快樂係由心而發
一上岸就聽到愉快響亮嘅音樂聲，由頂樓發出，梗係有喜慶啦！
我地又上番架車，直奔La paz啦！沿途風光明媚。
厘段咪瞓覺喎！可以欣賞到安第斯山脈嘅部份雪峰架。
當雪峰漸漸遠離我地，La Paz就越黎越近啦！
好靚嘅田野
終於抵達酒店，咦！唔通治安馬馬，同利馬、庫斯科一樣，又係落哂閘嘅！
酒店大堂
雖然要行樓梯，但內庭設計幾特色。
最喜歡床頭嘅手工布藝，一邊日，一邊月，好有心思。
D10 完
1/3 D11
La Paz City Tour (Mirador Killi Killi , Plaza Murillo ,
Calle Melchor Jimenez , 乘索道俯瞰La Paz) >
Valle de la Luna (月亮谷) > Dinner Show
La Paz - Hotel Rosario
去餐廳食早餐LU！
你睇！每樣食物都有個可愛民族公仔托住，令人引起童心。
連茶包都唔例外
玻國人好喜歡用彩色汽球作裝飾，酒店大堂都用上。
酒店大堂仲有咖啡、茶招待，住客可以隨便享用。
為安全計，酒店大門24小時都鎖上。
食完早餐，出門口行下，出酒店右邊有提款機，左邊係教堂。
不過太早，教堂未開放。
酒店對面嘅店舖仲未開，應該有間角色裝扮店。
我估厘D係佢地嘅巴士卦！
厘種係minibus，車款較多類型，大概由七座位至九座位改裝。
出發LU！
途經街景，有窗阻隔，梗係無咁清架啦！
有間中國餐館喎！
La Paz嘅街頭巷尾，經常見有旅行社，好方便。
嘻嘻！我唔識字，厘間咁肆正，似政府機構，唔知係咪人口註冊處之類呢！
終於到左今日首個景點 Mirador Killi Killi嘅觀景台
講起厘個紀念碑，返黎先知原來係黑白兩面，因為我影兩張都係黑色嘅！
點知我個蝦子餅影兩張都係白色喎！
嘩！又話玻利維亞係發展中國家，半山區同山頂住滿人喎！
（你咪傻啦 ! 由於交通同設施不足，富人多住平地，草根咪要住山頂囉！）
拉近睇下，平地除左商業大廈、教堂、政府建築，只有富人先住得起啦！
厘座應該係運動場
厘座好似元寶嘅建築，係Piscina olímpica de Alto Obrajes（奧林匹克游泳池）。
厘個山城都伸延到幾遠下
咦！做乜果處山體無人住嘅？
原來係山崖形成嘅小峽谷
厘度嘅夜景一定好靚啫
，可惜我地無緣睹風彩吖！
其實厘座山城嘅靠山景觀真係幾靚架！唔怪之得整個觀景台喺度啦！走LU！
今個早上，行程好豐富，又黎到La Paz 嘅主要廣場 Plaza Murillo .
較矚目嘅要算國會大廈 （National Congress of Bolivia）
大廈旁係政府宮 （Government Palace）
佢門口有士兵站崗，好醒神，仲任影唔嬲添！
跟住又到教堂
側門又有士兵把守，都係可以影相。
大門浮雕根據聖經故事而做。
南美嘅教堂絕多唔准影相，咁少人，影一兩張啦！
國立考古博物館（Museo Nacional de Arqueología）
好喜歡個角位嘅設計
玻國婦女服飾對裙擺嘅設計真係幾誇張，佢地覺得好靚架！
跟住我地又黎到 Calle Melchor Jimenez(巫師街)，厘度店舖賣嘅野，真係令我大開眼界，幾有趣架！
成條街都係巫術店
不過都要作出警告，以下照片，可能會引起部份人嘅不安，小心！！
掛喺門口嘅可能係駝羊乾 / 駝羊嘅胎乾
厘D應該唔係標本，而係成隻晒乾。
磁石公仔貼
其實巫術店好似百貨店一樣，貨物種類繁多，食嘅、用嘅、著嘅、玩嘅、拜嘅。。。唔止應有盡有，係應無都有呀！
厘D包裝裏面其實似中藥材，我諗要黎煲 / 浸酒之類卦！
厘D公仔，令我聯想到財神囉！
都係同宗教有關嘅物品
似係用黎燒 / 燻嘅爐
厘D係 mate (馬黛)茶杯，喺南美頗為流行，將馬黛茶葉放滿茶杯，用個帶篩嘅吸管飲用，
佢地會一杯輪流飲用 ; 厘度嘅款式較普通，其實厘類杯嘅物料非常多元化，且手工精美。
民族樂器
民族服飾店
厘D鞋好富民族色彩，佢地話係人手造，問過對短靴要三百幾。
玻國人同樣喜愛塗鴉藝術，可能喺旅遊區，題材以民族為主。
繼續逛街
行下行下，見一男一女警察好型，問下可唔可以影張相啦！點知佢肯喎！佢地係咪好英呢？
逛完巫術街，又上番車，去搭吊車LU！
玻利維亞嘅索道總長有成11公里，橫跨La Paz & El Alto兩區，
分紅、黃、綠、藍四線（官網嘅預計日期藍線係開左，但我唔多覺呀），
係目前世界數一數二最長。
我地由Suphu Kachi （Sopocachi）站上車，未曾入閘 , 正舉起相機影吓個站啫！
都俾工作人員阻止，話唔准影相喎！（最多咪行遠D，zoom埋去囉！）
上樓梯無人，可以影啦！
上左吊車，無人阻止啦卦！
其實同之前喺 Mirador Killi Killi 觀景台睇嘅差不多，
不過坐吊車當然角度多D，範圍闊好多啦！
睇下個錶，高度係海拔3985
天氣馬馬，遠處都係濛濛地
下面經過間軍事機構
佢地嘅徽章
屋頂都有圖案
Puente Libertad （Puente Unión）厘座橋好長
又落車轉乘綠線囉！
厘座就係似元寶嘅 Piscina olímpica de Alto Obrajes（奧林匹克游泳池）
游泳館正面
我地喺綠線嘅 Irpawi (Irpavi) 出站
今早行程好充實，眨眼已到午餐時間，厘間餐廳唔錯。
我大鄉里未見過，個水嚨頭幾棧鬼，所以影下佢囉！
我地一個食雞，一個食魚。
餐後又上車，途中當然睇下街景啦！
到左 Valle de la Luna (月亮谷)
門口有隻具代表性嘅<鐵>泥馬
紀念品商店
因被風沙長期侵蝕嘅地貌非常獨特
範圍都幾大
突然耳邊響起類似嘅笛聲，沿樂聲望去，個畫面係咁嘅！厘位大叔身手好敏捷喎！
吹奏聲一停，佢仲擺個飛鷹姿勢，吸睛指數爆燈啦！
佢落番黎，唔少＜仰慕者＞搵佢合照添！
繼續沿棧道周圍行
月亮谷地形靚都算啦！仲要有座彩色山做背景，都算得天獨厚囉！
厘個景點，好多Day Tour都到，門口已經有架巴士等緊（我地都走LU）。
玩完月亮谷，我地先返酒店 , 途中喺 Plaza Abaroa 稍息一陣。
咦！D人排長龍，做咩呢？
哦！買餅！！（好奇咩！我地都排隊買燒肉、買餅。。。啦
）唔係奇，係好奇有幾好食，想試下嘛！
厘間商店嘅窗廚，喺厘度都算潮架啦！
經過市場，遠處係平民區。
民居中嘅廣場花園仔
好多厘類嘅扮野商店，類似厘個小丑造型，今晚嘅表演都會見到。
返酒店梳洗休息後，又係晚飯時候啦！由酒店行幾分鐘就到 Resturtant Peña Huari ，今晚係半自助晚餐連表演。
餐廳嘅佈置，對小朋友而言，可能有D嚇人
，牆上壁畫以鬼神嘅神話傳說人物為主題。
燭光晚餐
我地係最早到嘅一團，座位正D，對正舞台。
厘兩枱韓國遊客就無咁好彩，坐舞台橫邊。
飾櫃內陳設
個酒吧櫃鬼咁光，喺當時環境，真係有D燦眼。
主菜都係豬牛雞任揀啦！
表演開始啦！都係民族樂器演奏、神話傳說嘅舞蹈等。
間中仲邀請埋嘉賓共舞同樂
走LU！
D11 完
我地又出發啦！
2/3 D12
La Paz > 08:10 flight > Uyuni >
火車墳場 (Cementeriode Trenes) >
Colchani(午餐) > Salt Flat (3650m)
Salt Flat - Hotel Luna Salada(包午、晚餐)
厘日係我地每個人最期待嘅行程，唔知去到鹽湖，天氣就唔就呢？
雖然有幾日逗留啫！一個唔好彩，老遠去到遇著貴人，咁就（塊鏡泡湯囉！）
以為倒塔咁早，實無早餐食啦！點知樣樣齊全喎！速食速去機場，出發啦！
我地搭08:10班機去Uyuni
我地嘅行理排哂隊，好彩又俾我地做團體check in，好快搞掂。
又落雨，好呀！而家盡情落啦！去到鹽湖，求求老天爺俾幾日好日子啦！
飛越上空時見山 / 沙漠為多
大概一小時機程，咁嘅陣容，睇怕到啦！
落左機，唔該請移玉步，自己行入出境大堂啦！
大樓比想像中靚喎！
出門口等車Lu !
我地喺Uyuni係12人分坐4部車，每三個人一部四驅（一天團通常坐6-7位），
所以我地每人都有窗口位，且有足夠空間放相機，超正啦！
吓！唔係卦！一出左機場就咁環境
，簡直兩個世界呀！水上行車，會唔會拋錨架？
遠處果座就係機場大樓啦！
途經所見
整個鎮周圍都成澤國
厘個球場可以改為水球場囉！唔通咁就算係天空之鏡預演
行行下，水浸情況又好D囉！不過路面好差，不停加送按摩。
終於可以擺脫D水氹啦！
到啦！到啦！
得幾個爛架就叫做火車墳場？
（咪心急住！睇埋去先再講啦！）
係喎！咁都似列火車吖！
呵呵！雖然好殘，勝在搶眼嘛！嗱！咪問我厘D係邊類型火車呀！
（係都搵火車友解答啦！
）
雖然天氣仍然馬馬，無雨已經好感恩囉！
何況仲有些少藍天呢！
落完雨雖然泥地會污糟D，影相有倒影又係一得喎！
厘度真係幾多棄置火車，如果有名堂同來歷介紹牌就好啦！
（我建議再多D塗鴉仲正喎！一來D油漆起保護，襟擺D，二來影相靚D嘛！）
總之厘個景點唔錯啦！你下次黎，記得帶噴漆囉喎！
參觀完火車墳場，我地又遊車河LU！（去邊呀？
）去食飯囉！沿途經過市集
兩架四驅候命，佢地梗係準備上車出發啦！
厘個鎮都幾熱愛雕塑藝術喎！厘座睇怕叫做乜乜英雄紀念碑之類啦！
厘個女鐵金剛會唔會嚇親小朋友呢！
厘架道軌車仔好趣緻
漸漸就離開Uyuni
司機突然停車，口中講住西班牙語，指向路邊，呵呵，我地個個都明白呀！
嘩！野生駝羊，正！喂！咪走呀！乖啦！俾我地影幾張相呀吓！
嗱嗱淋換支鏡，趕得切 ！D毛色比飼養嘅靚得多。
經過公路收費站
開始入Colchani小鎮 (強調小，因為真係好細咋)
黎到 Colchani小鎮中心，小鎮雖小，不過好特色。
真好，可愛嘅藍天白雲，晏D鹽湖美景有望囉！
專做遊客生意，當然唔少紀念品店啦！
好多鹽做嘅飾物同產品
厘度嘅屋，九乘都用鹽磚砌成，厘座當然唔例外啦！
厘間博物館可免費參觀，寫住唔准影相，但又無乜人理。
館內展品
吓！我地今晚住厘度呀？
睇下先，厘個係客飯廳。
D枱凳全部用鹽磚砌架！
廳嘅兩邊都有房門
裏面有雙人房
亦有單人房，一眼睇哂，好簡單，天花只有一個燈泡，無浴室嘅。
（你地住厘度呀？又話你地嘅玻國團唔錯嘅！）
當然唔係入住啦！原來厘間旅館可以出租地方同廚房俾D團，我地嘅旅社帶埋食材、廚具，
仲有兩位廚娘，實行就地炮製午餐俾我地食；其實仲有各款飲品嘅，不過我掛住食，無再影啫！
食完飯又繼續行程啦！經過晒鹽場。
厘D鹽雕，估佢先用鹽磚堆砌，再細緻雕刻。
旁邊直立嘅圓柱體，其實係仙人掌。
離開 Colchani小鎮，往酒店途中，仲欣賞到遠處雪峰。
沿途唔係荒漠，就係沙漠。
嘩！使唔使咁擠擁呀！泊滿哂車，我地嘅司機立即將車頂嘅行理，逐一搬入酒店大堂。
大堂已經坐滿哂人，有排先輪到我地。
出去行下先，由窗口望入去，係酒吧，不過無營業，可能要夜D先開。
中間條柱用鹽磚疊成
導遊搵我地啦！原來係派水鞋，全新嘅！當我地報團付款後，旅行社會問我地尺碼，幫我地準備哂。
（唔著得唔得架）得呀！我見有遊客赤腳架！
搞掂上房，間房嘅牆壁、床、床頭櫃、枱腳。。。全部用鹽磚砌嘅！
唔好意思，攞房時忘記影，結果咪亂七八糟囉！（咁都好過無啦！
）
著好水鞋，出發LU！講漏左添！大堂酒店嘅地面都係舖哂鹽。
好緊張呀！好在天氣好好，真係大感恩啦！
我地嘅車開始進入鹽湖啦！
咦！乜咁嘅！同想像中差好遠喎！同網上睇嘅差更遠囉！
等我仲滿心期待添！
藍天白雲係有呀！弊在塊鏡去左邊呀！
唉！好勉強，遠處叫做有些少藍天白雲倒落水囉！
湖面好濁，仲有好多白色飄浮物添！（死蠢！果D係鹽黎架！
）湖底仲係泥咁嘅色。
我地已經出到唔見岸囉喎！塊鏡仲係馬馬地清咋！
厘塊咁嘅鏡，唔知大家收唔收貨呢？
（點都好過落雨啦 
）
厘邊仲密雲添！
仲有大大塊鹽結晶添！
唔止湖上有，我地嘅水靴、褲同車內都佈滿鹽。
前面係個旅遊中心，有個休息嘅地方，有咖啡茶同小食，
亦係鹽湖唯一有洗手間嘅地方。（點都要奉獻D架啦！獨市嘛！
）我地都係對影相興趣大D，一陣先去＜中途島＞。
咁先似天空之鏡嘛！真係一望無際嘅倒影，開始有D震撼感啦！
遠處係整個＜中途島＞（旅遊中心）
玩完一輪，我地先到中心休息，中心入口嘅玻璃窗，貼滿旅行社嘅徽章。
整座建築，九乘以鹽磚為材，中間係茶水小賣部。
四周置枱凳供遊客休息
當然要佈置番幾座鹽雕啦！
左手邊度門係洗手間
喺戶外插滿各國國旗，喺無邊湖中隨風飄揚，確係好主意。
中途島附近嘅巨型鹽雕
有新人黎影婚照，恭喜恭喜！
咪係阿凡達嘅女主角（扮野啫）
咪以為佢收錢喎！佢只係娛人自娛，帶俾大家歡樂咋！合照時佢好投入咁擺pose，認真好人。
咁嘅靚景，有航拍器，當然唔好收埋，影番夠本啦！
我得部相機都影到唔停得手啦！咪鬧我係咁洗版，天空之鏡真係魅力沒法擋嘅呢！
斜陽照雪峰，明艷動人。
黎張全景先得，（唓！360度先叫全景呀
）係嘅！對唔住，厘張只係闊些少嘅駁相啫！
企喺360度一望無際嘅天空之鏡上，既感動，又震憾，世上竟有如此大美之景。
嘩！好瀟灑呀！人在畫中，畫中人兒。
始終有一邊天空雲層較多，遮住太陽，今日影唔到火燒雲啦！
唔知佢地踏喺雲上，有無飄飄然呢？
（廢話，咁夢幻，齋睇景都飄飄然啦）
慶幸仲有一邊夠清朗，以今早天氣咁差，心足啦！
時近黃昏，要走啦！
又有兩位踏雲而來，點都要影埋先走啦！
真係走LU！
漸漸天雲變色，既有霞光，又落大雨（遠處）。
見唔見遠處（中途島右邊）落緊大雨呀？
開始起風添！湖面被吹出皺紋。
吓！
大雨區嘅後面，竟然仲睇到落日添！
雖然無乜光，但睇唔睇到連雨水落湖都有倒影呀？
其實厘個時候係雷電交作，有廿幾次閃電，但我一次都影唔到呢！
好彩有人影到，我地12人中，有一位幸運兒影到，雖然震左DD，但喺天空之鏡上，
風雨雷電加一個笑面嘅落日，點都係難得一見嘅景象啦卦！對我而言，肯定係此生難忘呀！
（咪咁快畢生難忘住，更精彩嘅天空之鏡等緊你呀
）( Roger作品 )
D12 完
3/3 D13
Salt Flat (3650m)
全天鹽湖,日出日落
Salt Flat - Hotel Luna Salada (包午、晚餐)
早起出門，睇下有乜收獲啦！
酒店走廊兩旁同房間一樣，牆壁全用鹽磚鋪砌，牆腳有深坑舖滿鹽。
酒店大門貼滿旅行社徽章，睇黎，玻國同旅遊有關嘅事業都喜歡貼旅社徽章。
門外停泊嘅汽車少左好多
厘度嘅仙人掌好有趣，厘棵似動物尾巴，夜晚無睇清楚，真係以為有隻大型動物添！
酒店部份建築，外表無乜特別，內裏幾豪華舒適，一陣我地帶大家睇下。
本來想睇下有無機會睇日出，可惜無行呢！唯有返入去四圍參觀下囉！
遊戲室
酒吧
我比較喜歡厘座雕塑，夠清簡。
尋日坐滿哂人嘅酒店大堂 ，而家人影都無個。
通往餐廳嘅走廊，右邊係客房，左邊有好多小客廳，
如果厭房間侷促，可以出房門口嘅客廳閒坐。
每個客廳有矮牆相隔，全部建築都用鹽磚。
每個小客廳都有不同佈置
窗外景觀
厘個廳無坐椅，只有兩張吊床，睇星就啱啦！
厘度係另一邊嘅走廊，小客廳嘅設計採開放式，
同樣分多個空間，似乎厘間酒店幾鼓勵客人享用公共客廳喎！
牆上裝飾
早餐都幾豐富
今日嘅好開始，一出發就遇上野生駝羊。
落湖囉！
咦！大巴都可以照行！
黎到鹽堆，覺得幾得意，停車影下囉！
厘兩位係我地團嘅廚娘，午餐靠哂佢地 , 辛苦哂！
仲有呀！途中又經常提供小食同飲料，咁好嘅安排都係第一次咋！
大家玩得不亦樂乎
你竟敢同我相公影得咁親熱，仲唔俾我抓到你小辮子？（設計對白咋
）
走LU！
今日順光，經過＜中途島＞座鹽雕非常清晰。
天氣好，整個＜中途島＞一覽無遺。
繼續前行，厘片湖底又截然不同啦！好工整嘅六角形。
司機指向遠處叫我地睇，咦！咩黎架？
原來多年前喺度汽車失事送命嘅紀念十字，據司機講，厘度一共有四個。
本來我地上午要去仙人掌島嘅！由於連日落雨，
厘個位置係越行越深水，結果我地架車死火啦！
我地嘅司機同其他三位努力搶修，結果因為水太深，決定放棄仙人掌島。
無得去啫！咁究竟個仙人掌島係點嘅樣得架！俾兩張網照解下毒都好吖！
仙人掌島（網上照片）
司機們努力搶修，結果成功修好。
於是決定就地午餐（喺厘度
），全對！廚娘們就即席泡製午餐。
初時佢地用四部車圍住張長餐枱，有無搞錯呀！人生咁難得可以喺天空之鏡上用餐，
咁浪漫嘅環境，搞到好似喺車房用餐咁！！
最後梗係將D車駛遠D啦！
喂！你兩位咩事要搞到講手呀？原來有人童心大發，
要叉隻腳落個窿度，睇下到底有幾深喎！（5，6吋左右啦）
其實都幾多厘D窿架！
大家仲好奇咁研究鹽湖底嘅結構到底有幾多層（咁啫係點呢），結果梗係一個桔啦！
嘩！使唔使咁隆重呀！廚娘好用心咁調左杯彩色酒俾我地，（擺拍都抵啦）
真係飲架！我唔飲得，覺得幾勁，但團友話甜酒，好飲喎！
廚娘嘅保溫功夫做得真好，天氣幾凍，但食物仲熱架！厘D用粟米葉包裹嘅，類似我地嘅鹹肉糉。
炒飯同煎釀矮瓜，見唔見炒飯旁邊果碗醬汁呀！一樣準備妥當。
亞胡鬚佬好似係胡椒粉黎嘅！
仲有什菜同沙律，當然仲有大量汽水果汁供應啦！
埋位啦！
話時話，我諗無團友會忘記厘個咁浪漫嘅午餐架啦！
話咁快食完，人人咀邊仲讚嘆緊厘餐嘅心思同環境。
一於唔嘥，玩夠至走，（玩咩呀
係喎！中間果大盤係香蕉同柑，影漏左添！而家當係花囉！
唔好等啦！佢唔黎架啦！
（玻利維亞咁鬼遠，黎到你都走左啦
無得玩LU！
你班百厭星，等我用背囊收哂你地返去吖嗱！
計我話用頂帽冚住佢地咪得囉！
講咁多廢話，簡單D，踩扁哂佢，睇佢地仲點搞搞震！
玩夠又出發LU！黎到厘度，見湖底特別清澈，藍天白雲，如幻似夢，好詩意，又停車影一輪。
行車途中，遠處又見豎左十字架。
間中又停車影下，包團真係超爽。
回程時又見遠處嘅十字架，應該快到中途島啦！其實喺湖中，如果唔熟識地形，都幾難辨方向架！
返黎中途島
一直都無影到支香港旗，今次影番張先。
我地一路慢駛回程，沿途慢慢停下影下，目的同厘D車一樣，等睇日落，今晚唔知有無機會呢？
個天越黎越靚
嘩！咁嘅大螢幕，駁幾張相都表達唔到現場嘅震憾感。
燒到漫天彩霞，係360度全視覺享受自然美，唔識形容，對我黎講，絕對驚艷。
厘面順光，影像清晰。
火雲邪神？
背光嘅一樣美得令人窒息
越燒越勁
厘一刻，無論任何角度，只要你肯張眼欣賞，
都係畢生難忘嘅畫面，實在唔係照片能體會嘅場景。
Ricky作品
我地一路玩到湖面黑哂，上車後心情仍覺激動，真係唔信自己可以咁好彩，
兩日嘅鹽湖，睇嘅景觀各異，各有精彩處 , 唔知聽日我地會迎接個點嘅鹽湖呢？
由於酒店房間爆滿，尋晚間房，我地只能住一晚咋！
雖然都係厘間酒店，不過今晚要搬間細房啦！
我地房門口嘅小客廳
房間雖小，OK嘅！
D13 完
4/3 D14
Salt Flat (3650m) > Uyuni Town
Uyuni- Hotel Magia Hostel (包午、晚餐)
今早旅社有安排影鹽湖日出嘅，但我地偷懶，得兩位團友出發，
佢地影到日出，不過話馬馬地喎！似乎日落壯觀D喎！
輝哥作品
我就懶D，喺門口算啦！可惜座山擋住，睇唔到日出，只有霞光，之後已經一天都光哂LU！
食完早餐，今日要轉移陣地，到Uyuni市內住一晚，工作人員正幫忙搬行理同物資上車頂。
沿途都有厘類仙人掌
被飼養嘅草泥馬，佢地多數喺耳朵做左記認，厘幾隻長頸D。
厘種短頸D，肥嘟嘟，有D似綿羊。
又返黎 Colchani 小鎮，呢！我地租借鹽湖旅館食午餐果度呀！
厘間博物館，之前已經參觀過，所以唔影啦！
今次係跟住導遊參觀製鹽工場，佢地嘅操作好原始，好簡單。
厘D係食鹽嘅製成品，同樣分粗幼兩種。
之後我地返去上次個客飯廳等開餐LU！
今餐好豐富，先黎炸薯條，長通粉同沙律菜，果兩兜紅色醬汁，
除左茄汁外，大碗嘅係佢地自家製嘅，應該有蕃茄、辣椒同香料，非常好味。
厘D好似餃子/角仔嘅餡飽，係南美普遍美食，叫Empanada，有多種餡料，
我地今餐食嘅係雞肉，係廚娘親手製作，好味！不過一隻己經好飽啦！
跟住仲有一大盤香煎三文魚，嘩！樣樣都大份兼好味，點食得哂呀！
真係好奇點解食物全部新鮮熱辣嘅？
當食完午餐，廚娘們收野之際，我一於死跟，
查探究竟啦！噢！原來唔止租個客飯廳，仲租埋大廚房架！不過廚房只提供自來水同料理枱，其餘所有廚具都要自備，包括石油氣呀！
仲有座石油氣焗爐，我地食嘅 Empanada 就係用厘個焗爐焗架啦！
破左迷底之後，又去參觀下其他團用餐啦！其實厘間大房有7張床，
左邊有旅團進餐，佢地只靠保溫桶載食物，當然無我地咁豐富啦！
比較之下，我地享用整個大廳，算豪華囉！
仲有另外嘅飯廳同三人房，厘間鹽磚旅館都容納幾多遊客喎！
出發LU！雖然我地食個午餐看似簡單，其實我地D工作人員好似搬屋咁，
呢！車旁罐石油氣就係為左厘餐而設啦！雖然我地四架車，但都載滿物資，
據導遊講，入鹽湖除左無乜選擇外，價錢亦好貴，所以佢地準備哂全部食材用具。
飯後離開 Colchani 小鎮 , 沿途景色
卅分鐘就到 Uyuni 市中心，哲古華拉最後死喺玻國，亦係玻國人心中英雄。
好快就到達今晚住宿嘅酒店，係好有懷古味道嘅酒店。
似足50年代嘅佈置，厘度好多擺設，四、五十歲嘅朋友都未用過架！
餐廳嘅佈置都好正
我地嘅房間，氣氛唔錯。
雖說係市中心，但市面好靜。
又水浸
攞左房放好行理，小休後，團隊又出發去鹽湖欣賞日落同星空。
雪峰前嘅草泥馬特別可愛
厘條路簡直無處不是氹
我地位司機為左避爛路，終於出事啦！（唉！又係我地架車）厘次無咁好彩啦！
搞左好耐都唔得，導遊叫我地分三架車坐，等司機搞掂再匯合番我地喎！
黃昏嘅鹽湖一D都唔寂寞
（又係鹽湖日落，你地唔悶咩？
）係囉！編行程時無早知架嘛！我地有四日機會玩鹽湖，因為怕遇上雨天或密雲，迢長路遠，梗要預鬆D時間啦！
點知上天厚愛，俾我地次次美景，最多放少D相，希望唔好悶到大家走哂啦！
我地位司機得途人幫助，終於可以黎匯合車隊LU！
又係漫天彩霞
咁嘅美景點會悶呀！靚女點都要自拍多幾張啦！
美豔嘅天空之鏡，我愛妳！
天色漸黑，為左欣賞靚景，我地只可以喺車度路餐囉！
今晚嘅星空有少少失望，以為天氣晴朗，實係好多星啦！（可能未夠夜卦！）
捕耐D先隱約睇到些少星河
D14 完
本來如果天氣唔好，D15仲有上午作最後一擊，既然已經心想事成，我地算係告別天空之鏡啦！
要總結厘塊無邊大鏡，我借左團友嘅兩段短片同大家分享，希望可以稍稍體會大自然嘅偉大神奇啦！
玻利維亞天空之鏡（踏在鏡上的雲端）Anissa作品（唔好意思，經慢速處理過）
https://youtu.be/ecTWwmEqolY
玻利維亞天空之鏡（彩霞遍地）
Anka作品
https://www.youtube.com/watch?v=9nyccfX9GAs
自組南美團五國（秘魯、玻利維亞、阿根廷、烏拉圭、巴西）32天記遊(Part 2)
http://chuchu-hung.blogspot.com/2017/04/32part-2.html?m=0
沒有留言:
張貼留言