喜歡影相嘅就更啱玩啦！
（唓！有乜特別啫，未成為文化遺產時，我就跟團去過啦
）係囉！咁有乜好寫呢？咪就係果次跟小鄧包車玩，感覺完全唔一樣囉！雖然已經係去年夏天嘅行程，（搞乜咁遲先寫？
）就黎放暑假啦！可以睇埋野生螢火蟲嘛！（注意要夏天先有）
唔講廢話啦！踏入正題。
因為一眾都係退休閒人，三日前睇啱天氣，話走就走，
天氣好，無論影相睇景都較得心應手。
本來三日可完嘅土樓行程，大伙為食汕頭牛肉火鍋，
甘願住多晚汕頭（當然值啦）; 我地一行十人，
全程使費1600人仔/人，仲剩些少錢種種金（咪就係六合彩囉），
小鄧，我地D長、中、短線，靠你啦！
先講下行程:
D1 福田～初溪土樓群～住初溪土樓
D2 初溪土樓～塔下村+田螺坑村～住塔下村
D3 塔下村+田螺坑村～潮州～汕頭～住維也納會展中心店
D4 汕頭～泥溝村（一村99座祠堂）～福田
D1 福田～初溪土樓群～住初溪土樓
我地一行十人08：00喺福田出發，厘架就係我地坐嘅29座，非常鬆動舒服。
為左趕喺黃昏前到達初溪，午餐只喺服務區食速食啫！
16：00未到，我地已抵初溪，黎土樓群，梗要領略下土樓風味啦！
不過點都要付出些少力的代價嘅！唔該自己拎住行理上山啦！
先經過左上方嘅停車場
沿山路落溪邊，過石墩橋。
再沿山路上土樓
我地今晚住宿餘慶樓（左邊果座），
中間果座都係民宿，右邊果座係博物館。
土樓當然無LIFT啦！
房間比想像中好，冷氣夠凍，冷熱水充足（無法啦！習慣城市生活嘛！）。
厘張喺我房門口影嘅！
放低行理，大家速速上觀景台影黃昏俯瞰景，
奇怪網上搵唔到厘度嘅日落日出景，原來因為位處山谷，
被山所阻，見到太陽時已升到好高了！
喺出發前，小鄧先向老板預訂晚餐，返黎就輕輕鬆鬆等食啦！
土樓老板
枱面兩個煙灰缸幾別緻
厘位大嫂整緊飯？啊！要黎餵雞嘅！
D雞嘅毛色好靚，見到就。。。
上觀景台，要行番落山，
過石墩橋後向右沿上山路走
按指示繼續上山到觀景台
觀景台可俯瞰整個土樓群同梯田
土樓有方形，亦有圓形同半圓嘅（圍裙樓）
影完土樓群，意猶未盡，索性行去對面山頭，感受多D田園滋味！
於是齊齊行番落山，經過佢地嘅活動廣場，
喺唯一一座白色土樓左旁，依山路而上，
沿途經過好多土樓、村屋、茅房，
厘度連雞鴨都好愜意，
山上仲有座圍裙樓（半圓型），全係民居，唔打擾啦！
繼續行去梯形稻田，據村民講，中秋過後就全山金黃啦！
（弊在中秋過後未必有螢火蟲呢）
禾稻已經結成一束束，方便收割卦！
我地喺梯田間走動
梯田嘅線條好靚，層次感又強，
雖然無好靚嘅日落，但金光灑落稻田上，感覺幾浪漫架！
山上間中又種有柿樹，開始熟啦！有團友話好甜喎！
趁仲有陽光，大伙原路番住宿土樓，
天氣炎熱，都係返房沖涼換件衫，返到土樓腳下，團友都不忘影多幾張。
入房前影番幾張土樓內部，雖然做左民宿，都算保存左原來風味。
圓土樓視野開闊
準備再落樓時，發覺土樓內已經著哂燈啦！
落樓下聊天
老板娘好熱情,立即泡茶請大家飲，茶湯回甘，
飲一口就有生津止渴嘅感覺，好正！
老板娘話係養肝茶，廿蚊包，我買左兩包，
講價30蚊／2包，但味道不及當場飲嘅好。
所以朋友們如果幫襯，最好當場試清楚先好買啦！
入餐廳時，團友見有好大隻蛾，於是影低（多謝芝芝借相）。
去到餐廳，有D莫明，咦！食飯盒呀！仲係環保果隻？
原來係蒸飯，足有兩碗，好味！
仲有走地雞，唔似廣東咁細隻，幾好肉，
食過大家即時話要添食，結果兩隻都。。。
因為之前問左村民，佢地話上觀景台無夜景睇，
於是飯後各自返房，其實土樓夜的星空都好靚。
（多謝輝哥同小慧借相）
D1 完
D2初溪土樓～塔下村+田螺坑村～住塔下村
明知好難影到日出，但大伙06:15再登觀景台。
清晨嘅土樓門前照明都未熄
喺山上，清風送爽，面對美景，就算影唔到旭日初昇都爽呀！
雖然太陽無露面，但天邊紅霞乍現。
陽光好快照遍整個山谷，咁樣享受一個清晨，感覺真係好！
係時候返土樓食早餐啦！
￥10／人，味道唔錯。
圖中最大嘅圓土樓係博物館(集慶樓) ,
我地住前排最左邊座土樓（餘慶樓 ,最接近觀景台）。
距離咁近，可以慢慢嘆完早餐，吹下水，等開門，
然後慢慢行過去參觀土樓博物館----集慶樓。
黎到博物館
土樓除外牆外，全由木建成，防火措施當然唔少得，
入門即見左右兩個大水缸
另外，較觸目嘅係四周設有通上二樓嘅外露型樓梯
地面層嘅幾十個房間用作展覽室，
陳列往惜客家土樓人家嘅民風物俗。
厘間值得介紹下啦！原來土樓有秘道嘅，
平時厘個凹位係碗櫃，必要時可以鑿穿20厘米嘅磚牆外逃，
不過只有幾位輩份高嘅族人先知啫！
（唔知係咪每座土樓都有秘道嘅呢）
二樓嘅房間無開放，牆上貼滿百家姓嘅典故，
特別處係走廊向天井方向有D凹位可以企到一個人，
外望視線較清楚。
三、四樓嘅房間都無開放，只供影相啫！
天井中間建有本族嘅祖堂，作供奉同祭祠之用。
集慶樓屬徐氏家族所有
參觀完集慶樓，我地再去參觀旁邊方型嘅繩慶樓，
雖然厘度部份都做左民宿，但顯得比較殘舊凌亂，
視野同觀感都不及圓型土樓，小鄧揀住宿餘慶樓，抵讚！
行左成朝，部份團友返房休息，部份繼續尋幽探秘，
梗係啦！好少機會住喺咁清幽舒適嘅大自然架嘛！
於是我地去搵條瀑布，條路就喺住宿餐廳旁邊，
其實尋日晚飯前，我同蝦子餅都行過，不過越行越唔妥，
萬一天黑就弊，都係放棄留番今朝行好D。
雖然都係梯田嘅田埂路，但D路好窄，生滿野草，
且路上有暗＜窿＞，因要專心行路，無影到相，
之後就係石澗，雖然有路，但落雨就唔好行啦！會有山洪瀑發。
要越過厘D大石
條瀑布唔算高，但水源充足，唔怪之得村內嘅溪水咁清啦！
返到土樓，大伙再出發去塔下村，
途中見美景，落車影下相。
厘座五福樓據講有五百年歷史，由三環組成，
屬游氏所有，建築風格獨特，以＜五＞數為設計，
共50開間，分別有五個單元，五個樓梯，五個通道，五個廳。
個零鐘去到塔下村，先在入口買門票，店東叫我地喺橋底等。
先認住厘條橋，我叫拱形厘邊做橋頭，直果邊做橋尾，
（做乜要認住
）睇落咪知囉！
帶我地直達民宿
已經係午飯時間，店東話正好煮緊麵，
問我地食埋好唔好？梗係好啦！
趁時間仲早，快D醫左肚就出去玩嘛！
入房處理好行理
由於團中多數都跟團入過承啟樓之類，且門票昂貴，
所以唔去啦！我地黎厘邊，主要係玩左下四處：
塔下村、德遠堂、裕昌樓同田螺坑土樓群。(圖片來自網上)
一行人就沿河行上山俯瞰塔下村。
出去經過條橋，就見有人落溪度拉網撈小魚，
唔怪之得厘度嘅炸魚仔咁抵食啦！
土樓居民嘅雞鴨多係放養嘅
厘座橋上嘅亭好別緻
沿河風景優美
厘條路邊死蛇！
原來洛神花嘅花係粉紅色嘅
厘D似蜜豆嘅果實都係紅色嘅，應該食得卦！
厘座裕德樓超過二百年歷史，屬半圓嘅圍裙樓，
正在維修緊，同時亦係民宿
行過對岸仲可以影埋個倒影添！
厘度嘅土樓，好多都成為民宿啦！
繼續前行，經過德昌樓，
再過兩三間屋位，見到小玲瓏客棧，
就喺厘條咁唔起眼嘅小路上山，厘度就喺橋尾附近啦！
最初山路寬闊
但越行越窄，仲聽見水聲添！
真係有條山澗
要跨行山澗而上，落雨天千萬唔好上啦！危險呀！
再過又見山路，幾陟峭，尤其最後一段，較多碎石。
終於到頂啦！
其實人太多的話都有D危險，我地輪流換位影相，
不過喺度俯瞰塔下村就真係超正
仲可以清楚睇到德遠堂，辛苦D都值得。
塔下村一河兩岸，成太極形，厘張係全景相。
返落黎橋邊見有冰凍酸梅湯，唔似火鍋果種，
味道似話梅，飲落酸甜可口，兩蚊杯，正！
對岸係裕昌樓，我地過門不入，留番等陣先睇。
先步行返民宿，再驅車去田螺坑睇四餸一湯嘅土樓群。
先到上觀景台俯瞰四餸一湯
我地入塔下村時買左，所以唔使買啦！
上觀景台分上下兩層(上層)
如果影人，可以由上層影落下層，咁就人景分明，清楚入鏡。
影完再驅車去下觀景台，變為上望土樓群嘅角度，
厘個景區，連路燈都設計成土樓式樣。
哈哈！我地行動快，比預期早完成，
可以繼續東歪西斜嘅裕昌樓啦！
入門之際，有為食團友唔放過門前伯伯賣嘅龍眼，
晚飯時食到大家咀＜where＞，厘舖無得LIKE呀！
言歸正傳，裕昌樓由劉、羅、張、唐、范五姓共建，
內有22口水井，係現今水井最多嘅土樓。
一進土樓，影入眼簾係迴廊外東歪西斜嘅支柱，
有D係逆時針，有D就順時針，
雖然比任何一座土樓都商業化，但仍值得一遊嘅！
據資料：這土樓當然係五姓共住啦！地下層係灶間，
第二層作糧倉，第三層屬老人長輩居所，
第四層住年青人，第五層係放。。。棺材。
(咦！我喺餘慶樓係住。。。。
天井中央嘅祖堂同集慶樓一樣有三度門，
正門係喜門，然後係左生右死。
裕昌樓的小故事：據我地住宿嘅店東所講，裕昌樓嘅建築師想達成個人心願，
建一座與眾不同嘅土樓，但反傳統嘅建築實難以得到業住認同，於是借風水為名，將迴廊支柱設計成東歪西斜，雖然係咁，土樓經七百年內無數地震，至今仍屹立不倒。
參觀完裕昌樓，大伙速速出門過石墩橋到對岸，
幫裕昌樓影張全相啦！大家影得不亦樂乎。
本來無人嘅！D遊客見我地落左去影裕昌樓，
就引來一班朋友走哂落去影相啦！（靚景共享嘛）
景區有清晰路牌
如果行土樓又想慳腳力，可以坐厘種電瓶車嘅！
影完相坐車返民宿食晚飯，途經天后宮，又落車影下相，
厘度嘅梯田都好靚
南靖以觀螢火蟲做招徠（點蟲蟲？有無點我地架？）
返到民宿仲未有飯食，於是喺附近行下，
見茶農用機器揉茶。
晚餐喺民宿，厘個係燉雞湯。
晚飯後又出動，去番日頭睇四餸一湯嘅田螺坑土樓觀景台影夜景，
仲問店東邊度有螢火蟲睇，店東好隨便咁話：隨便路邊都有（當真）。
小意外，大收獲：車路好黑，小鄧突然話忘記帶門票，
有團友又發現此刻天空星雲密佈（未知有螢火蟲），
小鄧索性留我地喺路邊觀星，佢一個人回頭攞票，
大伙小心奕奕企喺路邊 , 因為一邊係溪，一邊係車路，
兼漆黑一片，怕司機睇唔到路邊企左咁多人，真係有D危險。
當眼睛適應左漆黑嘅環境後（雖然都係黑到乜都睇唔到），
發現對岸樹叢好多點點閃爍不定嘅光，嘩！好多螢火蟲呀！
甚至飛近我地，厘次係我平生睇見最多螢火蟲啦！
我都話人與景要講緣份架啦！可惜無帶腳架落車呢！
（嘻嘻！就算有，以我嘅技術，睇怕都影唔到啦！）
厘張相應該係剛有車經過時影嘅！漆黑嘅係條溪。
（多謝Ricky提供照片）
到左上觀景台，日夜景果然好有分別！
再到下觀景台，除左主要幾座土樓，其他嘅都幾乎無燈。
厘張相係我地膽粗粗，著哂車頭燈，停喺路邊影嘅！
（有D危險，朋友們要自行判斷啦）
返到民宿已經九點幾，見附近嘅圍裙樓著左燈，入去影番張夜景囉！
今日行程豐富，06:00玩到22:00，真係要早抖啦！
D2完
由於團中多數都跟團入過承啟樓之類，且門票昂貴，
所以唔去啦！我地黎厘邊，主要係玩左下四處：
塔下村、德遠堂、裕昌樓同田螺坑土樓群。(圖片來自網上)
一行人就沿河行上山俯瞰塔下村。
出去經過條橋，就見有人落溪度拉網撈小魚，
唔怪之得厘度嘅炸魚仔咁抵食啦！
土樓居民嘅雞鴨多係放養嘅
厘座橋上嘅亭好別緻
沿河風景優美
厘條路邊死蛇！
原來洛神花嘅花係粉紅色嘅
厘D似蜜豆嘅果實都係紅色嘅，應該食得卦！
厘座裕德樓超過二百年歷史，屬半圓嘅圍裙樓，
正在維修緊，同時亦係民宿
行過對岸仲可以影埋個倒影添！
厘度嘅土樓，好多都成為民宿啦！
繼續前行，經過德昌樓，
再過兩三間屋位，見到小玲瓏客棧，
就喺厘條咁唔起眼嘅小路上山，厘度就喺橋尾附近啦！
最初山路寬闊
但越行越窄，仲聽見水聲添！
真係有條山澗
要跨行山澗而上，落雨天千萬唔好上啦！危險呀！
再過又見山路，幾陟峭，尤其最後一段，較多碎石。
終於到頂啦！
其實人太多的話都有D危險，我地輪流換位影相，
不過喺度俯瞰塔下村就真係超正
仲可以清楚睇到德遠堂，辛苦D都值得。
塔下村一河兩岸，成太極形，厘張係全景相。
返落黎橋邊見有冰凍酸梅湯，唔似火鍋果種，
味道似話梅，飲落酸甜可口，兩蚊杯，正！
對岸係裕昌樓，我地過門不入，留番等陣先睇。
先步行返民宿，再驅車去田螺坑睇四餸一湯嘅土樓群。
先到上觀景台俯瞰四餸一湯
我地入塔下村時買左，所以唔使買啦！
上觀景台分上下兩層(上層)
如果影人，可以由上層影落下層，咁就人景分明，清楚入鏡。
影完再驅車去下觀景台，變為上望土樓群嘅角度，
厘個景區，連路燈都設計成土樓式樣。
哈哈！我地行動快，比預期早完成，
可以繼續東歪西斜嘅裕昌樓啦！
入門之際，有為食團友唔放過門前伯伯賣嘅龍眼，
晚飯時食到大家咀＜where＞，厘舖無得LIKE呀！
言歸正傳，裕昌樓由劉、羅、張、唐、范五姓共建，
內有22口水井，係現今水井最多嘅土樓。
一進土樓，影入眼簾係迴廊外東歪西斜嘅支柱，
有D係逆時針，有D就順時針，
雖然比任何一座土樓都商業化，但仍值得一遊嘅！
據資料：這土樓當然係五姓共住啦！地下層係灶間，
第二層作糧倉，第三層屬老人長輩居所，
第四層住年青人，第五層係放。。。棺材。
(咦！我喺餘慶樓係住。。。。
天井中央嘅祖堂同集慶樓一樣有三度門，
正門係喜門，然後係左生右死。
裕昌樓的小故事：據我地住宿嘅店東所講，裕昌樓嘅建築師想達成個人心願，
建一座與眾不同嘅土樓，但反傳統嘅建築實難以得到業住認同，於是借風水為名，將迴廊支柱設計成東歪西斜，雖然係咁，土樓經七百年內無數地震，至今仍屹立不倒。
參觀完裕昌樓，大伙速速出門過石墩橋到對岸，
幫裕昌樓影張全相啦！大家影得不亦樂乎。
本來無人嘅！D遊客見我地落左去影裕昌樓，
就引來一班朋友走哂落去影相啦！（靚景共享嘛）
景區有清晰路牌
如果行土樓又想慳腳力，可以坐厘種電瓶車嘅！
影完相坐車返民宿食晚飯，途經天后宮，又落車影下相，
厘度嘅梯田都好靚
南靖以觀螢火蟲做招徠（點蟲蟲？有無點我地架？）
返到民宿仲未有飯食，於是喺附近行下，
見茶農用機器揉茶。
晚餐喺民宿，厘個係燉雞湯。
晚飯後又出動，去番日頭睇四餸一湯嘅田螺坑土樓觀景台影夜景，
仲問店東邊度有螢火蟲睇，店東好隨便咁話：隨便路邊都有（當真）。
小意外，大收獲：車路好黑，小鄧突然話忘記帶門票，
有團友又發現此刻天空星雲密佈（未知有螢火蟲），
小鄧索性留我地喺路邊觀星，佢一個人回頭攞票，
大伙小心奕奕企喺路邊 , 因為一邊係溪，一邊係車路，
兼漆黑一片，怕司機睇唔到路邊企左咁多人，真係有D危險。
當眼睛適應左漆黑嘅環境後（雖然都係黑到乜都睇唔到），
發現對岸樹叢好多點點閃爍不定嘅光，嘩！好多螢火蟲呀！
甚至飛近我地，厘次係我平生睇見最多螢火蟲啦！
我都話人與景要講緣份架啦！可惜無帶腳架落車呢！
（嘻嘻！就算有，以我嘅技術，睇怕都影唔到啦！）
厘張相應該係剛有車經過時影嘅！漆黑嘅係條溪。
（多謝Ricky提供照片）
到左上觀景台，日夜景果然好有分別！
再到下觀景台，除左主要幾座土樓，其他嘅都幾乎無燈。
厘張相係我地膽粗粗，著哂車頭燈，停喺路邊影嘅！
（有D危險，朋友們要自行判斷啦）
返到民宿已經九點幾，見附近嘅圍裙樓著左燈，入去影番張夜景囉！
今日行程豐富，06:00玩到22:00，真係要早抖啦！
D2完
溫馨提示：
睇螢火蟲首要係夏天、無雨，因為沿途行車有車頭燈照明，
睇螢火蟲首要係夏天、無雨，因為沿途行車有車頭燈照明，
難以察覺到螢火蟲嘅存在，一定要在漆黑叢林才是觀螢火蟲嘅好地方，
民宿老板無講錯，隨便喺路邊叢林都可見，
所以當晚我地見唔少遊客係黑夜步行出去，
為的是觀螢火蟲。
為的是觀螢火蟲。
D3 塔下村+田螺坑村～汕頭～住維也納會展中心店
一早起身，出去附近行下。
入去座長方土樓參觀，積興樓都有民宿，
算企理，不過始終喜歡圓土樓多D。
見村民晒嘅芋仔，提醒我地又到中秋啦！
尋日見位茶農揉茶，哈哈！今朝俾我影埋續集----晒茶。
返民宿食早餐再出發LU！
民宿距離德遠堂好近，大家安步當車，
經過見到村民種嘅瓜都玩得一餐。
原來厘D係准山
又黎到條橋啦！橋嘅一面有指示德遠堂嘅方向。
但橋嘅另一面就無指示牌（失敗）！
其實上山影俯瞰景條路（小玲瓏客棧旁），就喺橋嘅附近。
我地跟指示順橋尾嘅村路行入去
好快見到德遠堂
德遠堂前嘅廣場有佢地嘅歷史介紹
仲有用螢火蟲做旅遊亮點
廣場上有個表演台
黎厘度嘅遊客，就係被厘D石龍旗杆所吸引。
厘張係行上祠堂背嘅靠山影落黎
面對祠堂嘅左邊有條路上梯田，角度仲正。
再行高D，中途有個突出地方可以留倩影。
自已包車真係好，咁熱天氣，可以一日沖幾次涼，爽呀！
入房執拾行理，又向潮汕出發啦！
離開時途經南靖下板村劉氏嘅追繼堂，亦有石龍旗杆，
不過規模就差得遠啦！
玩左兩日半，福建行程有咁多野睇，算係超標完成啦！
雖然主菜上齊，懶極，甜品都唔少得架！
餘下嘅一日半潮汕遊，繼續開車LU！
我地離開塔下村後，向潮州駛去，途經間食肆
求祈入去點幾個小菜
個莞茜魚湯OK
厘碟味菜豬肚陣味無人忍到，結果拎過隔離枱。
下午四點零鐘到達潮州嘅廣濟橋（湘子橋）
雖然係八百幾年嘅橋，但已經維修翻新。
其實大家都黎過，只係路經咪又睇下囉！點知門票要60大洋，
嘩！連半票優惠嘅都話唔入，全票嘅梗唔入啦！
結果古稀團友免費入去行下囉！
講開門票，土樓門票喺列入文化遺產後，
一樣咁貴，記得N年前係全不收費嘅！
廣濟橋中間有廿幾隻船作浮橋
嘩！我無眼花呀！有人擔遮遊水喎！
（唓！你地泳術差，少見多怪啫！）
係嘅！佩服！佩服！
既然黎到囉！雖然步行街水靜鵝飛，都行下啦！
當然唔少得潮州花生糖啦！團友幫襯左隻鹹味嘅，幾特別！
條街仲保留左個古井
當然遊埋古城樓啦！我倆有上過去嘅！
點知俾團友叫番落黎食豆腐花，好啵！即落！
咪無再行囉！
跟住驅車落汕頭，諗住車到河邊影日落，
點知向西嘅位唔係被人攔左，就係被建築物遮住，
只影到水退塗灘嘅霞光，好過無啦！
年初黎汕頭時，酒店服務員介紹我地黎厘度食牛肉火鍋。
果然正宗！
厘碟雪花脖蘭真係正到痺呀！
喺厘度，感覺食菜貴過牛，都係食多D牛囉！
今晚我地住維也納會展中心店。
一早起身，出去附近行下。
入去座長方土樓參觀，積興樓都有民宿，
算企理，不過始終喜歡圓土樓多D。
見村民晒嘅芋仔，提醒我地又到中秋啦！
尋日見位茶農揉茶，哈哈！今朝俾我影埋續集----晒茶。
返民宿食早餐再出發LU！
民宿距離德遠堂好近，大家安步當車，
經過見到村民種嘅瓜都玩得一餐。
原來厘D係准山
又黎到條橋啦！橋嘅一面有指示德遠堂嘅方向。
但橋嘅另一面就無指示牌（失敗）！
其實上山影俯瞰景條路（小玲瓏客棧旁），就喺橋嘅附近。
我地跟指示順橋尾嘅村路行入去
好快見到德遠堂
德遠堂前嘅廣場有佢地嘅歷史介紹
仲有用螢火蟲做旅遊亮點
廣場上有個表演台
黎厘度嘅遊客，就係被厘D石龍旗杆所吸引。
厘張係行上祠堂背嘅靠山影落黎
面對祠堂嘅左邊有條路上梯田，角度仲正。
再行高D，中途有個突出地方可以留倩影。
自已包車真係好，咁熱天氣，可以一日沖幾次涼，爽呀！
入房執拾行理，又向潮汕出發啦！
離開時途經南靖下板村劉氏嘅追繼堂，亦有石龍旗杆，
不過規模就差得遠啦！
玩左兩日半，福建行程有咁多野睇，算係超標完成啦！
仲有一日半潮汕之行待續.......
咪走住呀！擔遮游水你見過未？一條村有99間祠堂，你見過未？
（厘D我都係第一次咋）
雖然主菜上齊，懶極，甜品都唔少得架！
餘下嘅一日半潮汕遊，繼續開車LU！
我地離開塔下村後，向潮州駛去，途經間食肆
求祈入去點幾個小菜
個莞茜魚湯OK
厘碟味菜豬肚陣味無人忍到，結果拎過隔離枱。
下午四點零鐘到達潮州嘅廣濟橋（湘子橋）
雖然係八百幾年嘅橋，但已經維修翻新。
其實大家都黎過，只係路經咪又睇下囉！點知門票要60大洋，
嘩！連半票優惠嘅都話唔入，全票嘅梗唔入啦！
結果古稀團友免費入去行下囉！
講開門票，土樓門票喺列入文化遺產後，
一樣咁貴，記得N年前係全不收費嘅！
廣濟橋中間有廿幾隻船作浮橋
嘩！我無眼花呀！有人擔遮遊水喎！
（唓！你地泳術差，少見多怪啫！）
係嘅！佩服！佩服！
既然黎到囉！雖然步行街水靜鵝飛，都行下啦！
當然唔少得潮州花生糖啦！團友幫襯左隻鹹味嘅，幾特別！
條街仲保留左個古井
當然遊埋古城樓啦！我倆有上過去嘅！
點知俾團友叫番落黎食豆腐花，好啵！即落！
咪無再行囉！
跟住驅車落汕頭，諗住車到河邊影日落，
點知向西嘅位唔係被人攔左，就係被建築物遮住，
只影到水退塗灘嘅霞光，好過無啦！
年初黎汕頭時，酒店服務員介紹我地黎厘度食牛肉火鍋。
果然正宗！
厘碟雪花脖蘭真係正到痺呀！
喺厘度，感覺食菜貴過牛，都係食多D牛囉！
今晚我地住維也納會展中心店。
D3 完
D4 汕頭～百貨大樓～泥溝村（一村99座祠堂）～福田
今日無乜特別行程，可以嘆完早餐慢慢出發。
其實上午行程我倆同小鄧早已行過，但大部份團友未到過，
加上汕頭市小公園嘅百貨大樓就喺附近(五分鐘車程)。
（上次傍晚到訪時攝）
而家整個舊城區雖顯滄桑 ,
破落嘅城中，典雅豪華嘅洋房比比皆是，不難想像當年嘅繁華景象。
上次晚飯時間到，滿街食肆招手，非常熱鬧。
厘間係老食店，專供潮汕小食。
目前，市政府做緊重建計劃，從藍圖睇將來係咁款喎！
之後，直驅到普寧市泥溝村，中午黎到泥溝村，
都係先食午飯再參觀，見有大牌檔坐滿人，無錯，係厘檔啦！
據估計，厘條村多達八萬人旅居海外，所以好富貴。
（由於我冬天同夏天各去過一次，所以今次影唔到嘅，都攞番上次冬天去嘅相俾大家睇下。）
由於我首次去係冬天，感到大開眼界，有D睇到目定口呆，但厘次去就無影咁多相，為左詳細解說，以下部份相係首次到訪泥溝村時攝嘅，因為只差幾個月，實際景觀相同。
沿路入村
全村有祠堂九十九座，仲要座座具規模，一座賽過一座，
我地當然無可能行哂99座祠堂啦 !
黎到最當眼嘅祠堂，心裏就諗，厘條村好有錢啵！
可惜祠堂有鐵柵鎖住，當然失望啦！
見有叔父輩行黎，把握機會問下啦！佢話管事未返，鎖左入唔到，
我話無鎖架！老人家好豪氣咁話＜來！進來＞，哈哈，得米！
於是鬼咁興奮就跟尾入去啦！
原來唔止門面靚，裏面一樣金碧輝煌。據老人家話，條村屬張氏，本來明德堂係拉住紅絨簾（睇上面果張相），
小鄧醒目呀！走去簾後裝下，話有個好大嘅龕櫃架！於是我地咪又去裝下囉！老人家見我地咁好奇（可能係覺得我地識野喎），就拉開紅絨簾俾我地開眼界。
D木刻非常細緻生動，全部鑲左金箔。
言歸正傳，老人家一拉開條簾，我地當堂嘩一聲，個個舉起相機係咁影，
老人家見我地咁欣賞，實行再俾我地見識多D，開埋個櫃添，結果當然係嘩嘩聲啦 !
話厘座祠堂雕樑畫楝絕不誇張架！
偏廳甚至連傢俱都好講究
諗住走啦！發覺大門前刻繪有門神，原來後面仲有乾坤，
右邊嘅寫住蓬萊赴會 , 畫嘅估佢係南極仙翁啦！
左邊係踏葦渡江嘅應該係達摩啦！
老人家跟住我地離開就順手關門，好意外嘅收獲，
以為睇左座最靚嘅祠堂，心滿意足咁繼續深入村內。
點知又見一排綠頂嘅豪華建築，又係祠堂。
睇清楚D，原來潮汕人喜歡以戲曲人物作雕刻題材，厘組係穆桂英與楊宗保。
另一組係狄青比武
屋脊中間以鳳凰花鳥為題，的確美輪美奐。
就算你喺堂內外望，視線仍被佢地嘅藝術作品所吸引。
同剛才果座比較，同樣係雕樑畫楝。
唔同嘅係報本堂屬張氏家族嘅總堂，其他嘅只屬分堂，
祖先龕櫃同樣係豪華金漆，款式差唔多，且都係新修嘅！
又一祠堂鎖上鐵柵，剛好有人出黎，請求入去參觀啦！泥溝村民好友善好客 ,
二話不說就請我地入去飲茶，我地當然唔嘥時間，亦唔想打擾太耐。
偏廳用左好多戲曲場面做裝飾。
欣賞完，影下相就告辭。
村民都好客，每間祠堂都歡迎我地到訪影相，
對女客毫無限制，仲顯得好自豪添！（俾我都自豪啦）。
祠堂豪華都未算呀！我大鄉里，平生見識咁大支貢香就喺厘度。
製做巨型貢香全用人手，個芯係枝唔細嘅竹竿，真係少D力都唔得呀！
相信D貢香除左賣俾外人，本村自用都有一定銷量啫！
泥溝村比較有生氣，人口多，厘座民居個氣窗同樣古雅，用左興旺二字。
厘座祠堂無開，較舊，相信唔使好耐又修建啦！
厘座小巧玲瓏，似係新建嘅！
睇完一系列嘅祠堂，同村民傾過，原來泥溝村一共有九十幾座祠堂，
嘩！只行祠堂都要兩日啦！唔怪之得要用咁多巨型貢香啦！
維修中嘅祠堂
潮汕人出名神心，用咁巨型貢香點裝呀？
中間枝竹會燒到咩？原來佢地有特製燒香座，睇地下，證明即使咁大枝竹，一樣燒哂！
厘間飛髮舖張凳好型喎！相信有一定歷史啦！
離開時又經過一兩間祠堂，都係好精工細琢嘅，厘間嘅門神雕像仲有膠片保護添！
條村咁大，花一日都行唔哂 , 四天嘅豐富行程到尾聲啦！唯有留番下次啦！
行程完滿結束，謝謝各位支持！
沒有留言:
張貼留言