http://chuchu-hung.blogspot.com/2015/12/28.html?m=0 (Part 1)
15/11 D26
故宮-北京(K601,22:17-08:22) ~ 太原
適逢今年故宮開放九十周年，此行特意到北京故宮 , 就係衝住新開放景點，
尤其城牆，從未有機會上嘛！當日係星期日，諗住新景點好擠擁啦！點知無乜人，
睇得好舒服。因為上左城牆就遠離中軸線，對首次遊故宮或旅團都唔適合，
雖然放棄中軸線，但我地都參觀到接近閉館時間。
早上八點就到達天安門
黎到故宮剛好08：30，入場LU！淡季又平DD。
從午門入口步行不遠，就見上城牆嘅閘口開左（無人入），
又有職員守住，咪問下入唔入得囉！OK！上囉！
前面就係從未開放嘅午門及東西雁翅樓展廳，今次嘅主題係
普天同慶——清代萬壽盛典展，展期只有三個月。
整個展廳首次展出有關康熙六十大壽嘅盛況，眾臣及皇子孫賀禮，壽慶場面及用具器皿，
當然有后妃嘅名貴珠飾后冠 , 總之睇到眼花花啦！
最值得一讚係遊客可免費借用藍牙導聽器（中／英語），且接收清晰，
只要你企喺某一位置片刻，耳機自動搜尋對號闡述，無需任何人手控制，
非常方便，即使老人家都識用。
以下嘅都係首次展出嘅珍寶，怕悶親大家，放幾張算啦！
厘個一品火煱有埋味碟，好IN喎！唔用時仲有個大蓋蓋住。
厘套都係火煱，睇黎清宮都好喜歡食火煱。
皇帝大宴桌上餐具
厘個壺真係好靚
厘件唔係肚兜，係懷擋，大概類似餐圍巾嘅作用。
壽慶場面畫卷
厘排屏風最矚目，佔據展廳中央，亦佔地最大，係康熙嘅皇子孫送嘅壽屏。
當中當然包括雍正同乾隆啦！
下望入口，開始要排隊入場啦！都唔算太多人。
午門上嘅展廳
最靚嘅鐘，當然都藏喺鐘錶館啦！
入口越黎越多人
雁翅樓展廳
參觀完午門同東西雁翅樓，交還導聽耳機，唔可以落番去中軸，只能依指示沿城牆棧道前行。
地磚上舖木棧道保護，遊客只能走其上。
喺故宮外影厘D角樓就影得多啦！上黎仲可以入去都係第一次（唔知以後開唔開放呢）
沿棧道仲可以俯瞰未開放嘅地方，裏面地上似乎處理緊D文物。
眺望宮外護城河對岸
角樓亦僻為展廳，介紹故宮重修嘅手工藝術。
跟住參觀陶瓷館，怕悶親大家，唔擺展品相啦！
文淵閣，清朝時期，四庫全書就藏喺度。
文淵閣內碑亭
上次黎故宮係2011年，當時好似無咁多櫈喎！而家好囉！行攰左可以坐下（乜咁似睇戲嘅）。
故宮餐廳，唔算多人！可能旺季就完全唔同啦！
鐘錶館係我至愛，十蚊！抵睇！
....
厘座會寫字人鐘好有知名度，不能錯過。
鐘人寫嘅字（當然唔會即席揮毫啦）
中國的琉璃九龍影壁共有四座，分別喺北京故宮同北海公園、山西平遙、大同。
今次即使係參觀久已開放嘅後宮，裏面嘅展品都有更換，
甚至有首次展品，一於東西六宮，無一放過。
珍寶館圈嘅範圍好大，厘十蚊唔慳得。
厘D玉璽雖然個個造型都係龍，但個個都別具心思，正！
厘個工匠做乜搞到好似隻昏睡龍咁（咁咪喻昏君，殺頭都有份）
厘座明明係戲台，點解叫＜閱是樓＞？（都話你讀得書少架啦！唔該睇下解釋啦
係有兩層嘅戲台
厘個寧壽宮花園
裏面有座流杯亭，叫＜禊賞亭＞，設計意念來自蘭亭序中嘅
＜曲水流觴，修禊賞樂＞，今次喺避暑山莊亦有厘類亭建築，
過去喺雍和宮亦見過，睇黎都係清代皇家嘅喜好。
珍妃井就好多人都睇過，唔講啦！
厘位悲劇人物嘅靈位
屬首次開放嘅延禧宮，原來到清末改成西洋建築，目前復修中。
雖然好多地方都參觀過，反正黎到，咪溫故知新囉！
諗住差不多夠鐘就喺御花園直出神武門啦！點知御花園通神武門嘅通道早大半個鐘就關，
害我倆兜個大圈先出到去（行左成日，都咪話唔攰，今次咪衰姿油囉）。
因為是日早上已經退房將行理寄存喺酒店，遊玩完故宮先四點幾，
可以施施然返酒店附近食晚餐，再周圍行下，之後返酒店攞行理，搭巴士到北京站
（入夜唔塞車，又唔使攞行理行上行落），坐22：17臥舖返太原。
D26 完
16/11 D27
太原~土堂村大佛~竇大夫祠~烈石寒泉~柳巷夜遊
寫到D27，經漫長努力，遊記總算到尾聲;故宮為人熟識，就唔寫提示啦！
返太原當然又住火車站對面嘅中城賓館，想去而去到嘅都去得七七八八，
冬季唔開放嘅唯有下次再黎過囉！仲有一日半，當然唔嘥，去中北大學附近嘅景點參觀。
今朝出發得比較晏，食完早餐都差不多十點，之後搭866轉835到蘭村西站
再步行去土堂村（淨因寺）睇大佛，按8684資料，落車後行800米左右，原來條路幾靚，
沿汾河而行，不過靜D，好彩有GPS，想搵個人問路都難。
厘D估係水利工程卦！
嘩！毫無安全措施嘅維修山坡。
行到路口，終於見到個指示牌。
右邊嘅路口入去就係啦！
原來搭326路最近，向車尾方向直行就係。
大路入小路係條斜路，見到門口啦！
見唔見左邊嘅大佛閣？係太原僅存嘅兩座佛閣其中之一。
被D樹半遮面，將就睇下啦！佛閣上層唔開放，底層供有大佛像（當然唔能夠同蒙山大佛比啦）。
傳說厘度喺山崩土裂之後形成山洞，洞內有土丘，形似大佛，於是將土丘塑成佛像供奉。
再進係大雄寶殿，殿旁有兩棵唔多怪嘅＜土堂怪柏＞（咁又叫怪柏
怪就怪在即使做記號都數唔清有幾多棵，而家無左片柏林，只剩厘兩棵，所以唔怪囉！
殿嘅每柱頂刻有龍頭面譜，斗拱間可見有龍雕同圖案。
咦！保安做得好嚴密喎！但影相就要就下啦！
供奉左三世佛
另外仲有地藏殿
羅漢殿
參觀完後，我地步行到中北大學，途中食埋午餐。
喺中北大學行去竇大夫祠只有幾百米
厘座塔有D清真味道
先經保寧寺
厘條舊橋都浸左囉！
竇大夫祠係祀奉春秋時晉國大夫竇犨（音酬）的祠廟。
中央凸出嘅係獻殿
竇大夫祠內有內八景，而家剩番五景。（有D似尋寶）
獻殿兩旁放左好多碑刻
厘座＜透明神碑＞係八景之一（睇黎睇去都唔明就真
獻殿內頂亦係一景，的確好靚。
竇犨殿供奉竇犨，佢嘅左邊神枱角落有棵梧桐樹，不過好難先睇到。（我地睇左好耐先搵到）
D斗拱雖係復修嘅，原來嘅線條應該好靚。
厘個二郎手印有D搞笑
旁邊嘅配殿做左人物展廳
可見配殿嘅屋簷木刻細緻
離開竇大夫祠，佢對面係座戲台。
龍頭面譜表情生動
跟住去附近嘅烈石寒泉，出竇大夫池向右沿汾河而行，
見有水利設施，間中又有矮樹由水中生長，風景唔錯。
附近應該有藏族居民，間中見有五色經幡。
前行不遠就係烈石寒泉（個泉名乜解呀
現時泉水呈乾涸狀態
hea左大半日，返酒店休息兼食晚飯，晚上再出動遊夜市。
因為唔知夜市路段有幾長，問酒店職員去柳巷逛夜市最好喺邊個站落啦！
佢教搭10路喺青年路口落，可以由南逛到北，再喺柳北站搭車返酒店，好在問下，
否則我實搭到柳巷落啫，咁就花腳力又花時間啦！
但如果唔想行哂整個夜市（約4個站），可以喺柳南站落車，右手邊就係行人專區。
柳巷夜市範圍大，亦好熱鬧 ; 食品街（迎澤區帽兒巷）嘅選擇可謂五花八門，
無論晚飯／宵夜，梗有一款啱你，廣式嘅都有。
想去酒吧／唱K蒲夜D，厘度都不缺。
唔食唔飲齋睇野，亦得。
厘座晉綏鐵路銀行舊址屬保護文物，當晚關左門，但又睇唔出係咩！（有D似網吧）
摷料就話曾改成俱樂部，後被取締。
橫掂行到柳北，周圍蕩下 , 厘個廣場最啱C9們跳排排舞啦！
山西省市政府
順便去唱經樓影下相，原來無燈嘅！
又再經行人專區到巴士站搭車返酒店LU！
D27 完
17/11 D28
唱經樓~ 文瀛公園 ~ 深圳 ~ 香港
今日係最後半日喺太原，先退房寄存行理，食過早餐去邊好呢？尋晚去唱經樓當然無開啦！
今朝去踫下運氣，睇下有無得入啦！
唱經樓係明朝科舉唱榜嘅地方，諗住有D野睇下啦！
門口有人看守，正好！問下有無辦法入去參觀先。（不能進！關閉很久啦）
唯有走囉！
尋晚夜市好熱鬧，日間就水靜鵝飛。
未夠鐘去機場，走去行下太原市最古老（600年）嘅公園＜文瀛公園＞囉！
厘個名定於明朝，後來改為人民公園、民眾公園。。。等，09年回復文瀛公園嘅名。
狀元橋
人工湖景色唔錯
琉璃塔（點解無介紹架
厘座唔知係乜，似墓似窯，又無說明喎！
厘座三角亭較少見
左邊係彭真紀念館
入口有彭真像同一座刻有＜省立第一中學＞嘅牌坊，厘度係清朝貢院舊址。
彭真及中共太原支部舊址，我倆乜都睇得餐，但考慮到好多人無興趣，就唔放相啦！
入口旁嘅蘇製汽車來頭不少，除左彭真坐過，
仲係1949年毛澤東訪問前蘇聯時，斯大林送俾中國嘅回禮。
時間差不多，食個午飯坐巴士去機場，喺山西玩左咁耐，真係有D唔捨得，下次一定再黎。
28天行程順利結束
首次完成28天咁長嘅遊記，真係好花心思同時間，
最多謝一直支持厘個遊記嘅朋友們，
更多謝喺網上提供資料嘅前輩們，
令我倆能玩得平靚正又順暢。
謝謝！
