27／2出發到韶關三天賞花，果然收獲豐富，
未來十日至兩星期，相信仍有可觀性，要去趁早，
莫待無花空嘆息啦！
.
先講行程：
D1 福田→樂昌九峰鎮→茶料村
D2 九峰鎮坪石村→上廊村→茶料村
D3 翁源李洞村→福田
.
有興趣嘅朋友，可以喺深圳北坐高鐵，去到韶關站
再包車，因為地處偏僻，有D缺乏公交，所以都係
包車方便，自駕當然無問題啦！
.
D1 福田 > 樂昌九峰鎮 > 茶料村
其實厘條線嘅一部份，舊年春天我地已經去過，
大家都知道賞花要撞花期，雖然同舊年相差一星期，
但今年花期比去年遲，所以睇嘅有好大分別，
有興趣嘅不妨比較下，
<春日粵北賞花訪古村4天行>
可能到你去睇時，又唔同啦！到時記得分享下喎！
.
08：00出發，途經乳源已12：30，先食左午餐先。
呢個叫石頭豬煲，原來係豬肉加豬什。
厘味豆腐幾特別，裏面都係素菜。
飯後到茶料村已經15：30，今日藍天白雲。
先黎個全景先，整個景區被李花覆蓋，白色花海。
雖然已見李花盛放，不過仲有好多＜冧＞，十天半月內應該仲睇得下。
就算李花局部謝左，厘度都有唔少桃花，而家九乘仲未開。
我地舊年4／3出發，黎到睇嘅係桃花，因為李花已經謝左大部份。
好優悠咁影下相，喺度HEA兩個鐘。
坐車返九峰鎮，本來入住橫坑村農家樂，點知無房，
唯有出番鎮上食飯兼住宿啦！
厘個水餃同芝麻湯圓係自己去超市買左請老板加工嘅
大家飲飽食醉，唔知老板係咪見小鄧咁豪，
係咁叫餸，實行請我地去享受佢個私人K房，
如果唔係怕嘈親人，睇怕錦田哥王十點都未收咪呀！
D1 完
D2 九峰鎮坪石村 > 上廊村 > 茶料村
.
雖然酒店有餐廳，但只做飯市。
所以今朝約左07：30到後面街食早餐，行到出街，
離遠見架中巴，駛到埋身邊先睇到係厘個鎮嘅巴士，
所以影唔切前面啦！原來個站就喺前面，車一停，
就鬼咁多人攞住大包小袋擺入車尾行理箱。
酒店後面就係客運站
後面街好旺，佢地話今日係墟期，特別熱鬧喎！
的確，除左舖頭，街邊檔多左。
李花同桃花苗
求祈搵間食肆食早餐，厘度好多食米粉嘅舖，
D味精幾好味架！我要左碗鹵肉煎蛋湯米，
盛惠六個大洋，飽哂！
好在早一步，單車隊殺到。
尋晚嘅湯圓同水餃都係喺厘間超市買嘅。
食完早餐出發，酒店老板推介我地去附近嘅
坪石村，半小時車程就到，今日有雨、大霧，
咁又另有意境啫！
哈哈！唔使噴水，D花都水盈剔透，不過落住雨，我地就無咁方便啦！
厘度嘅油菜花同李花都密茂
走LU！到上廊村去。
上廊村我地上次都黎過，姓扶，好特別嘅姓。
舊年厘度嘅桃花好燦爛，今年就只見李花
連荷蘭豆花都一樣咁靚
厘度嘅屋好古樸
有條地下水供村民用添！
半小時又返到九峰食午飯
飯後準備到茶料村嘅另一邊，途經一個桃花林，又落車影下相。
厘D種喺村屋門口，似香港年花嘅桃花種
肥雞呀！
喺山間厘種桃花又唔同喎！
茶料村目前都係李盛桃待放，厘度係另一邊嘅景觀。
唔知黎緊嘅星期六日，有無機會桃李爭輝呢？而家整住幾張拼相先
離開茶料村返韶關途中，見江面起霧，嗱嗱淋跳落車撳幾張。
跟住又見條興建中嘅橋，喺江上霧中，又落車影下。
返到韶關食晚飯
住宿如家
D2 完
D3 九峰鎮 > 翁源李洞村 > 福田
酒店旁有間粥店，食完早餐又出發。
今日得半日遊，雖然天陰，好在無落雨，
11：00到達翁源李洞村，厘個壓軸景超正！
想唔使錢，可以上半山以上（上面無乜人嘅地方）。
我地當然唔會慳錢嘥時候啦！速磅後就兩頭望，入去搵個好位囉！
園主要收錢，當然會花D心思，種番執油菜花點綴下啦！
厘度唔止桃花靚，地下仲有D小花都唔錯架！
厘度嘅鷹咀桃花姿態好靚，好似國畫大師筆下嘅桃花，
蒼勁有力，當然要影番幾張水墨桃花啦！
攞埋煙霧作背景，係咪別有味道呢？
本來諗住幫襯園主食埋飯，佢話我地八個人，
飯菜連一隻雞要兩百，OK吖！少帥問加隻雞得唔得?
點知又要多200，嘩！真係山雞咩！
最後幫佢買左些少桔
由李洞村離開，番出翁源食午飯已經14：00。
厘煲係枸杞頭湯，幾正！
之後當然直車返福田晚飯啦！三天浪漫花海遊盡興結束。
多謝小鄧悉心策劃行程
